YUNUS 3
3
I Yunus nundaringihi parenta ngu Mawu
1Su karuange Mawu nuhengetang si Yunus. 2Hengetang-E, “Dakoko tamai sarang Niniwe, soa ko l᷊abo e'e, dang ul᷊iko su ana u kawanuange, tatanata ko sarung Daku ihabari si kau.” 3Kuteu i Yunus nundaringihi Mawu dang natamai sarang Niniwe, soa simbau ko l᷊abo kahingang; hakiu pul᷊ikutang soa e'e tilu l᷊ou l᷊iwuenge. 4#Mat. 12:41; Luk. 11:32 I Yunus nusumu su soa e'e dang suapang nul᷊umal᷊eng silou tiwatu, i sie nanita nunasi, angkunge, “Paupul᷊o su l᷊ounge l᷊ai, Niniwe sarung maghaghoro!”
5I sire ko natana su Niniwe nangimang su tatanata ngu Mawu Ruata e'e. Kaul᷊i ana u kawanua namutusi mupuasa, dang kaul᷊i u taumata, maneng ko l᷊abo arako l᷊ai ko dio, mul᷊oho u wal᷊i karong kere tatia himoneu i sire nusisili su apang dosa ngi sire.
6Su tempo ngu ratu ngu Niniwe nakaringihi habari e'e, i sie maehong nul᷊umintu bou kakangianenge. Nil᷊uae juba ngu kararatuange, dang nil᷊ohoe wal᷊i karong, bou e'e i sie nukumangiang su awu. 7I sie l᷊ai namohang habari i'i, “Parenta i'i nipasuwang su Niniwe su parenta ngu ratu l᷊au manga menteri: Kaul᷊i u taumata, sapi, domba l᷊au binatang papal᷊iharang ko wal᷊inge kumbahang kumang l᷊au manginung. 8Taumata l᷊au binatang mambeng pul᷊oho u wal᷊i karong. Kere tatia ngu pusisili kaul᷊i u taumata mambeng pukal᷊iomaneng dingang kal᷊abo u naung su Mawu Ruata. I sire mambeng pamal᷊u lulu ngi sire ko dal᷊ai l᷊au kakanoa i sire ko napene u dosa. 9Pari Mawu Ruata sarung mamal᷊u karaki-E dang seng ta muwawal᷊uang l᷊ai hakiu i kite seng ta mariadi ipakawinasa!”
10Mawu nakawua kakanoa i sire; I Sie nakawua himoneu i sire seng nanintang u lulu ngi sire ko dal᷊ai. Kuteu I Sie namal᷊u putusang-E, dang ta nariadi nuhukung si sire.
Currently Selected:
YUNUS 3: PLT
Highlight
Share
Copy
Want to have your highlights saved across all your devices? Sign up or sign in
