MARKUS 15

I Yesus su tingo ngi Pilatus

(Mat. 27:1-2,11-14; Luk. 23:1-5; Yoh. 18:28-38)

1Mal᷊uka-l᷊ukari, kaul᷊i u Pangadilang u Agama dingang u manga tumbonang u imam, manga pangaha u tau Yahudi l᷊au manga meteri agama maehong-ehong nughaghighili. I sire nuhapusi si Yesus, bou e'e numbawa si Sie nisarakang si Pilatus. 2I Pilatus nukina si Yesus, “Tingari i Kau ratu ngu tau Yahudi?”

“Kere didatongu,” nisimbahi Yesus.

3Manga tumbonang u imam nuhabari kabaratang i sire si Yesus. 4Bou e'e i Pilatus sau nukina si Yesus, “I Kau mang tawe mo sumimbahi? Kenang putuhung kirapa kaul᷊ie kabaratang i sire si Kau!”

5Kateho I Yesus mang ta nusumimbahi sarang singkodo, haki i Pilatus naherang.

I Yesus niponisi hukumang papate

(Mat. 27:15-26; Luk. 23:13-25; Yoh. 18:39–19:16)

6Sintinia sal᷊iwang u Paska, narang i Pilatus mamilo singkatau taumata ngu hukumang tumuhu ko nipile ngu taumata maul᷊i. 7Su l᷊al᷊ung u tutupang, su tal᷊oara u manga tahapamarontaki ko namate su tempo pugagara, pia singkatau ko isigho si Barabas. 8Taumata maul᷊i nukomol᷊i mundo si Pilatus tadeau i sie pamilo singkatau taumata ngu hukumang kere narange. 9I Pilatus nukina si sire, “I kumu mo, ia mamilo ratu ngu tau Yahudi e'e guna ngi kumu?” 10Watu'u i Pilatus seng matitong i sire tumbonang u imam nanarakang I Yesus si sie ual᷊ingu saki u naung.

11Kateho manga tumbonang u imam naniti taumata maul᷊i tadeau pundo si Pilatus pamilo i Barabas guna ngi sire. 12Kuteu i Pilatus sau nangul᷊i si sire taumata maul᷊i e'e, “Boko kere'e, apa mambeng daku koateng su taumata ko nisigho ngi kumu ratu ngu tau Yahudi e'e?”

13I sire nukumiha, “Ghantongte I Sie!”

14I Pilatus nukina, “Ko apa hal᷊i ko dal᷊ai nikoa-E?”

I sire kasaunge nukumiha, “Ghantongte I Sie!”

15I Pilatus mo mupakal᷊uasi naung u taumata maul᷊i e'e, kuteu i sie namilo i Barabas guna ngi sire. Wuhue i sie nuparenta taumata pul᷊uwaghi si Yesus, bou e'e nanarakang I Yesus pakighantong.

Manga Sordado nuputaghunang I Yesus

(Mat. 27:27-31; Yoh. 19:2-3)

16I Yesus niwawa u manga sordado sarang wal᷊e ngu pangadilang su istana ngu gubernur. Bou e'e kaul᷊i u pasukang u sordado nikuing pukomol᷊i. 17Bou e'e I Yesus nilohokang i sire juba ko bung, dang nikoateng u makotae bou kahiko u kau pia wul᷊antae, bou e'e nipake i sire su timbo I Yesus. 18Wuhue i sire nunggile u adati si Sie, “Sal᷊amati su Ratu ngu tau Yahudi!” angkung i sire. 19Timbo I Yesus nipukul᷊i sire dingang u tiking, bou e'e i sire nanguru si Sie, dang i sire nusuba nanumba su saruang-E. 20Suapang bou nuputaghunang I Yesus, juba ko bung e'e nilua i sire bou e'e sau nilohokang i sire dingang u l᷊aku-E sisane. Bou e'e I Sie niwawa sarang l᷊ikuri tadeau ighantong.

I Yesus nighantong

(Mat. 27:32-44; Luk. 23:26-43; Yoh. 19:17-27)

21 # Rm. 16:13 Su l᷊al᷊eng i sire nanihasa taumata singkatau nipamasang salipi I Yesus. Tau e'e bou kampong makoa sarang soa. (Arenge i Simon, asal᷊ie bou Kirene – iyamang i Aleksander sire rua ngi Rufus.) 22I Yesus niwawa sarang tampa simbau arenge Golgota, mangal᷊enge “Tampa u rarang timbo.” 23Su se'e i sire mo munggile si Sie anggori pia l᷊au u mur, kateho I Yesus mandiri manginung anggori e'e. 24#Mzm. 22:19Bou e'e i sire nunggantong si Sie, dang nupapahia pakeang-E dingang u undi tadeau manantu bahageang u simbau-simbau. 25Orasi munggantong si Sie e'e nariadi pukul᷊i sio mal᷊ukari. 26Su wawo u salipi-E kawawohe kabaratang si Sie, didatonge “Ratu ngu tau Yahudi.” 27Nuhindo I Yesus i sire l᷊ai nunggantong dua ngkatau taumata ko tahahampasi, singkatau su kuaneng dang singkatau l᷊ai su kuihi-E. 28#Yes. 53:12[Dingang kere'e nariadi apang ko seng mawawohe su l᷊al᷊ung u Buki Susi: “I Sie nirekeng dingang u manga taumata ko dal᷊ai.”]

