Yoël 1
1
1Ko i'i tatanata ngu Mawu si Yoel, ana i Petuel.
Umati Israel nasusa naung ual᷊ingu suke ngu anseri nasue nikang u kumbati
2Pundaringihiko, ei manga ko maghaghurang;
Putuhungko, kaul᷊i u taumata su Yehuda.
Apa hal᷊i ko kiri'i seng mbuae nariadi su tempo ngi kumu,
arako su tempo ngu manga i upung i kumu?
3Wukeko karariadi e'e su manga ana u;
tadeau i sire muhabari su manga ana i sire wuke e'e.
Hintou tuhue mambeng pundaringihi l᷊ai,
dang panupasi su hintou tuhue.
4Ghapang u kumbati ko ta ikarekeng ul᷊ie,
nurumoro su manga anseri dang nukumang manga wuange.
Apang ko nil᷊umbei ngu ghapang simbau,
nipakasue u ghapang ko wal᷊inge.
5Ei manga ko babukang, puwangungko!
Ei manga tahainung, pumpal᷊eheko!
Watu'u anggori ko wuhu
seng niaho bou mohong i kumu.
6 #
Kl᷊h. 9:8 Ghapang u kumbati nangalo wanua ngi kite;
i sire matoghasi dang ta ikahabari ul᷊ie,
isie mal᷊ahoro kere isi ngu singa kowawine.
7I sire nakapate kau anggori kite,
dang kau ara ngi kite kate ko nal᷊umbei tuiri.
Manga l᷊aese niwuni i sire,
hakiu manga lelange nawira.
8Pumpal᷊eheko, ei umati, kere mahua ko nasusa
ko numpal᷊ehe ngu papate ngu tunangange ko ikukindaghi.
9Gandung l᷊au anggori seng nailang
bou Wal᷊e ngu Mawu.
Kuteu nul᷊al᷊utute manga imam,
ko masatia mutangkiang Mawu.
10Manga anseri orasi i'i seng nararusa.
Tana nul᷊al᷊utu;
watu'u seng nasue apang gandung,
seng nukumoho wua ngu anggori,
dang seng nasue l᷊ana zaitung.
11Ei manga musasuang, pukahuangko!
Ei mangangawuhi anggori, pumpal᷊eheko!
Watu'u gandung, jelai l᷊au kaul᷊i u pananipong seng nasue narusa.
12Manga kau bua-bua su anseri nasue nahango kaul᷊ie;
kau anggori, apel, ara, korma l᷊au delima.
Kuteu ana u kawanua seng ta nul᷊umiaghi.
13Ei manga imam ko nutangkiang su mesba,
pul᷊ohoko wal᷊i karong, dang pumpal᷊eheko.
Suko su Wal᷊e ngu Mawu guna ngu pukahuang sihuwi matiwatu,
watu'u seng takoae korbang anggori l᷊au gandung guna ngu Mawu Ruata ngi kumu.
14Parentaiko umati kumu tadeau pupuasa,
pamohangko pukakomol᷊i ko l᷊abo!
Notiko manga pangaha l᷊au ko maghaghurang
l᷊au kaul᷊i u taumata ngu Yehuda,
tadeau pasongo sarang Wal᷊e ngu Mawu Ruata,
guna ngu pukahioro pundo tul᷊ung si Sie.
15 #
Yes. 13:6
L᷊ou ngu Mawu seng masandighi, l᷊ou ko makatataku;
tempo ngu Ko Makawasa mupasongo ngu kaghaghoghahi.
16L᷊aidopi nasue nawinasa
su tingo ngu mata ngi kite
su Wal᷊e ngu Mawu Ruata ngi kite
seng takoae l᷊ai kal᷊al᷊iaghi.
17Sasuang nate su tana ko mahusu.
Takoae gandung guna ngu ireso,
kuteu manga pundandesonang takoae tahoe dang nakoa tuiri.
18Binatang papal᷊iharang kapunggue dang nisal᷊iabae;
seng takoae nguda u rindulu guna ngi sire.
Ghapang u domba tuhungang seng masandighi mate.
19Ia mundo tul᷊ung si Kau, o Mawu
watu'u manga nguda u rindulu nasue nahango
manga kau l᷊ai nal᷊obe dang nate
kere ko nikang u putung.
20Sarangwe manga binatang u l᷊ul᷊u su kuhunge
kapukahioroe si Kau makiontol᷊i.
I sire ta nakawatu kao manginung,
watu'u manga sal᷊uhi namara kaul᷊ie.
Currently Selected:
Yoël 1: PLT
Highlight
Share
Copy
Want to have your highlights saved across all your devices? Sign up or sign in
