Macaafa Isaayaas Raajichaa 58
58
Soomiin Inni Dhugaan Maal Akka Ta'e Dubbachuu Isaa
1Waaqayyo,<<Hamma dandeessu guddisii dubbadhu malee,
of hin qabin!
Sagalee kee akka fiinootti
ol kaasii dhageessisi,
saba kootti irra-daddarbaa isaanii,
sanyii Yaaqoobitti cubbuu isaanii himi*!
2Isaan guyyaa hundumaa na barbaaddatu,
karaa koo beekuus in fedhu,
akka saba wanta qajeelaa hojjetuu fi
seera koo isa qajeelaa hin dhiisiniitti,
wanta gochuun isaaniif ta'u
beekuu in fedhu;
ana Waaqayyotti dhi'aachuus
in jaallatu>> jedhe*.
3Isaan,<<Ati gara keenya hin ilaaltu
erga ta'ee, nuyi maaliif soomne>>
Ati nuuf hin beekne erga ta'ee,
nuyi maaliif of dhiphifne?>> in jedhu.
Waaqayyo immoo,<<Kunoo! Yeroo soomtanitti
waanuma jaallattan in raawwattu,
hojjetoota keessanitti hojii in cimsitu*.
4Kunoo! Isin yommuu soomtan
wal in qoccoltu,
wal in loltu,
abootteedhaanis wal in rukuttu;
akka amma soomtan kanatti
yoo itti fuftan
kadhata keessan waanan isiniif dhaga'u
isinitti fakkaataa ree>>
5Soomiin ani fo'adhe isa akkasiitii ree>>
Inni isin soomuu dha jettan,
isa namni gaaf tokko of dhiphisee,
akka dhallaadduu coollagee
mataa isaa gad qabatee,
uffata gaddaas uffatee
daaraa keessa taa'u kanaa*>>
Guyyaan Waaqayyo jaallatus isa kanaa?#1 Mik 3:8 2 29:13-14 3 Er 14:12 5 2Sam 12:16-17; 'z 10:6; Nah 1:4; 9:1; As 4:3,16; Dan 9:3; 10,2-3; Yoe 1:13-14; 2:15-17; Yon 3:5; Zak 7:3; Mat 6:16-17
6<<Soomiin ani fo'adhe
warra firdii jal'aadhaan
hidhaman hiikuu,
hudhaa waanjoo ittii furuu,
warra cunqurfaman luba baasuu,
waanjoo hundumaas isaan irraa caccabsuu mitii ree*>>
7Buddeena keessan warra beela'aniif,
hiyyeessa olii fi gad jooruuf
iddoo bultii kennuu,
isa qullaa ta'e
yommuu argitan daara baasuu,
warra aantii keessan ta'anitti
dugda gatuu dhiisuu mitii ree*>>
8Yoo kana hundumaa gootaniif
ifni keessan akka biiftuu ganamaa ol in ba'a,
madaan keessanis dafee
deebi'ee in fayya;
qajeelummaan keessan isin
dura in adeema,
ulfinni koos isin booddeedhaan
isin in eega*.#6 61:1; Nah 5:1-13 7 Kes 15:7-8,11; His 18:7; Mat 25:35-36 8 Iyo 11:17; Isa 52:12
9<<Yommus isin ana in waammattu,
anis isiniif nan deebisa;
gargaarsaaf gara kootti in iyyattu,
anis isin jalaa nan oowwaadha;
isin nama cunqursuu yoo dhiiftan,
quba namatti qabdanii
jal'ina nama irratti
dubbachuus yoo dhiiftan*,
10isa beela'eef nyaata yoo kennitan,
isa rakkates yoo gargaartan,
ifni keessan dukkana keessatti in ba'a,
dukkanni keessanis
akka guyyaa saafaa in ta'a.
11Ani Waaqayyo yeroo hundaa
isin nan geggeessa,
lafa gogaa keessatti iyyuu isin nan quufsa,
namummaa keessanis nan jabeessa;
yommus isin akka iddoo dhaabaa
isa yeroo hundaa bishaan qabuu,
akka burqaa
bishaan isaa hin hir'annees in taatu*;
12isa dur diigamee ture in deebiftu,
hundee isa abaabiliin keessan kaa'an irrattis in ijaartu;
isin,<<Warra isa caccabe deddeebisan,
warra karaa isa duudee ture tottolchanis>>
in jedhamtu*.#9 30:19; 65:24 11 Er 31:12 12 61:4; Nah 1:3; 2:17
13<<Isin guyyaa Sanbataatti
lafuma halle dhaquu yoo dhiiftan,
guyyaa koo isa qulqullaa'aa kanatti
fedha keessan duukaa bu'uuttii
yoo of eeggattan,
guyyaa Sanbataa, guyyaa gammachuu,
guyyaa qulqullinni koo
ulfina itti argatu yoo godhattan,
guyyaa sanatti dhimma ofii keessaniitiif
adeemtanii itti gammaduu,
wanta waa'ee hin baafnes
dubbachuu yoo dhiiftan*,
14yommus ana Waaqayyotti in gammaddu,
ani immoo iddoo ol ka'aatti
akka isin ol baatan,
dhaala Yaaqoob abbaa keessaniis
akka isin nyaattan nan godha>> jedhee
afaan kootiin kana dubbadheera.#13 56:2
Currently Selected:
Macaafa Isaayaas Raajichaa 58: MacQul
Highlight
Share
Copy
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
