Macaafa Hose'a Raajichaa 13
13
Firdii Gara Dhumaatti Biyya Israa'el Irra Ga'u
1Yeroo sanyiin Efreem dubbate,
namoonni in hollatan;
inni Israa'el keessatti
ol kaafamee ture;
garuu karaa Ba'aal
waaqayyolii tolfamanii
yakka of irratti fidee, in du'e*.
2Ammas ittuma daddabalanii
cubbuu in hojjetu;
meetii isaanii irraa bifa baqfamaa
ofii isaaniif in tolfatu;
waaqayyolii tolfamoo
miidhagsanii in hojjetu;
kun hundumtuu
hojii warra harka tolanii ti;
<<Isaan kanaaf aarsaa dhi'eessaa!>> in jedhu;
namoonni bifa jibootaa in dhungatu*!
3Kanaafis isaan akka hurrii ganamaa,
akka fixeensa ganamaan
dafee bu'uu ti;
akka habaqii oobdii keessaa
qilleensi fudhatuu,
akka aara karaa qaawwaa ba'uus in ta'u*.#1 Lak 25:1-5 2 8:4,5-6; Isa 44:10 3 6:4; Far 1:4
4Waaqayyo,<<Ani Waaqayyo gooftaa kee
isa biyya Gibxiitii si baasee dha;
ati ana malee
Waaqayyo kan biraa hin beektu,
ana irraa kan hafes fayyisaan
kan biraa hin jiru*.
5Ani lafa onaa keessatti,
biyya gubaa boba'aa sanatti si eegeera.
6Akka biyya quufaatti
isaan yeroo nyaatanitti in quufan,
quufaniis yaada isaaniitti
ol of qabuun itti dhaga'ame;
kanaafis ana in irraanfatan*.#4 12:10; Bau 20:2-3; Isa 45:21 5-6 Kes 8:11-20; 32:10-15
7<<Ammas ani akka leencaa
isaanitti nan ta'a,
akka qeerransa riphee
karaa bukkee ciisuuttis
isaan nan eeggadha*;
8akka amaaketa dhaltuu
ilmaan ishee jalaa butataniitti
ani isaan irrattan lafa dha'a;
qoma isaanii cabsee
onnee isaaniis nan tarsaasa;
achittis saroonni isaan in nyaatu,
bineensi caakkaas isaan in babbaqaqsa.
9Yaa Israa'el,
ana isa si gargaaruun mormuu keetiin,
ati badiisa of irratti fiddeetta*.
10Ati,<<Mootii, gurguddootas
nuuf kenni>> jettee turte;
mootiin kee mandaroota kee
hundumaa keessatti
akka si oolchuuf amma eessa jira ree>>
Warri biyya seerratanis eessa jiru ree*>>
11Ani aariidhaan mootii siif kenneera,
dheekkamsaanis achii isa fuudheera*.#7 5:14 9 Er 2:17 10 1Sam 8:5-6 11 10:3,15; 7:7
12<<Yakki Efreem walitti hidhamee jira,
cubbuun isaas iddoo tokko kaa'ameera;
13Akka dubartii da'uuf jettuu
ciniinsuun isa irra ga'e;
inni immoo ilma ogeessa miti;
yeroo ta'utti gadameessa keessaa
as hin mul'anne.
14Ani qabaa iddoo lafa jalaa keessaa
isaan gad dhiisisuu ree>>
Du'a jalaas isaan furuu ree>>
Yaa du'aa, dha'ichi kee meerre ree>>
Yaa iddoo lafa jalaa,
ilkeen kee meerre ree>>
Oo'a argisiisuun
ija koo duraa fagaateera*.
15Efreem obboloota gidduutti
ija yoo godhate iyyuu,
qilleensi ba'a-biiftuu,
qilleensi Waaqayyo biraa abboomame,
lafa duwwaadhaa ka'ee dhufuuf jira;
boolli bishaanii isaa akka gogu,
burqituun isaas akka gu'u in godha;
wanta gati-jabeessa kaa'ame
hundumaas fudhatee in sokka.#14 1Qor 15:55
16<<Samaariyaan Waaqayyo ishee irratti waan kaateef,
yakka isheef adaba fudhachuun in ta'aaf;
namoonni ishee billaadhaan in kukkufu,
mucooliin isaanii humnaan
daddarbatamanii in cabu;
dubartoonni isaanii warri ulfis
garaan isaanii in tatarsaafama>> jedhe*.#16 2Mot 17:5-6; 15:16
Currently Selected:
Macaafa Hose'a Raajichaa 13: MacQul
Highlight
Share
Copy
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
