KALAQAMA 36

EESAWU SIRCHO

(1Dud 1:34-37)

1Edoomi yinannihunniti Eesawu ilama aante noote: 2Eesawu Kana"aanootu seenne adhi; insano Hitichu Elooni beetto Aada, Hiwichu Tsibaooni beetti Aana ilinoti Ohooliibamaatinna, 3Nebayooti rodoo Ismaeeli beetto Besemaatiiti. 4Aada Eesawura Elfaazi iltusi; Besemaati Raagueeli iltusi. 5Ohoolibaama Yeuusi, Yailaaminna Qorahi iltusi. Kuri baalunku Eesawura Kana"aani gobbara ilantino oosooti.

6Hakkunni gedensaanni, Eesawu meentosi oososi, minesi noo manna baalanka, saadasinna Kana"aani hee're afi'rino jajja baalanka adhe rodiisi Yaiqoobiwiinni fafe ha'ri. 7Hatto assinohu isiranna Yaiqoobira lowo saada noonsa daafira, baatto ruukkiteennansaati. 8Kunnira, Edoomi yinannihu Eesawu ha're ilaalaame gobbara Seiiri hee'ri.

9Seiiri Ilaalira hee'rannohunniti Edoomootu anni Eesawu ilama aante noote: 10Eesawu galte Aada iltinohu Elfaaziiti; Eesawu galte Besemaati iltinohu Raagueeliiti.

11Elfaazi ooso Temaani, Omaari, Tsefo, Gaitaamiitinna Qenaaziiti.

12Eesawu beetti Elfaazira, Timinai yinanniti irkote galte noosi; ise Elfaazira Amaaleqi iltusi; kuri Eesawu galte Aadara beettise oosooti. 13Raagueeli ooso: Nahaati, Zaara, Shaamaatinna Miizaati; kuri Eesawu galte Besemaati beetti Raagueeli oosooti.

14Aana beettinna Tsibaooni beetti beetto Ohoolibaama Eesawura iltino ooso Yeuusi, Yalaamiitinna Qorahiiti.

15Eesawuhu umi beetti Elfaazi ga're albisooti: Temaani, Omaari, Tsefo, Qenaazi, 16Qorahi, Gataamiitinna Amaaleqiiti; kuri Edoomi gobbara Elfaazi sirchi albisootaati; insano Eesawu galte Aada beetti oosooti.

17Eesawu beetti Raagueeli ga're albisooti: Nahaati, Zaara, Shaamanna Miizaati; insano Eesawu galte Besemaati beetti oosooti.

18Eesawu galte Ohoolibaama iltino ga're albisooti: Yeuusi, Yalaamiitinna Qoreeti; kuri Aana beetto Ohoolibaama Eesawura iltino ga're albisootaati. 19Kuri baalunku Edoomi yinannihu Eesawu oosootinna ga'rete albisootaati.

SEIIRI SIRCHO

(1Dud 1:38-42)

20-21Edoomi gobbara heedhannori Seiiri ooso Horaawootu albisooti: Looxaani, Shobaali, Tsibaooni, Aana, Diishooni, Ezeerinna Diishaaniiti.

22Looxaani oosono: Hoorinna Heemaamiiti; Looxaani rodoo Timinaiiti.

23Shobaali ooso Aliwaani, Manahaati, Eebaali, Shiifootinna Onaamiiti.

24Tsibaooni ooso Ayaatinna Aanaati. Aanano annisi harre allaalanni hee're halallitte gobbara iibballicho afi'rino manchooti.

25Aana beetti Diishooniiti; meya beettosi Ohooliibaamaati.

26Diishooni ooso Hemidaani, Eshibaani, Yitiraaniitinna Keraaniiti.

27Ezeeri ooso Bilihaani, Sawaaniitinna Aqaaniiti.

28Diishooni ooso Uutsitinna Aaraaniiti.

29Horaawootu albisooti aante nooreeti: Looxaani, Shobaali, Tsibaooni, Aana, 30Diishooni, Ezeeriitinna Diishaaniiti; kuri baalunku Seiiri baattora albisoota ikkitino Horaawooti ilamaati.

EDOOMI MOOTOOLLA

(1Dud 1:43-54)

31Israeelete gobbara moote nookki waro, Edoomi gobba mootoolla aante nooreeti:

32Edoomi gobbara Bioori beetti Beelai moohi; katamisi su'mino Diinihabaati.

33Beela reenna isi darga Bootsirichu Zaara beetti Yobaabi moohi.

34Yobaabino reenna, isi darga Temaani gobbahu Hushaami moohi.

35Hushaamino reenna isi darga Midiyaami gosa Moaabi xawira qeelihu Beedaadi beetti Hadaadi moohi. Katamisi su'mino Awiitiiti.

36Hadaadino reenna isi darga Masireeqichu Semila moohi.

37Semilano reenna isi darga Efiraaxisi Wayi mule hee'rannohu Rehobooti ilama ikkinohu Shauuli moohi. 38Shaulino reenna isi darga Akiboori beetti Ba"aali Hanaani moohi.

39Akiboori beetti Ba"aali Hanaanino reenna isi darga Hadaari moohi. Katamisi su'mino Faauuti. Galtesi su'mi Mehexaabieeliiti; amase Maxireedi Me-Zahaabi iltinote.

40Aante noori Eesawu sirchi ga're albisooti, gosa gosansanna heedhanno gobba su'minni woshshantanno. Insano: Timina, Aliwa, Yeteeti, 41Ohoolibaama, Eela, Finooni, 42Qenaazi, Temaani, Mibitsaari, 43Magidieeliitinna Iraamiiti. Heedhanno gobba su'minni woshshantannori Edoomi sirchi ga're albisooti insaati. Edoomootu anni Eesawu isooti.

Currently Selected:

KALAQAMA 36: QulMax

Highlight

Copy