29 # Mzm. 22:8, 109:25; Mrk. 14:58; Yoh. 2:19 Manga taumata ko nusumahe su se'e kaul᷊ie nukumiling#15:29: nukumiling: Kakakoa u tau Yahudi boko muhinakang taumata. dang nuhinakang si Yesus. I sire nangul᷊i, “Ei, I Kau ko mo mangopehi Wal᷊e ngu Mawu Ruata l᷊au mamangung sau su l᷊al᷊ung u tilu l᷊ou. 30Kenang ko nae l᷊intu bou salipi e'e dang pangambang badang-U!”

31Kere'e l᷊ai manga tumbonang u imam dingang u manga meteri agama nuheghesi si Yesus. I sire nangul᷊i singkatau dingang ko wal᷊inge, “I Sie mangambang taumata ko wal᷊inge, arawe badang-E sisane ta makaambang! 32Boko I Sie tingari ratu ngu tau Israel, Ratu Mananal᷊amati, kenangko I Sie l᷊intu bou salipi e'e, tadeau i kami makawua dang mangimang si Sie!”

Taumata ko nighantong nuhindo I Yesus mang l᷊ai kapuhinakange si Yesus.

Papateng I Yesus

(Mat. 27:45-56; Luk. 23:44-49; Yoh. 19:28-30)

33Su tempo ngu kal᷊ihae, su l᷊al᷊ung u tilu ngkaorasi l᷊iwuenge kaul᷊i u tampa e'e narundung. 34#Mzm. 22:2Dang pukul᷊i tatilu wawul᷊aeng, I Yesus nukumiha mauha, “Eloi, Eloi, lama Sabakhtani?” mangal᷊enge, “O Mawu Ruata-Ku, O Mawu Ruata-Ku nakurawe I Kau nanintang u Ia?”

35Taumata pirangkatau su se'e suapang nakaringihi kiha e'e nangul᷊i, “Raringihite, I Sie kakuinge si Elia!” 36#Mzm. 69:22Pia singkatau su tal᷊oara i sire tamai masahawu-sahawu nangal᷊a bungang u huso bou e'e nil᷊awu su anggori mahingisi. Bou e'e bungang e'e nisusue su pondol᷊i u kau simpoto wuhue nitogorie su wiwihi Yesus, dingang nangul᷊i, “Pangampal᷊i, neng tuhungang i kite minsang i Elia sumongo mupal᷊intu I Sie bou salipi e'e.”

37Bou e'e I Yesus sau nukumiha, dang namal᷊usi sinango-E.

38 # Sasu. 26:31-33 Pampele ko kawawiting su l᷊al᷊ung u Wal᷊e ngu Mawu naghehe napahia darua bou rasie sarang wawae. 39Sordado ko kararisi su tingo ngu salipi e'e, nakawua kirapa I Yesus nate.#15:39: nate: pira mbau wohe horo: nukumiha dang nate Sordado e'e nangul᷊i, “Mang tingari taumata e'e Ahusi Mawu Ruata!”

40 # Luk. 8:2-3 Su se'e pia l᷊ai kowawine pirangkatau kaputuhunge hal᷊i e'e bou marau. Su se'e pia i Salome, i Maria Magdalena, l᷊au i Maria mama ngi Yakobus ko makuda l᷊au i Yoses. 41I sire manga kowawine ko nutumuhu dang nutuhung si Yesus su tempo ngu i Sie ene su Galilea. Dang pia maul᷊i l᷊ai su se'e kowawine ko wal᷊inge nusumongo su Yerusalem singkahindo dingang I Yesus.

Pul᷊al᷊uwing I Yesus

(Mat. 27:57-61; Luk. 23:50-56; Yoh. 19:38-42)

42-43L᷊ou seng kal᷊ahuwinge su tempo ngi Yusuf tau Arimatea nusumongo. I sie singkatau anggota ngu Pangadilang Agama ko il᷊uadateng. I sie l᷊ai kapangampal᷊i tempo ngu Mawu Ruata manita mamarenta kere Ratu. L᷊ou e'e ko l᷊ou Panadiang (E'e ko l᷊ou su horo u l᷊ou ngu Sabati). Watu'u e'e i Yusuf nutingkawahani nupasaruang i Pilatus nundo mangal᷊a badang I Yesus. 44I Pilatus naherang nakaringihi I Yesus seng nate. Inau i sie nuparenta taumata pukui tumbonang u pasukang dang pukina si sie, minsang seng mal᷊iwue I Yesus nate. 45Suapang i Pilatus nakaringihi habari u sordado e'e i sie namala ngi Yusuf pangal᷊a badang I Yesus. 46Bou e'e i Yusuf nul᷊uang heka mawira ko mal᷊usi bou e'e nupal᷊intu u badang I Yesus, nipikunge dingang u heka e'e. Bou e'e i sie namilo badang I Yesus su pul᷊al᷊uwingang simbau ko nikoa su l᷊al᷊ung u wul᷊uri u watu. Bou e'e i sie nul᷊unggi watu ko l᷊abo simbau nipuhumping mohong u kubul᷊i e'e. 47Tintal᷊a e'e i Maria Magdalena l᷊au i Maria mama ngi Yoses nutuhung minsang su apa I Yesus nil᷊uwing.

Currently Selected:

MARKUS 15: PLT

Highlight

Copy