FAARSO 28
28
DAAWITI FAARSO
KAA'LO AFI'RATE SHIQINSHOONNI HUUCCATTO
1Kaaliiqa golo'ya eeggate, ate woshshi'reemmo;
huuccatto'ya macciishsha gibbootie;
sammi yite giwittoero kayinni bale ea'yaati.
2Anga'ya Qullaawu Minikki widira kayiseemmo yannara,
kaa'lote huucci'reemmo huuccatto macciishshie.
3Cubbaataammunna busha assitannori ledo goshooshshe huntootie;
wodaninsara bunshe amadde heedhe,
jaallansa arrawinsanni doggannori ledo huntootie.
4Loosinsanna bunshensa garinni uyinsa;
angansa loosi garinni dawarinsa;
assitino beebba uminsara qolinsa.
5Insa Kaaliiqi loosonna assino coye baala lashshi assitino daafira,
hiiqqaqqe tugannonsata ikkinnina, galagalche dikayisannonsa.
6Huuccatto'ya macciishshinoena,
Kaaliiqi galatamo.
7Kaaliiqi wolqa'yaatinna wonqo'yaati;
wodani'yanni iso hexxeemmo.
Kaa'lannoe daafira tashshi yaannae,
galatu faarso faarseemmosi.
8Kaaliiqi mannisira wolqansaati;
buurinosi mootera gatote qiishooti.
9Mannakki gatisi; utuwakkino maassi'ri;
allaalinsa; hegere geeshsha hanqaffe amadinsa.
Currently Selected:
FAARSO 28: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014
