FAARSO 23
23
DAAWITI FAARSO
KAALIIQI ALLAALAANCHO'YAATI
1Kaaliiqi allaalaancho'yaati;
hoogeemmori mitturino dino.
2Daffino qanchira hosiisannoe;
xalalu wayiwa haa're massannoe.
3Lubbo'ya haaroonsanno;
su'misi daafira yee, keeraanchimmate doogora ha'risannoe.
4Reyo lawanno tunsichi giddoonni hige ha'rummoro nafa,
ati ledo'ya nootto daafira diwaajjeemmo;
siqqichokkinna wodambichikki sheshifachishshannoe.
5Baarigaarra'ya albaanni, jila qixxeessattoe;
umi'yara zayite buurittoe;#23:5 umi'yara zayite buurattoe yaa Ibiraawootu budinni ayirrinyunni wosinchimma adhattoe yaate ledo mittete.
anganniri boowe'yara wo'me gatanno.
6Shaqqillikkinna maarokki,
heeshsho'ya diri baalunkunni baxxitannoekkita afoommo.
Kaaliiqi mine hegerera hee'reemmo.
Currently Selected:
FAARSO 23: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014
