Macaafa Isaayaas Raajichaa 54
54
Sabni Waaqayyoo Ulfina Argachuuf Akka Jiru Himuu Isaa
1Waaqayyo,<<Dubartii ishee
abbaa manaa qabdu caalaa,
dubartiin isheen abbaan manaa,<<Ijoollee in dhabde>>
jedhee dhiisee
ijoollee baay'ee waan qabaattuuf,
ati yaa ishee dhabdee
dhala hin godhatin haftee,
ati isheen takkaa hin ciniinsifatin,
gammadii ililchi!>> jedhe*.
2Iddoo dunkaana kee dhaabbattu bal'isi,
dunkaana kee haleelii dhisi!
Funyoo isaa dheeressi, qofoo isaas jabeessi!
3Ati gara mirgaa fi
gara bitaatti in dagaagda,
sanyiin kee saba warra kaan irraa
biyya in fudhata,
mandara onee ture keessas
namoota isaa in galfata.#1 49:20-21; Gal 4:27
4Ati si'achi hin qaanoftuutii hin sodaatin!
Ati si'achi yeellaasifamtee
lafa hin ilaaltuutii hin na'in!
Arrabsamuu yeroo dargaggeettummaa keetii
in irraanfatta,
qaanii isa yeroo haadha hiyyeessaa turtees
deebitee hin yaadattu.
5Inni si uume akka abbaa manaa
siif in ta'a,
maqaan isaas Waaqayyo gooftaa maccaa ti;
inni si fure isa qulqulluu
kan Israa'el,
inni guutummaa biyya lafaatiif Waaqayyoo dha.
6ati akka dubartii
utuma isheen misirrummaatti jirtuu
abbaan manaa ishee ishee dhiisee,
akka ishee garaa ishee keessatti
baay'ee gadditee ti;
Waaqayyo garuu deebisee si waame*,
7<<Ani yeroo muraasaaf si dhiiseen ture,
amma immoo oo'a guddaadhaan
walitti sin qaba;
8ani baay'ee waanan sitti aareef
yeroo muraasaaf fuula koo
si duraa dhokseen ture,
amma garuu jaalala bara baraatiin
siif nan oo'a>>
jedha Waaqayyo inni si fure*.#6 50:1 7-8 Far 30:5; faaru 3:31-32
9Ammas Waaqayyo,<<Bara Nohitti,
<<Ani si'achi lolaa bishaaniitiin
lafa hin balleessu>> jedhee
akkuman kakadhe,
akkasuma amma immoo,
<<Ani sitti hin dheekkamu,
si'achis si hin ifadhu*.
10Tulloonni yoo raafaman iyyuu,
gaaronnis yoo socho'an iyyuu,
araarri koo si biraa hin mittiqu,
kakuun nagaa koos si biraa
hin socho'u?>> jedha;
Waaqayyo inni siif oo'u
kana dubbateera*.#9 Uma 9:8-17 10 His 34:25; 37:26
11Waaqayyo,<<Ati yaa Yerusaalem
ishee dhiphachaa jirtuu,
ati bubbeedhaan asii fi achi darbatamte;
namni si jajjabeessu hin turre;
kunoo! Ani dhagaa gati-jabeessaan sin ijaara,
hundee kees dhagaa Safiiros irra nan dhaaba;
12ani bantii riqaa keetii
isa keessa taa'anii eegan,
callee diimaadhaan,
karrawwan kee dhagaa Kaarbunkiliin,
dallaa dhagaa sitti naanna'ee jirus
guutummaatti dhagaa gati-jabeessaan nan ijaara*.
13Ani Waaqayyo ilmaan kee
hundumaa nan barsiisa,
yommus nagaan ilmaan keetii
guddaa in ta'a*;
14ati qajeelummaadhaan
jabeeffamtee in dhaabamta,
cunqurfamuu fi sodaan
sittii in fagaatu,
naasuunis gara keetti hin dhi'aatu;
15kunoo! Namni yoo si irratti ka'eef
ana biraa waan hin ta'iniif,
ati isa in balleessita.#11-12 Mul 21:18-21 13 Yoh 6:45
16<<Kunoo! Nama iddoo ibiddaatti
itti buufee sibiila tumu,
isa harka isaatiin
mi'a waraanaa qopheessu,
isa hojii harka isaatiin nama balleessus
akka inni balleessuuf anumatu uume;
17si balleessuudhaaf mi'i waraanaa
yoo qopheeffame iyyuu,
si miidhuu hin danda'u,
dubbii warra firdii duratti
si hammeessaniis in busheessita;
kun wanta garboonni koo
ana biraa argatanii dha,
isa ani isaaniif
dhugaa baasuu dhas>> jedhe;
Waaqayyo isa kana dubbateera.
Currently Selected:
Macaafa Isaayaas Raajichaa 54: MacQul
Highlight
Share
Copy
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
