MARKUS 16

Puwawangung I Yesus

(Mat. 28:1-8; Luk. 24:1-12; Yoh. 20:1-10)

1Suapang seng nal᷊iu l᷊ou ngu Sabati, i Maria Magdalena, i Maria mama ngi Yakobus, l᷊au i Salome natamai nul᷊uang manga rampa ipul᷊anisi badang I Yesus. 2Mal᷊uka-l᷊ukari su kababuresi u matangutiti, su l᷊ou kahimotongange su misa e'e, i sire natamai sarang kubul᷊i. 3-4Su l᷊al᷊eng i sire mangkate kapudidatonge, “I sai makatul᷊ung i kite mul᷊unggi watu l᷊ahumping mohong u kubul᷊i e'e?” Ual᷊ingu watu e'e ko l᷊abo kahingang. Kateho suapang i sire nurating su se'e i sire nakawua watu e'e seng nal᷊unggi. 5Bou e'e i sire nusumu su l᷊al᷊ung u kubul᷊i e'e, su l᷊al᷊unge su simbuka kuaneng i sire nakawua singkatau ko makuda ko kakangiang nupake u juba ko mawira dang i sire nahuwi.

6Taumata makuda e'e, nangul᷊i, “Kumbahang mataku! Ia matitong i kumu mundea si Yesus tau Nazaret ko seng nighantong. I Sie seng tarie su si'i. I Sie seng nuwangung! Tuhungete, i'i tampa i sire namilo si Sie. 7#Mat. 26:32; Mrk. 14:28Su orasi i'i tamaiko, puhabariko hal᷊i i'i su manga tumatuhu-E, l᷊au i Petrus. Habari, ‘I Sie tamai mangihoro si kumu sarang Galilea. Pai se'e i kumu sarung makawua si Sie, musul᷊ung u seng nihabari-E si kumu.’ ”

8Kuteu i sire nusumuwang bou kubul᷊i e'e bou e'e nutumal᷊ang ual᷊ingu nahuwi l᷊au nataku. I sire ta nangul᷊i manga apa si sai-sai, ual᷊ingu mataku.

PANGINSUENG U WUKE NGI MARKUS TUMUHU WOHE SU TEMPO HORO

I Yesus nutingkaandaghi watangeng-E si Maria Magdalena

(Mat. 28:9-10; Yoh. 20:11-18)

9[Suapang I Yesus seng nuwangung bou papate, mal᷊uka-l᷊ukari su l᷊ou ngu Misa, I Sie kahorokange nutingkaandaghi watangeng-E si Maria Magdalena. (Bo i Maria e'e I Yesus l᷊inau mbuae nupasuwang u pitu roh ko dal᷊ai.) 10Kuteu i Maria Magdalena tamai nupakatitong u hal᷊i ko seng nariadi e'e su manga ghawe ngi Yesus, ko su l᷊al᷊ung u kasasusa l᷊au kasangie. 11Kateho su tempo ngi sire nakaringihi himoneu I Yesus ko wiahi, dang i Maria seng mbuae nakawua si Sie, i sire ta nangimang.

I Yesus nutingkaandaghi watangeng-E su dua ngkatau tumatuhu-E

(Luk. 24:13-35)

12Bou e'e I Yesus nutingkaandaghi watangeng-E su tumatuhu-E dua ngkatau dingang u kakanoa e'e ko wal᷊inge. E'e nariadi su tempo ngi sire rua e'e kal᷊al᷊enge sarang kampong simbau. 13Inau i sire nusul᷊e dang nupakatitong u hal᷊i e'e si sire ko wal᷊inge. Kateho i sire ta mangimang.

I Yesus nutingkaandaghi watangeng-E su manga tumatuhu-E

(Mat. 28:16-20; Luk. 24:36-49; Yoh. 20:19-23; Wuk. 1:6-8)

14Panginsuenge, I Yesus nutingkaandaghi watangeng-E su manga tumatuhu-E i sire mapul᷊onsau, su tempo ngi sire kakange. I Sie nanogori si sire, ual᷊ingu singkodo pangangimang sire dang tumaniu makitihi hakiu ta mangimang su taumata ko seng mbuae nakawua sisane himoneu I Yesus ko wiahi. 15#Wuk. 1:8Bou e'e I Yesus nangul᷊i si sire, “Dakoe l᷊al᷊eng sarang kaul᷊i u dunia dang wombengko Habari Mapia bou Mawu Ruata e'e su patiku taumata. 16Taumata ko ta mangimang sarung ihukung. Arawe manga taumata ko mangimang dang isahani sarung masal᷊amati. 17Kere tatia i sire mangimang, manga taumata e'e sarung manguseri roh ko dal᷊ai dingang u areng-Ku; i sire sarung mudidato dingang haghi ngu wahasa ko ta nikatitonang i sire. 18I sire ta masilaka boko i sire muhinggo katoang arako manginung ilu. Taumata masaki maul᷊e, boko i sire manimbo ngu l᷊ima ngi sire su manga taumata masasaki.”

Mawu Yesus nihengke sarang sorga

(Luk. 24:50-53; Wuk. 1:9-11)

19 # Wuk. 1:9-11 Suapang Mawu Yesus nudidato dingang i sire, I Sie nihengke sarang sorga. Rasi se'e, I Sie namarenta dingang u Mawu Ruata. 20Kuteu manga tumatuhu-E natamai nangeke ngu habari bou Mawu Ruata suapang tampa. Dang Mawu l᷊ai nuhal᷊i singkahindo dingang i sire dang bou kaul᷊i u tatia ko makal᷊aherang mal᷊ahe, himoneu ko nihabari sire tingari.]#16:20: Su l᷊al᷊ung u pira mbau naska l᷊au salenang kuno pia lai tatambange darua ayeti i'i.

PANGINSUENG U WOHE U TEMPO HORO

9[Manga kowawine e'e natamai nakoa sarang koa i Petrus l᷊au manga ghawe'e, bou e'e nuwuke singkodo, kaul᷊i u ko seng nipakatitong u taumata makuda e'e si sire. 10Bou e'e I Yesus sisane bou manga tumatuhu-E nuhabari habari ko Susi l᷊au kakal hal᷊i u kasasal᷊amati kakal bou pung u raki sarang pungu wahe.]

Currently Selected:

MARKUS 16: PLT

Highlight

Copy