Tuuma 6

Bayopɔi ti ba looe ti ba tum

1Dabeha aŋa puan la, zahereba la kãlɛ n wa pa'aha la, ti Hiburuduma sɛba n tɔgeri Giriki la la nyɔni mɛ la ba Hiburuduma la mɛŋa, doohe la ban ka bo'ori Hiburuduma sɛba n tɔgeri Giriki la pokɔpa la ba daare woo dia tɔtɛ la. 2Ti zahereba pia la bayi' la yi' sɛba n nam la za'a lagehɛ, yele ba yeti, “La dagi ma'a bo' tumam, ti tu bahɛ Yinɛ yelehum la muulegɔ gee yee dia tɔrega. 3Bala tu suurɔ wa, looe ya buraahi siyopɔi ya puan n de tuuntɔɔ, ti Fa'a Sia la pirɛ ba, dɛna yɛmduma, tari na bo' tu, ti tu bo' ba sore ti ba biha yele ana wa, 4gee tumam me, wuu tu tuni n de se'em la, tu wan kaabɛ tu mɛhi saŋa woo bo' pu'uhegɔ, la yelehum muulegɔ.” 5Ti ban yele se'em la pee nɛreba la puurɛ, ti ba looe Siteven, n de buraa n pirɛ la sakerɛ la Fa'a Sia la, gee me looe Filipi, Porokoruse, Nikano, Timɔn, Pamenase, la Nikolayuse se'em n yehe Antiyoke se'em n dagi Yuda buuri gee lebege Yuda buuri la. 6Ti ba bahɛ ti buraahi sina wa ze'ele tuntuneba la nɛŋan, ti ba pu'uhɛ, gee dikɛ ba nu'uhi pagelɛ ba zuto.

7Ti Yinɛ yelehum la kɔ'ɔm yiregera, ti zahereba la kãlɛ malum pa'ahera Yerusalɛm puan, ti malema duma la zo'e zo'e to'e sakerɛ la.

Siteven nyɔkerɛ

8Siteven pirɛ me la zu'uhegɔ la paŋa, tuna daalehum la nyalema kãra bɔ'ɔra nɛreba la. 9Ŋwana ti sɛba n boi zamehegɔ yire la puan ti ba yi'ira a boi fai pa'alegɔ yire la puan la (Ban daa nan yi'iri pa'alegɔ ze'kana la bala ma'a ha la), Sereniduma, Alɛgezanda duma, la sɛba n me yehe Kilikiya, la Esiya na la, daa vaaɛ ihege la nɔkpe'ene la Siteven 10Gee ba ka nyaŋɛ ze'ele la yɛmsebo la Sɛsɛka n boi la en ti a tɔgera la. 11Ti ba iŋɛ bããlam ɛbegɛ buraahi sise'ehi ti ba yeti, “Tumam wum mɛ ti a tɔgɛ tu' Moose la Yinɛ.” 12Ti ba bahɛ ti nɛreba la gbirege, ta ta' kiinduma, la gɔnmi'ineba la, ti la ka yuue ti ba kaaɛ Siteven mum, nyɔkɛ en, tari en wa'am kiinduma zi'an na. 13Gee nyaa maahum aze' nyɛ pumparenduma, ti ba yehe na yeti, “Buraa wa kan malum bahɛ ka tɔgera tuura tuulum zi'an wa la Ze'elego la. 14Se'ere en sɔi la, tumam wum ti a yeti, Yezu n de Nazareti buraa la wan wa'am na sagum ze'kana wa, gee malum teehum tu malema sɛ'a ti Moose dikɛ bahɛ tu la.” 15Ti sɛba woo n boi kiinduma suhega zi'an la puan la biha Siteven nɛŋa zii, ta nyɛ ti a nɛŋa la tee me ana woo Suŋera nɛŋa la.

Currently Selected:

Tuuma 6: GBTP

Highlight

Copy