Macaafa Isaayaas Raajichaa 55
55
Waaqayyo Namoota Gara Fayyinaatti Waamuu Isaa
1Waaqayyo,<<Isin warri dheebottan
hundinuu gara bishaanii kottaa!
Warri horii hin qabnes kottaa!
Midhaan bitadhaatii nyaadhaa,
kottaatii utuu horii itti hin baasin
daadhii waynii fi aannan bitadhaa*!
2Wanta buddeena hin ta'initti
maaliif horii keessan baaftu>>
Wanta isin hin quufsinettis
maaliif dadhabdu>>
Dubbii koo dhaga'aa,
wanta gaarii ta'e in nyaattu,
nyaata gaariittis in gammaddu;
3gara koo kottaa! Gurra keessan gara kootti qabaa,
akka jiraattaniifis dubbii koo dhaga'aa!
Ani kakuu bara baraa isiniif nan gala,
innis amanamummaa koo isa dhaabataa
isan Daawitin abdachiisee dha*.
4Kunoo! Ani Daawitin
sabaaf dhuga-baatuu godheera,
inni sabaaf dura-buutuu fi
ajajjuu ta'eera.
5Kunoo! Ani Waaqayyo gooftaan
inni qulqulluun kan Israa'el
kana godheera,
ulfina isaa siif kenneera;
kanaafis ati saba hin beekne in waamta,
sabni si hin beeknes
gara keetti in fiiga>> jedhe*.#1 12:3; Yoh 7:37; Mul 21:6; 22:17 3 2Sam 7:8-16; Far 89:30-37; Er 31:31-34; HoE 13:34 5 44:5; 45:14-17; 49:22-23; 52:10
6Yeroo inni argamuu danda'utti
Waaqayyoon barbaaddadhaa!
Utuu inni dhi'oo jiruus
isa waammadhaa*!
7Namni jal'aan karaa isaa
isa jal'aa haa dhiisu,
namni hamaanis yaada isaa
isa hamaa irraa haa deebi'u!
Gara Waaqayyo keenyaa
isa araarri isaa guddaa ta'eetti haa deebi'u,
innis isa in maara*.#6 Er 29:13-14; Amo 5:4 7 His 18:27,32; 33:11
8Waaqayyo,<<Yaadni koo akka yaada keessanii,
karaan koos akka karaa keessanii miti*;
9akkuma waaqni lafa irraa ol fagaatu,
akkasuma karaan koo karaa keessan irraa,
yaadni koos yaada keessan irraa in fagaata.#8 Rom 11:33
10<<Bokkaanii fi cabbiin waaqa keessaa
gad roobanii
lafa in jiisu;
lafichi biqila biqilchee,
sanyii, isa facaasuuf,
buddeenas, isa nyaatuuf
akka kennu in godhu malee,
akkasumaan ol hin deebi'an*;
11akkasuma immoo dubbiin afaan koo
keessaa ba'u,
wanta ani fedhe hojjetee,
wanta ani itti erges
in raawwata malee,
harka duwwaa gara kootti hin deebi'u*.#10 2Qor 9:10 11 44:26; Far 33:9
12<<Isin gammachuudhaan
iddoo itti booji'amtanii in baatu,
nagaadhaanis in geggeeffamtu;
tulloonnii fi gaaronni
isin duratti in ililchu,
mukkeetiin caakkaa hundinuus
harka walitti in rurrukutatu*;
13qooda muka qoraattii
birbirsi in biqila,
qooda kosorruus hadheessi in biqila;
kun hundinuu maqaan koo
akka ittiin beekamuuf,
milikkita bara baraan hin badneefis
in ta'a>> jedhe*.#12 44:23 13 41:19-20
Currently Selected:
Macaafa Isaayaas Raajichaa 55: MacQul
Highlight
Share
Copy
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
