Macaafa Isaayaas Raajichaa 57
57
Wanta Nama Qajeelaa Fi Nama Hamaa Irratti Dhufu Himuu Isaa
1<<Namni qajeelaan in du'a,
namni Waaqayyoof of kennu,
wanti hamaan akka isa irra hin geenyeef
in fudhatama;
namni kana yaadaan qabu immoo hin jiru*.
2Warri gara-qajeelonni ciisanii in boqotu,
nagaadhaanis in galu*.#1 Mik 7:2 2 2Mot 22:20; Dan 12:13
3<<Isin yaa ilmaan
warra duumessa ilaalanii ayyaana hedanii,
sanyii warra ejjituu fi halalee
as dhi'aadhaa*!
4Isin eenyutti ga'iftu,
eenyutti laagaa bantu>>
Eenyuttis arraba baaftu>>
Isin ilmaan irra-daddarbituu fi
sanyii sobduu mitii*>>
5Isin muka baalli isaa lalisu
hundumaa jalatti,
waaqayyolii tolfamoo keessanii
wajjin ejjuuf,
kajeellaan akkuma ibiddaatti
isin in gube;
laga keessatti, holqa dhagaa keessattis
mucoolii keessan
isaaniif aarsaa in dhi'eessitu mitii?#3 Hos 2:4 4 Far 73:8
6<<Dhagoota cuccululuqoo
bishaan keessa jiranitti
in sagaddu,
dhibaayyuu isaaniif in dhi'eessitu,
kennaa midhaaniis in geessituuf;
egaa ani kanatti nan gammadaa ree>>
7Isin tulluu dheeraa fi ol ka'aa irratti
waaqayyolii tolfamoo keessanii
wajjin in ejjitan,
achi irrattis aarsaa in dhi'eessitan;
8cufaa jala, michichila balbalaa duuba
milikkita warra saba koo hin ta'inii in kaa'attan;
isin ana dhiiftanii
siree qullaatti hambiftanii adeemtanii,
siree isa bal'aatti ol in baatan;
warra isin jaallatanii wajjin
waliif in galtan,
isaanii wajjinis in ejjitan.
9Moleek Waaqayyo tolfamaadhaaf
kennaa dhadhaa ejersaa keessanii dhi'eessuudhaaf,
urgooftuu dibataa keessan
baay'iftanii dibattanii
gara isaa in dhaqxan;
waaqayyolii tolfamoo barbaaddachuudhaaf
ergamtoota keessan,
hamma gara iddoo lafa jalaatti iyyuu in ergitan#57:9 <<Moleek Waaqayyo tolfamaa>> yookiis <<Mooticha?*;
10isaan barbaaddachuudhaaf
karaan yommuu isin dadhabsiise illee,
isin,<<Kun abdii hin qabu>> hin jenne;
humna haaraa waan argattaniif
dadhabdanii hin dhiifne*.#9 1Sam 28:6-7 10 Er 2:25
11<<Akka isin sobdaniif
warri akkas isin sodaachisanii,
isin naasisan kun eenyufa'i>>
Isin ana in irraanfattan,
waa'ee koos yaadatti hin qabanne;
sababii ani yeroo dheeraadhaaf
calluma jedheef
ana sodaachuu dhiiftanii*>>
12Ani hojii keessan isa isin
qajeelummaatti lakkaa'attan nan mul'isa;
isaan si'achi homaa
waa'ee isiniif hin baasan.
13Yommuu isin gargaarsaaf iyyattan,
waaqayyoliin keessan warri baay'een
mee isin haa oolchan kaa!
Hunduma isaanii qilleensi
afuufee in fageessa,
isaan in balleessas;
namni ana amanatu garuu lafa in dhaala,
tulluu koo isa qulqullaa'aas
qabeenya isaa in godhata>> jedhe*.#11 Far 50:21 13 Far 37:9-11
Warra Rakkataniif Abdii Kennuu Isaa
14Gooftichi,<<Ka'aa karaa tottolchaa,
daandiis wal qixxeesaa,
saba koo duraa gufuu buqqisaa*!
15Ani inni ol jedhaan, guddaan,
bara baraan kanan jiraadhu,
maqaan koo qulqulluu kan ta'e,
iddoo ol ka'aa fi
iddoo qulqullaa'aa nan jiraadha;
warra garaan isaanii cabee fi
warra gad deebi'anii
wajjinis nan ta'a;
hafuura warra garaan isaanii cabee fi
warra gad deebi'anii nan haaressa*.
16Hafuurri nama ani uumee
ana duratti akka hin dadhabnetti,
akka inni jiraatuuf
hafuurri ani isa keessa kaa'es
akka hin mudhuknetti,
ani bara baraan hin morkadhu,
si'a hundumaas hin dheekkamu*;
17bu'aa gar-malee argachuu isaatiin
sababii yakkeef,
ani isatti dheekkamee isa nan adabe,
aarees fuula koo isa irraa nan deebise;
kana keessaa immoo didee
karuma ofii isaatii irra in bu'e.#14 40:3-4; 62:10 15 66:1-2; 61:1; Far 113:5-9 16 Far 103:9; Er 3:12; faaru 3:31-32
18<<Ani karaa isaa argeera,
garuu isa nan fayyisa;
isa nan geggeessa,
deebisees isa nan jajjabeessa*;
19warri rakkatan afaan isaaniitiin
akka na galateeffatan nan godha;
nagaan warra fagoo jiraniif,
nagaan warra dhi'oo jiraniifis haa ta'u!
Ani isaan nan fayyisa*.
20Warri jal'oonni garuu
akka galaana hunkuramee,
boqonnaa dhabuu,
akka isa dha'aan isaa dhoqqee jalaa kaasee
bishaan boressuu ti>> jedha*.
21Waaqayyoon koo,
<<Warri jal'oonni
nagaa hin qaban>> jedha*.#18 Bau 15:26 19 Luq 2:14; Efe 2:17 20 Yih 13 21 48:22; Fak 28:1
Currently Selected:
Macaafa Isaayaas Raajichaa 57: MacQul
Highlight
Share
Copy
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
