1 यूहन्ना 1
1
जीवन का वचन कु प्रचार
1हम एक इन मनिख का बारा मा लिखणा छा, जु जीवन को वचन च, उ पैली बट्टी छो, जै तैं हम ल सूंणि, अर जै तैं अपड़ा आँखों ल देखि, बल्कि जै तैं हम ल ध्यान से देखि अर हथों ल भि छवे। 2यु मनिख जु जीवन दींद दुनिया मा ऐ, अर हम ल वे तैं देखि, अर वेकी गव्है दींण छा, अर तुम तैं वे अनन्त जीवन का बारा मा प्रचार बतौंदयां जु पिता परमेश्वर का दगड़ा मा छो अर हम पर प्रगट हवे। 3हम ल यीशु मसीह का बारा मा जु कुछ भि देखि अर सूंणि, वेकी गव्है हम तुम तैं भि प्रचार करद्यां इलै कि हम दगड़ी तुम्हरी भि संगति हो, अर हमारी या दगड़ी बुबा का दगड़ा, अर वेका नौंना यीशु मसीह का दगड़ी च। 4अर यूं बातों तैं हम इलै लिखणा छा, कि हमारी खुशी पूरी हवे जौ।#1:4 ऊंकी खुशी पूरी हवे जांदी जु ऊं तैं पिता परमेश्वर का दगड़ी अर एक-दुसरा का दगड़ी संगति मिलदी किलैकि ऊं तैं हकीकत मा खुशी ऊंका उद्धारकर्ता बट्टी मिल सकदी छै।
पिता परमेश्वर का दगड़ी हिस्सादारी
5जु समाचार प्रचार हम ल यीशु बट्टी सूंणि, अर तुम तैं सुनौणा छा, उ यु च; कि पिता परमेश्वर उज्यला का जन अच्छो अर सचो च अर वेमा कुछ भि बुरै नि च। 6जु हम बुलला, कि पिता परमेश्वर का दगड़ा हमारी दगड़ी च, पर बुरै करद्यां, त हम झूठ बुल्दियां अर सचै का अनुसार नि ज्यूंदा। 7ऊई कैरा जु ठिक च जन पिता परमेश्वर सिद्ध रूप बट्टी ठिक च, उन ही हम भि उज्यला मा जियां, त एक-दुसरा बट्टी दगड़ी रखदा अर वेका नौंना यीशु मसीह को ल्वे हम तैं सभि पापों बट्टी शुद्ध करदो। 8जु हम बुल्दियां, कि हम ल कुछ भि पाप नि कैरी, त हम अपड़ा आप तैं धोखा दींदयां, अर हम वे पर विश्वास नि करद्यां कि पिता परमेश्वर जु बुल्दो उ सच च। 9जु हम अपड़ा पापों तैं पिता परमेश्वर का संमणी मणिल्या, त पिता परमेश्वर हमारा पापों तैं माफ कन, अर हम तैं सभि अधर्म बट्टी शुद्ध कन मा विश्वासयोग्य अर धर्मी च। 10जु हम बुलद्यां कि हम ल पाप नि कैरी, त हम झूठा छा, अर हम ल वेका वचन तैं जरा भि नि मांणी।
Currently Selected:
1 यूहन्ना 1: GHMNT
Highlight
Share
Copy
Want to have your highlights saved across all your devices? Sign up or sign in
Garhwali New Testament(गढवली नयो नियम), 2020 by The Love Fellowship is licensed under a Creative Commons Attribution-ShareAlike 4.0 International License.
