HOSEA 14

1Samaria mambeng ihukung ual᷊ingu namarontaki nundoka si Sia. Ana u kawanuange sarung mate su l᷊al᷊ung u parang; manga ana ko mborong mal᷊ahamu sarung iumpisang, dang manga kowawine ko pia kal᷊uwaenge iburesi tiange.”

I Hosea nukahioro tadeau Israel mutobati

2Pusul᷊ete sarang koa u Mawu Ruata ngi kumu, ei bangsa Israel! Dosa ngi kumu seng nakakoa si kumu nal᷊insuma dang nanawo. 3Pusul᷊ete sarang koa u Mawu dang puhabariko kakal᷊iomaneng i'i kere sasumba ngi kumu si Sie, “Mawu ampungeko apang dosa ngi kami, dang tarimako kakal᷊iomaneng i kami i'i, kuteu i kami sarung mundalo si Kau kere ko seng nipudiandi ngi kami. 4Asyur sarung ta makasal᷊amati si kami, dang kawal᷊o ngu parang ta makatul᷊ung si kami. I kami sarung ta mangul᷊i l᷊ai su manga patong ko nikoa i kami sisane himoneu i sire ko Mawu Ruata ngi kami. O Mawu, I Kau mukumindaghi u apang taumata ko takoae sarang singkatau ko ipangumbahaseng i sire.”

Mawu nudiandi ngu wiahi ko wuhu su Israel

5 Mawu nuhengetang,

“Umati-Ku ko nul᷊enga, sau Daku ipusul᷊e

dang Daku kindaghitang dingang kal᷊abo u naung;

Ia sarung ta muwawal᷊uang si sire l᷊ai.

6Su tau Israel, Ia kere tahiti

ko mupakananta u tana ko mamara.

I sire sarung mawingkahi kere bungang

dang kere kau cemara ko mal᷊al᷊ung hamue.

7I sire sarung muwiahi dang matamba

kere sasuang ko nutumbal᷊i suapang tampa,

kere kau zaitung kasidadae

mawungi kere kau cemara!

8I sire sarung musul᷊e sarang koa-Ku

dang matana su l᷊al᷊ung u pananirung-Ku.

Dingang maehong kahingang i sire sarung matamba mapia wiahi,

kere gandung nutumuwo su anseri ko matawa

dang kere awuhi anggori.

Kere ake u anggori Libanon areng i sire mutumeleng.

9Tau Israel sarung mundume manga patong barhalange;

i sire Daku ipal᷊ihara dang Daku raringihang kakal᷊iomanenge.

Kere kau ko sintinia maul᷊i raunge,

Ia sarung manirung si sire.

Ko Ia pung u apang al᷊amati sire.

Ia, Mawu, seng nuhengetang.”

Kakunsie

10Mal᷊umbako kaul᷊i u taumata ko mapilesa makahingang dang mupandung apang ko kawawohe su si'i. Manga tatul᷊ara bou Mawu nuhino, dang taumata ko mangimang muwiahi mutumuhu manga tatul᷊ara e'e. Arawe taumata ko bardosa ta musumpi u e'e hakiu nal᷊insuma dang nanawo.

Currently Selected:

HOSEA 14: PLT

Highlight

Copy