MIKHA 4
4
Mawu mamarenta dunia dingang purarame
(Yes. 2:2-4)
1Su l᷊ou-l᷊ou karintange
bongkonge, tampa u Wal᷊e ngu Mawu,
sarung murumarisi matei marange
mamal᷊iu manga wul᷊uri l᷊au manga bongkonge.
Kaul᷊i u bangsa mutatuhu tamai sarang pai e'e
2i sire kaul᷊ie sarung mangul᷊i,
“Maite i kite maawi sarang bongkong u Mawu#4:2: bongkong u Mawu: Bongkong u Sion (putuhung kamusi).
sarang Wal᷊e ngu Mawu Ruata ngu Israel!
I Sie sarung manintiro si kite
apang ko mambeng koateng i kite.
I kite sarung mutumuhu l᷊al᷊eng-E
watu'u tintiro ngu Mawu musumongo bou Yerusalem;
bou Sion I Sie muhengetang su umati-E.”
3 #
Yes. 2:4; Yl. 3:10 Mawu sarung mamonesi parkara
su tal᷊oara u manga bangsa,
su tal᷊oara u manga negara ko matatoghasi,
ko marau arako l᷊ai ko masandighi.
I sire sarung munggora manga pera ngi sire makoa bajaki
dang manga l᷊al᷊eang i sire makoa piso tatiwasi.
Manga bangsa seng ta l᷊ai mupapangalo.
Seng ta l᷊ai musasadia muparang.
4 #
Za. 3:10
Apang taumata seng muwiahi matatapi dang maudupi
su tal᷊oara u awuhi anggori l᷊au awuhi u arange;
takoae ko sarung mamataku si sie,
ko e'e diandi u Mawu Ko Makawasa.
5Apang bangsa su wawo u dunia
manumba dang matuhu su manga dewa nge sisane.
Arawe i kite sarung mutumuhu su Mawu Ruata ngi kite
dang manumba si Sie sarang kal᷊iwuenge.
Israel sarung musul᷊e bou pundandumekang
6 Mawu nuhengetang, “Sarung murating temponge Ia mangomol᷊i manga taumata ko Daku nihukung, e'e ko i sire ko nutatahang u singsara su pundandumekang. 7I sire seng nipakapeso dang marau bou wanuange. Kateho, bou manga taumata ko nal᷊umbei e'e Ia sarung manita simbau hintou ko wuhu. I sire sarung makoa bangsa ko l᷊abo dang matoghasi. Ia sarung mamarenta si sire su Bongkong u Sion sarang kal᷊iwuenge.”
8Dang i kau Yerusalem, tampa u Mawu mundiaga umati-E kere mul᷊al᷊ukari mundiaga ghapang u dombae, i kau sarung musul᷊e makoa pusati u soa ngu kararatuang kere horo. 9Nakurawe i kau numpal᷊ehe mauha-uha? Nakurawe i kau nutatahang u singsara kere kowawine ko mahinding? Apa ual᷊ing i kau takoae ratu, l᷊au manga mananughu ngu seng nate? 10Ei taumata ngu Yerusalem, pukal᷊umbinahie dang pangirihie kere kowawine ko mahinding! Watu'u, orasi i'i i kumu mambeng panintang u soa dang katana su ngudae. I kumu mambeng tamai sarang Babel, kateho pai se'e Mawu sarung mul᷊iwiri kumu bou manga roka i kumu. 11Maul᷊i bangsa ko nukomol᷊i guna ngu mangalo si kau, ei Yerusalem! I sire nangul᷊i, “Yerusalem mambeng ipakaghaghoro! I kami sarung mutuhung soa e'e makoa tuiri!” 12Kateho manga bangsa e'e wugha apa ko kahikirou ngu Mawu. I sire ta nakapundang himoneu i sire seng nikomol᷊i-E tadeau ihukung, musul᷊ung kere gandung nikomol᷊i tadeau iwuwahi.
13 Mawu nuhengetang, “Ei taumata ngu Yerusalem, tamaiko dang l᷊indaiko manga roka i kumu! Ia sarung mupakatoghasi kumu kere sapi ko pia sasungenge uase dang pia kanukue witu. I kumu sarung mupakaghaghoro bangsa maul᷊i dang kakakala ko nikarea i sire bou suke ngu l᷊ahampasi sarung isumba ngi kumu si Sia, Mawu kal᷊abo u dunia.”
14Ei taumata ngu Yerusalem, pundoko kahingang-hingang tadeau Mawu mutul᷊ung si kumu! I kite nil᷊iwung! Roka kapangalonge pangaha u Israel!
Currently Selected:
MIKHA 4: PLT
Highlight
Share
Copy
Want to have your highlights saved across all your devices? Sign up or sign in
