MIKHA 5
5
Mawu Ruata nudiandi ngu singkatau mangangawasa bou Betlehem
1 Mawu nuhengetang, “Ei Betlehem Efrata, i kau simbau bou soa ko kadiokange su Yehuda! Kateho bo i kau sarung Daku iwangung singkatau mangangawasa guna ngu Israel ko asal᷊ie bou panitakenge.”
2 #
Mat. 2:6; Yoh. 7:42 Inau, Mawu sarung mamala ngu umati-E ikawasa ngu manga roka i sire sarang kowawine ko nitantu guna ngu makoa i mama ngu mangangawasa e'e seng mahinding I Sie. Bou e'e manga taumata ko bangsa simbau dingang-E ko ene su pundandumekang sarung ipakasimbau sau dingang u bangsa ngi sire. 3Boko mangangawasa e'e sumongo, I Sie sarung mamarenta umati-E dingang u katatoghasi l᷊au kawasa bou Mawu Ruatange sisane. Umati-E sarung muwiahi dingang matatapi, ual᷊ingu kaul᷊i u taumata su kal᷊abo u dunia sarung mangaku ngu kal᷊al᷊abo-E, 4-5Dang I Sie sarung mangonggo u purarame.
Kal᷊al᷊iwiri l᷊au hukumang
Boko sordado ngu Asyur mangalo wanua ngi kite dang manope tatinda i kite, i kite sarung manganoa manga pangaha i kite ko katoghasenge guna ngu puparang si sire. Manga pangaha i kite e'e sarung mamata Asyur dingang u katatoghasi u aghiri, dang mupakasal᷊amati kite bou l᷊ima ngi sire.
6 #
Kar. 10:8-11 Taumata ngu Israel ko mborong nal᷊umbei sarung makoa kere namuhi ko mal᷊al᷊inding bou Mawu guna ngu bangsa maul᷊i, dang kere kararasehi tahiti su sasuang. I sire sarung mangunsade su Mawu Ruata, dang wal᷊inge su taumata. 7Tau Israel ko mborong nal᷊umbei su tal᷊oara u manga bangsa sarung kere singa su tal᷊oara u manga binatang su ngudae arako su tal᷊oara u ghapang u domba su nguda u rindulu. Singa e'e musumu su tal᷊oara u manga ghapang u domba e'e apiru mul᷊inda-l᷊inda dang mungganggehe; takoae ko makapilo manga domba e'e. 8Israel sarung mamata manga rokae l᷊au munggaghoro si sire kaul᷊ie.
9 Mawu nuhengetang, “Su tempo e'e Ia sarung mupakailang u manga kawal᷊o ngu dang mupakawinasa kereta parangu. 10Manga soa ko pia tatindae su wanua ngu sarung Daku ghaghorong, dang kaul᷊i u tatindae Daku iopehi. 11Manga pakeu sarung Daku ipakailang dang kaul᷊i u tahapatehiu sarung Daku ipangal᷊ing. 12Ia Sarung munggaghoro manga patongu l᷊au manga tugu ngu ko maal᷊amati; i kumu sarung ta manumba l᷊ai manga barang ko nikoa u l᷊ima ngi kumu. 13Manga tugu ngu Dewi Asyera su wanua ngu sarung Daku il᷊engge, l᷊au manga soa ngu ko pia tatindae sarung Daku ghaghorong. 14Su l᷊al᷊ung u wawal᷊uang-Ku ko susahoka Ia sarung mamal᷊isi kal᷊al᷊ai u kaul᷊i u bangsa ko ta matuhu si Sia.”
Currently Selected:
MIKHA 5: PLT
Highlight
Share
Copy
Want to have your highlights saved across all your devices? Sign up or sign in
