YUNUS 2
2
Kakal᷊iomaneng i Yunus
1Bou l᷊al᷊ung u tiang u kina e'e i Yunus nukal᷊iomaneng su Mawu Ruatange, angkunge,
2“O Mawu,
su l᷊al᷊ung u kasasusaku ia nukui si Kau
dang I Kau nusumimbahi si sia.
Bou dunia ngu taumata ko nate ia nukahioro tul᷊umang,
kakahioroku niraringihang-U l᷊au nipandungang-U.
3Sarang tampa ko mal᷊al᷊ung ia nirume-U,
nurating sarang wal᷊ang u l᷊auri.
Wawa se'e silihi nul᷊iku si sia,
l᷊ua l᷊au bulari namupa si sia.
4Su l᷊al᷊ung u naungku ia nangul᷊i:
Mawu seng nanokol᷊i si sia i'i bou saruang-E.
Ia sarung ta makawua l᷊ai
wal᷊e katanakeng-E ko susi.
5Sasi naawi sarang wiwihiku,
l᷊auri mal᷊oang nul᷊iwung kaul᷊i u badangku,
nggilamu u l᷊auri nul᷊awung timboku.
6-7Ia nutumumpa sarang wal᷊ang u manga wul᷊uri,
sarang dunia ko tukari makakunsi sarang tempo panginsuenge.#2:6-7: sarang dunia … tempo panginsuenge: ko mangal᷊enge e'e ko dunia ngu taumata ko nate.
Sasindaku pusimbau l᷊untue su l᷊al᷊ung u badangku,
bou e'e ia nakatinaung dang nukui si Kau.
Kuteu kakal᷊iomanengku nurating sarang koa-U,
sarang l᷊al᷊ung u Wal᷊e ngu ko susi.
Bou e'e nipaawi-U ia bou l᷊al᷊ung u l᷊auri,
O Mawu Ruataku!
8Manga mananumba barhala ko takoae mangal᷊enge,
nanintang I Kau dang seng ta masatia.
9Kateho ia sarung musamperi manga dadalo si Kau
dang daku isumba korbang guna-Ngu.
Apang diandiku sarung daku ikoa.
Ko I Kau Mawu ko mupakasal᷊amati.”
10Bou e'e, su parenta ngu Mawu, kina e'e nupasuka ngi Yunus sarang l᷊ul᷊unge.
Currently Selected:
YUNUS 2: PLT
Highlight
Share
Copy
Want to have your highlights saved across all your devices? Sign up or sign in
