Macaafa Hose'a Raajichaa 12
12
Israa'elii Fi Yihudaan Waaqayyoof Amanamuu Dhabuu Isaanii
1<<Efreem qilleensaa wajjin in oola,
guyyaa guutuus qilleensa
gara ba'a-biiftuu duukaa in fiiga;
soba, humnaan nama irratti ka'uus in baay'isa;
biyya Asorii wajjin walii galee,
biyya Gibxiittis dhadhaa ejersaa in geessa>> jedhe*.#1 5:13; 7:11
2Waaqayyo gooftaan,
warra Yihudaa wajjin dubbii qaba,
adeemsa isaatiif Yaaqoobitti in ilaala,
akka hojii isaattis isaaf in deebisa.
3Yaaqoob garaa haadha isaatii keessatti iyyuu
booddeetti akka hin hafneef,
koomee obboleessa isaa in qabate,
yeroo nama ga'aa ta'es
Waaqayyotti marmee
gad dhiisuu dide*.
4Ergamaa Waaqayyoo ofitti qabee
gad dhiisuu dide, in danda'es;
ergasii immoo boo'ee
akka inni faara toluuf in kadhate;
Waaqayyo Bet'elitti itti mul'ate,
achittis isatti dubbate*.
5Inni Waaqayyo gooftaa maccaa ti;
Waaqayyo isa yaadatamuun ta'uufii dha*.#3 Uma 25:26; 27:35-36; 32:25-29 4 Uma 35:15; 28:10-19 5 Far 83:18
6Ati immoo amma
gocha Waaqayyo keetiin in deebita;
egaa jaalalatti,
wanta dhugaa ta'ettis
qabamii jiraadhu!
Yeroo hundumaas Waaqayyo kee abdiidhaan eeggadhu*!
7Ati immoo naggaadee madaalii sobaa
harkatti baatuu dha,
nama gowwoomsuus in jaallatta*.#6 Mik 6:8 7 Amo 8:5
8Kana irratti Efreem,
<<Ani dhuguma sooromeera,
geessifadheeras;
wanta ani argadhe hundumaa
keessatti immoo yakki cubbuudhaaf
natti muramu
hin argamu>> jedhe*.
9Kanaaf Waaqayyo,
<<Ani Waaqayyo gooftaan kee
biyya Gibxiitii kanan si baase,
akkuma bara durii
dhaabaan wal argaa turre sanatti,
ammas deebisee
godoowwan keessa sin jiraachisa*.#8 Mul 3:17 9 13:4; Bau 20:2; Lew 23:42-43
10<<Ani raajotatti dubbadheera,
ani mul'ata baay'ee
akka argan nan godhe;
karaa isaaniis fakkeenyaan nan dubbadhe>> jedhe*.
11Hamminni mandara Giil'aad keessa jira,
namoonni achitti argamanis
kan waa'ee hin baafne in ta'u;
Giilgalitti korommii
aarsaadhaaf in dhi'eessu,
iddoowwan aarsaa isaanii immoo
akka tuullaa dhagaa isa bo'oo qotiisaa
keessa tuulamee in ta'u*.#10 6:5 11 6:8; 9:15
12Yaaqoob biyya Aaramitti baqate,
Israa'el haadha manaa argachuudhaaf
namaaf hojjete,
niitii fuudhuufis hoolota tikse*.
13Waaqayyo garuu harka raajiitiin
warra Israa'el
biyya Gibxiitii ol baase;
harka raajiitiin
akka eegamanis in godhe*.
14Efreem tuttuqee gooftaa isaa
gar-malee waan aarseef,
inni immoo yakki isaa inni du'aan ga'u
isuma irratti akka hafu in godha,
arrabsoo isaas mataa isaatti in deebisa.#12 Uma 27:43; 28:5; 29:20 13 Bau 3:10; Kes 34:10-12
Currently Selected:
Macaafa Hose'a Raajichaa 12: MacQul
Highlight
Share
Copy
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
