FAARSO 24
24
DAAWITI FAARSO
KAALIIQI AYIRRADO MOOTEETI
1Baattonna aanase noori baalu Kaaliiqiho;
tini gobbanna giddose hee'rannohu baalu isiho.
2 #
Far 104:5-6 lai. Isi baaru aana xintinosena,
batidhino wayibba aanano uurrisinose.
3Kaaliiqi ilaali iimira fulannohu ayeti?
Qullaawa dargasi ea dandaannohu ayeti?
4Hakkiira mara dandaannohu,
angasi keeraabbinoho; wodana xalalinoho;
kaphu maganna magansi'rannokkiho;
kaphunni xaarannokkiho.
5Togoo manchi Kaaliiqi anganni atoote afi'ranno;
gatisaanchu Maganisi keereensannosi.
6Maganunniwa gamba yaannohunna,
Yaiqoobi Magano hasi'rannohu hattoo manchooti.
7Ayirradu moote eona,
ki'ne waalchuwa gotti yiiyye;
ki'ne bi're hundi cufannano hala'le.
8Kuni ayirradu moote ayeti?
Jawaatu wolqaataami Kaaliiqaati;
wolqaataamu olamaanchi Kaaliiqaati.
9Ayirradu moote eona,
ki'ne waalchuwa gotti yiiyye;
ki'ne bi're hundi cufannano hala'le.
10Kuni ayirradu moote ayeti?
Olantote Magani Kaaliiqi;
isi ayirrado mooteeti.
Currently Selected:
FAARSO 24: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014
