Macaafa Yo'el Raajichaa 1
1
Hawaannisi Biyya Akka Balleesse Himuu Isaa
1Dubbiin Waaqayyoo inni gara Yo'el ilma Phetu'el dhufe kanatti fufee kan jiruu dha.
2Isin maanguddoota nana kana dhaga'aa!
Sabni biyya kana keessa jiraattan
hundinuus mee dhaggeeffadhaa!
Wanti akkasii kun bara
isin jiraattan keessatti,
bara abboonni keessan jiraatan keessattis
takkaa ta'ee beekaa ree>>
3Waa'ee kanaa ijoollee keessanitti himaa!
Ijoolleen keessanis
ijoollee isaaniitti haa himan!
Ijoolleen isaaniis
dhaloota dhufutti haa himan!
4Isa gurmuu hawaannisaa
isa duraa irraa hafe,
gurmuu hawaannisaa
isa lammaffaatu nyaate;
isa gurmuu hawaannisaa
isa lammaffaa irraa hafe,
ilmaan hawaannisaatu nyaate;
isa ilmaan hawaannisaa irraa hafe immoo
geerii hawaanisaatu nyaate*.#4 2:25; Amo 4:9; 7:1-2; Bau 10:12-15; Kes 28:38
5Isin warri machooftuun
dammaqaatii boo'aa!
Daadhiin waynii isin irraa
waan citeef,
isin warri daadhii waynii
dhugdan hundinuu,
cuunfaa wayniitiif boo'aa!
6Sabni jabaanii fi lakkoobsi isaa
dhuma hin qabne
biyya koo irratti dhufeera;
ilkaan isaa akka ilkaan leencaa ti,
qarrifaan isaas akka qarrifaa
leenca dhalaa ti*;
7inni dhaabaa waynii koo in onse,
muka harbuu koos gad in cire;
qola isaanii irraa quncisee gate,
dameen isaaniis addaatee hafe;#6 2:2; Mul 9:8
8akka misirroo uffata gaddaa uffatee,
dhirsa qaree isheetiif gaddituutti, gaddaa!
9Kennaan nyaataa fi dhugaatii
mana Waaqayyoo irraa in cite,
kanaaf luboonni warri
Waaqayyo gooftaadhaaf hojjetan
gaddanii in boo'u*.
10Maasiin in one,
midhaan waan badeef lafti in gadde;
mukti waynii inni haaraan in goge,
dhadhaan ejersaas hin jiru.#9 2:14
11Isin warri qottuun abdii kutadhaa!
Warri waynii dhaabdanii
guddiftanis gaddaa!
Wanti laficha irraa galfamu
waan badeef,
qamadiidhaaf, garbuudhaafis gaddaa*!
12Mukti waynii in goga,
mukti harbuus in coollaga;
mukti rumaanii, mukti meexxii, mukti hudhaa fi
mukkeetiin maasii keessaa
hundinuu in gogu;
gammachuun ilmaan namootaas in bada.#11 Er 14:4
Gara Yaada Garaa Geddarannaatti Waamamuu Isaanii
13Yaa lubootaa!
Uffata gaddaa uffadhaa, boo'aas!
Kennaan midhaanii fi kennaan dhugaatii,
mana Waaqayyo keessanii irraa waan ittifameef,
isin warri iddoo aarsaatii hojjettan,
hojjetonni Waaqayyo kootii
mana qulqullummaatti ol galaa!
Uffata gaddaa uffadhaatii
halkan guutuu gaddaa bulaa!
14Soomii qulqulluu labsaa!
Wal ga'ii qulqullaa'aas waamaa!
Jaarsoliidhaaf warra
biyyicha keessa jiraatan hundumaa,
mana Waaqayyo gooftaa keessaniitti
walitti qabaa!
Gara Waaqayyoottis iyyaa*!
15Wayyoo! Guyyaan Waaqayyoo dhi'aateera!
Maal guyyaan sodaachisaan akkasii!
Inni isa hundumaa danda'u biraa
akka balleessiitti in dhufa*.#14 2:15; Isa 58:5 15 2:1,11; Isa 13:6; Amo 5:18-20
16Utuma nuyi ilaalluu
nyaati akkuma dhibe,
akkasuma gammachuunii fi ililleen
mana Waaqayyo keenyaatii dhibeera mitii ree*>>
17Sanyiin kaboota jalatti tortoree,
midhaan waan badeef,
gombisaan in one,
gumbiin in caccabe.
18Saawwan waan dheedan waan dhabaniif, in mar'atu!
Bushaayeen in joonja'u;
hoolonni karri baay'eenis in dhiphatu*.#16 Kes 16:11; Far 118:24 17-18 Sef 1:10-11; Er 3:3; 14:5-6; 1Mot 17:1-16; 18:1-6
19Yaa Waaqayyo! Ibiddi
iddoo dheedumsa horii waan fixeef,
arrabni ibiddaas muka bakkee keessaa waan gubeef,
ani gara keetti nan iyya;
20burqaan bishaanii waan gogeef,
ibiddis iddoo dheedumsa horii
waan fixeef,
bineensonni caakkaa illee
gara keetti in iyyu*.#19-20 Amo 7:4; Far 104:27-28; 1Mot 17:1-16; 18:1-6
Currently Selected:
Macaafa Yo'el Raajichaa 1: MacQul
Highlight
Share
Copy
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
