FAARSO 30
30
QULLAAWU MINI MAASSO GALATITA DAAWITI FAARSO
BUSHA BALANNI GATINO MANCHI GALATA
1Kaaliiqa, gatisoottoehuranna,
baarigaarra'ya hagiidhitannoe gede,
assoottoekki daafira galateemmohe.
2Kaaliiqa Magano'ya, kaa'lattoe gede,
atewa hige raaroommo; atino hursittoe.
3Kaaliiqa, lubbo'ya jeennaatu gaminni haa'rootto;
waamma e"eemmokki gedeno gatisoottoe.
4Ki'ne Maganu manna, Kaaliiqira faarse;
Qullaawa ikkinota qaagginanni galata uuyyesi.
5Hanqisi shiima yannaraati;
shaqqillisi kayinni hegereraati.
Hashsha wi'linanni galliro nafa,
soodanno woyite hagiirre afi'nanni.
6Ani keere noommo yannara,
«Ikkeemmori dino» yoommo.
7Kaaliiqa, shaqqillikkinni jawaatu ilaali gede ikkite goloottoe;
alba go'littota kayinni masoommo.
8Kaaliiqa, ate woshshi'roommo;
kaa'lattoe gedeno woxaratoommo.
9Ani ree waamamummoro ma kaa'leemmohe?
Bushsha ikkummoro galateemmoheni?
Halaalaanchimmakki kule afeemmoni?
10Kaaliiqa, macciishshie; mararie;
Kaaliiqa ballo, kaa'lie.
11Ati dadille'ya hagiirreho soorrootto;
xidda'ya qasse hagiirre uddisiisoottoe.
12Kunnira sammi diyeemmo;
wo'mu wodani'yanni faarseemmohe;
Kaaliiqa Magano'ya, hegerera galateemmohe.
Currently Selected:
FAARSO 30: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014
