AMOS 9

Kawawua hal᷊i u hukumang bou Mawu

1Ia nakawua Mawu kararisi su sindihang u mesba. I Sie nangonggo parenta i'i, “Duduko pakauha-uha manga timbo u rihi su Wal᷊e-Ku tadeau kaul᷊i u lilahi maghio. Opehiko manga rihi e'e sarang wawo u timbo u manga taumata. I sire ko ta nate sarung Daku ipate su l᷊al᷊ung u parang. Takoae sarang singkatau ko botonge makatal᷊ang u watangenge, takoae sarang singkatau ko sarung mal᷊iwiri. 2Manengwe l᷊ai i sire musumile sarang dunia ngu taumata ko nate, ia sarung munggal᷊a si sire. Manengwe l᷊ai i sire mawi sarang l᷊angi, Ia sarung mupal᷊intu i sire bou pai e'e. 3Boko i sire mukumbuni su pusu u Wul᷊uri u Karmel, Ia sarung mundea dang maname si sire. Boko i sire mukumbuni su wal᷊ang u l᷊auri,#9:3: naga l᷊auri: Taumata tempo e'e mangimang himoneu su l᷊auri pia naga arako katoang ko l᷊abo. Katoang e'e, kere manga binatang ko wal᷊inge, niwihing u Mawu Ruata. Ia sarung muparenta su naga u l᷊auri tadeau panimbou si sire. 4Boko i sire itaweng u roka, Ia sarung muparenta tadeau si sire pakipate. Ia nangantighi guna ngu mupakawinasa ngi sire, dang sarung ta mutul᷊ung i sire.”

5Dunia naghio dang taumatange nasusa naunge,

ual᷊ingu nisuhungang u Mawu Ko Karangetange l᷊au Ko Makawasa.

Kere Sal᷊uhi Nil l᷊umanaghi l᷊au maoho

kere'e l᷊ai i sire mawi bou e'e manawo.

6 Mawu namangung wal᷊e-Nge marau su kinoang,

su wawo u dunia nitaing-E l᷊angi kere tohong,

dang ake bou l᷊auri nituange su l᷊ul᷊unge,

ko nukoa kaul᷊ie e'e areng-E ko Mawu!

7 Mawu nuhengetang, “Ei umati Israel, Ia nupandung tau Sudan kere Ia nupandung si kumu. Ia seng numbawa tau Filistin l᷊au Kreta l᷊au Siria bou Kir musul᷊ung kere Ia numbawa si kumu bou Mesir. 8Ia, Mawu Ko Karangetange kapumbawuange kararatuang u Israel ko bardosa i'i, dang Ia sarung mupakailang i sire bou wawo u dunia. Arawe hintou ngi Yakub wal᷊inge kaul᷊ie sarung Daku ipakawinasa. Ia, MAWU seng nuhengetang.

9Ia sarung mangonggo u parenta dang mangita bangsa Israel kere taumata mangita gandung su nihung, Guna ngu mupakailang kaul᷊ie ko takoae gunange su tal᷊oara i sire, Ia sarung mul᷊au i sire su tal᷊oara u manga bangsa. 10Manga taumata ko bardosa su tal᷊oara u umati-Ku nangul᷊i, ‘Mawu Ruata sarung ta mamala ngi kite ikahino ngu silaka.’ Kateho, i sire sarung pateng su l᷊al᷊ung u parang.”

Israel sarung sau ipakapia

11 # Wuk. 15:16-18 Mawu nuhengetang, “Sarung murating temponge Ia sau mupakapia kararatuang i Daud. Orasi i'i kararatuang e'e seng nakoa kere wal᷊e ko nahaka. Kateho manga meseli sarung Daku ipakapia dang sau iwangung hakiu makoa kere horo. 12Tau Israel sarung mangawasa wanua ngu Edom ko mborong nal᷊umbei l᷊au kaul᷊i u bangsa ko horo koa-Ku. Ia, Mawu, seng nuhengetang dang Ia sarung mukoa hal᷊i e'e.”

13 Mawu nuhengetang, “Sarung murating temponge gandung mutumuwo kere'e kaehonge hakiu tempo ngu manipo ta masasue. Kau anggori sarung mutumuwo maehong kahingang hakiu taumata mangkate sintinia mukoa ake u anggori. Ake u anggori sarung mutumudo bou manga wul᷊uri dang maansehi bou manga bongkonge. 14Ia sarung mukoa umati-Ku Israel sau mapia wiahi. I sire sarung sau mamangung manga soa ngi sire ko seng naopehi, bou e'e i sire sarung matana su se'e. I sire sarung musuang manga awuhi anggori, dang manginung anggori. I sire sarung musuang manga kang sasuang, dang mukumang ghisinge. 15Ia sarung mamilo umati-Ku su wanua ko seng Daku nionggo si sire. I sire seng ta isawu sau bou pai e'e. Ia Mawu Ruata ngi sire seng nuhengetang.”

Currently Selected:

AMOS 9: PLT

Highlight

Copy