AMOS 4
4
1Pundaringihiko, ei manga kowawine ngu Samaria ko katatawange kere manga sapi ko mal᷊impoge su Basan! I kumu manira taumata ko l᷊ome, maniliri taumata ko susa, dang manuntu tadeau kawingu sintinia manadia si kau inung ko makabukang! 2Ia, Mawu Ko Karangetange e'e ko Mawu ko susi, dang Ia seng nudiandi himoneu i kumu sarung ihiuri dingang u kakai, i kumu kaul᷊ie sarung makoa kere kina su mata ngu pekeng. 3I kumu sarung ihiuri sarang Hermon#4:3: Hermon: Tumuhu naska ngu Ibrani: Harmon. dang iwahung sarang l᷊ikuri, singkatau-singkatau l᷊umiu wula u meseli ko kasandighange. Ia Mawu seng nuhengetang.”
Israel mandi mundaringihi
4 Mawu Ko Karangetange nuhengetang, “Ei umati Israel! Tamaite sarang tampa u pukakal᷊iomanengang su Betel, dang pukoae dosa pai se'e! Tamaite sarang Gilgal, dang pukoae dosa tuhu kao i kumu! Tamaite panumba ngu korbang sintinia mal᷊ukari dang pumbawa simbahageang mapul᷊o bou reau sintinia tilu l᷊ou! 5Tamaite panumba ngu boroti kere tatarima kase i kumu si Sia, dang mangkate pukoa wuke ko ta nuhino himoneu i kumu seng numbawa tatamba ngu sasumba! Nal᷊ahe ko e'e kao ikoateng i kumu!
6Ko Ia nupasongo ngu silaka kal᷊ahutung su apang soa ngi kumu, kateho i kumu ta nusul᷊e sarang koa-Ku. 7Ia nuhumping u tahiti su tempo ngu sasuang i kumu mundo ake. Ia nuparasehi tahiti su soa simbau dang ta su soa ko wal᷊inge. Anseri simbau nakarea tahiti nangundu, arawe anseri ko wal᷊inge namara. 8Su soa pira mbau, taumatange seng nal᷊ome narou, mundea ake su soa ko wal᷊inge, kateho ake su se'e ta makataung. Maneng kere'e, i kumu mang ta nusul᷊e sarang koa-Ku.
9Ia nupatiu anging ko matiti dang nundoho ngu tahangesi ko mundusa manga sasuang l᷊au manga awuhi anggori kumu. Manga kau ara, dang manga kau zaitung i kumu seng nasue nikang u kumbati. Kateho maneng kere'e i kumu mang ta nusul᷊e sarang koa-Ku.
10Ia nundoho ngu sahinda si kumu kere ko Daku niroho su Mesir. Manga ana ko makakuda i kumu ta Daku niwala wiahi su l᷊al᷊ung u parang, dang manga kawal᷊o ngi kumu nihampasi. Ia nutaho pukakemang i kumu dingang u manga bangke ko rarurue mabuhu kahingang. Maneng kere'e i kumu mang ta nusul᷊e sarang koa-Ku.
11 #
Kar. 19:24 Simbahageang bou i kumu Daku nipakawinasa kere Ia nupakawinasa ngu Sodom l᷊au Gomora. Ko mborong wiahi su tal᷊oara i kumu e'e ko kere kinaneng niso bou putung. Manengwe kere'e, i kumu mang ta nusul᷊e sarang koa-Ku. 12Ual᷊ingu e'e, ei umati Israel, Ia sarung muhukung si kumu. Inau, pusasadiate mutumatingo ngu hukumang ko sarung Daku ipakahino si kumu!”
13Wul᷊uri l᷊au anging, ko Mawu nundiadi;
kirou-E nipakal᷊ahe-E su taumata.
I Sie nukoa l᷊ou l᷊au huwi;
su wawo u manga pusu u dunia I Sie nul᷊umal᷊eng.
Mawu Ruata Ko Makawasa,
ko e'e areng-E.
Currently Selected:
AMOS 4: PLT
Highlight
Share
Copy
Want to have your highlights saved across all your devices? Sign up or sign in
