Macaafa Isaayaas Raajichaa 56
56
Waaqayyo Saba Warra Kaanis Gara Fayyinaatti Waamuu Isaa
1Waaqayyo,
<<Fayyisuun koo harka irratti in dhufa,
qajeelummaan koos dafee in mul'ata;
firdii sirriitti eegaa,
wanta qajeelaas godhaa!
2Namni wanta kana godhu,
inni kana jabeessee eegu,
inni Sanbata hin xureessine,
inni harka isaa wanta
hamaa hojjechuuttii dhowwus
haa gammadu!>> jedhe*.#2 58:13-14; Uma 2:2-3; Bau 16:23; 20:8; Er 17:21-22
3Namni ormi gara Waaqayyootti
yommuu deebi'u,
<<Waaqayyo dhugumaan saba isaattii
gargar na baasa>>
jedhee hin yaadin!
Inni xu'aashiinis,
<<Kunoo! Ani muka gogaa dha>> hin jedhin*!
4Egaa Waaqayyo,
<<Xu'aashota Sanbata koo eeganiif,
wanta na gammachiisu godhaniif,
kakuu koo jabeessanii eeganiifis,
5ani mana qulqullummaa koo keessatti,
kellaa isaa keessattis,
ijoollee dhiiraa fi durba
qabaachuu irra kan caalu,
maqaa bara baraan hin badnee fi
seenaa isaan ittiin yaadataman nan kennaaf*.
6Warra orma anaaf hojjechuudhaaf, na jaallachuudhaaf,
anaaf sagaduudhaafis
ana Waaqayyotti maxxanan,
warra Sanbata koo
utuu hin xureessin eegan,
kakuu koottis jabaatan hundumaa immoo,
7ani gara tulluu koo isa qulqullaa'aatti
ol nan baasa;
mana kadhataa isa kan kootii keessattis
isaan nan gammachiisa;
manni koo saba hundumaaf mana kadhataa
waan jedhamuuf,
qalmi gubamuu fi aarsaan isaanii
iddoo aarsaa koo irratti isaaniif in fudhatama>> jedhe*.
8Waaqayyo gooftaan
inni saba Israa'el
warra bittimfaman walitti qabu,
<<Ani warra amma walitti qabaman
kana malees
kan biraa dabalee
walitti nan qaba>> jedha*.#3 14:1; Kes 23:2; HoE 8:27-28 4-5 Kes 23:2 6-7 Kes 23:3-8; His 44:7-9; Far 87:4-6; 1Mot 8:41-43; Mat 21:13 8 66:18-19
Geggeessitoonni Israa'el Hadheeffamuu Isaanii
9Waaqayyo,<<Isin warri
akka bineensota daggalaa hundinuu,
warri akka bineensota caakkaa hundinuus
kottaatii jara kana nyaadhaa*!
10Eegdonni isaanii hundinuu jaamota,
hundumti isaanii homaa hin beekan;
isaan hundinuu
akka saroota dutuu hin dandeenyee ti,
isaan ciisanii in abjootu,
hirribas baay'ee in jaallatu*;
11isaan albaadheyyii
akka saroota nyaatanii hin quufnee ti,
eegdota waa hubachuu hin dandeenyee dhas;
hundumti isaanii adduma addaan
waanuma isaanitti tolu in barbaadu,
bu'aa oofii isaanii duukaas in bu'u*;
12yommus isaan adduma addaan,
<<Kottaa daadhii waynii
isiniif nan fida,
dhugaatii cimaas
hamma machoofnutti in dhugnaa!
Boris akkuma har'aa in ta'a,
yookiis isa har'aa iyyuu in caala ta'a>>
waliin in jedhu*.#9 Er 12:9 10 His 3:17; 33:6-9 11 His 34:2; Er 6:13 12 5:11-12
Currently Selected:
Macaafa Isaayaas Raajichaa 56: MacQul
Highlight
Share
Copy
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
