Macaafa Hose'a Raajichaa 14
14
Warri Israa'el Gara Waaqayyootti Akka Deebi'aniif Waamuu Isaa
1Yakka keessaniin gufattanii waan kuftaniif,
gara Waaqayyo gooftaa keessaniitti deebi'aa,
yaa warra Israa'el*!
2Wanta jechuuf jettan kana fudhadhaatii,
gara Waaqayyootti deebi'aa!
<<Yakka keenya guutummaatti nu irraa fuudhi,
gaariitti nu simadhu!
galata afaan keenyaas
akka qalma jibootaatti
aarsaa siif in dhi'eessina*.
3Asor nu oolchuu hin danda'u,
lolaa fi farda hin fe'annu;
deebinees wanta harki keenya tolcheen
<<Waaqayyolii keenya>> hin jennu;
ati isa ijoolleen
abbaan irra hin jirre
biraa oo'a argatuu dha>>
ittiin jedhaa*!#1 Zak 1:4 2 6:6; 8:13; Ibr 13:15 3 5:13; 8:5-6
Waaqayyo Jireenya Gaariitti Akka Isaan Deebisu Abdachiisuu Isaa
4Waaqayyo,<<Ana irraa gara galuu
isa dhukkuba itti ta'e irraa
isaan nan fayyisa;
aariin koo isaan irraa waan deebi'eef,
fedha garaa kootiin isaan nan jaalladha;
5Warra Israa'eliif
akka tiifuu bokkaa nan ta'a,
isaanis akka daraaraa in daraaru,
akka mukkeetii Liibaanon
hidda isaanii in yaafatu;
6latni isaaniis in diriira,
miidhagummaan isaanii
akka muka ejersaa,
fooliin isaaniis
akka muka Liibaanon in ta'a;
7deebi'anii gaaddisa koo jala in jiraatu;
midhaan in qotatu,
akka muka waynii isa tolee
ija godhatuu in ta'u;
akka daadhii waynii biyya Liibaanon maqaa in godhatu.
8Egaa sanyiin Efreem
waaqayyolii tolfaman biraa
maal qaba>>
Anatu isaaniif dhaga'a,
anatu dhimmee isaan ilaala;
ani akka muka
yeroo hundumaa lalisuu ti,
ija godhachuu kan si dandeessisu
ana biraa siif in argama>> in jedha.
Xumura Dubbii Isaa
9Egaa ogeessi eenyu ree>>
Innoo kana in hubata!
Hubataan immoo eenyu ree>>
Inni kana beekuu bira in ga'a!
Karaan Waaqayyoo hundinuu sirrii dha,
warri qajeelonni
isa irra in adeemu,
warri morman garuu
isa irratti gufatanii in kufu*.#9 Far 1:1-6
Currently Selected:
Macaafa Hose'a Raajichaa 14: MacQul
Highlight
Share
Copy
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
