Kărdimata Le Apostolengă 4
4
O Petero thai o Ioano koa Staboro.
1Ta kana denas duma o Petro thai o Ioan le norodohkă, avile lende biajukărdimahko le raša, o kăpitano le Templohko thai le Sadušeia,
2but xoleardine kă sîkavenas le norodo, thai vestinas ando Isususo o juvindimos andal mulle.#Mat. 22.23. Kărd. 23.8.
3Thodine o vast pe lende, thai šudine le ando beči ji ando duito des, kă mekleasas pe e reat.
4Ta but anda kukola kai ašundesas o divano, pateaiesas; thai o dindimos le muršengo kai pateanas vazdinisailosas ji ka paše panji mii.
5O duito des, le mai bară le norodohkă, le phură thai le sîkaditorea tidine pe andekhthan ando Ierusalimo,
6le bară rašasa le Anasa, le Kaifăsa, o Ioanmo Alesandro, thai sa kola kai çîrdenas pe andoi viça le bară rašandi.#Luka 3.2. Ioan 11.49; 18.13.
7Thodine le Petros thai le Ioanos ando maškar lengo, thai pušle le: „Savea zorasa, or andoa anau kahko kărdean tume e buti kadea?”#Cap. 7.27. Exod. 2.14. Mat. 21.23.
8Atunči, o Petero, pherdo Sfînto Duxo, phendea lengă: „Mai bară le nodorohkă thai phură le Israelohkă!#Luka 12.11, 12.
9Anda kă sam ades çîrdine koa phendimos anda khă kărdimos mištimahko, kărdino khă manušehkă nasfalo, sam pušline sar sas sasteardo,
10te jeanen la saoŕă, thai te jeanel la soa norodo le Israelohko! O manuši kadoa avel ades angla tumende sastevesto, ando Anau le Isus Kristosohko andoa Nazareto, kai tume mardean Les po trušul, ta saves o Dell juvindisardea Les andal mulle.#Cap. 2.4; 3.6, 16.
11O sî „o baŕ šudino tumendar, le zidarendar, kai arăslo te avel thodino ando šero le undiohko.”#Ps. 118.22. Is. 28.16. Mat. 21.42.
12Ande khonikh aver nai skăpimos: kă nai tala o čerii či khă aver Anau dino le manušengă, ande sao te avas skăpîme.”#Cap. 10.43. Mat. 1.21. 1Tim. 2.5, 6.
13Kana dikhline on o zuralimos le Petrohko thai le Ioanohko, mirisai le, kă jeanenas le manuši bisîkadine thai sar le kolaver; thai ateardine kă sas le Isusosa.#Mat. 11.25. 1Kor. 1.27.
14Ta anda kă dikhănas paša lende le manušes kai sas sasteardo, našti phenenas khanči kontra.#Cap. 3.11.
15Mothodine lengă numai te anklen avri andoa soboro, dine pe duma maškar lende,
16thai phendine: „So kărasa le manušengă kadalengă? Kă sî jeanglino sa le manušendar le Ierusalimohkă kă anda lende kărdili khă bari minunea dikhlini, kai našti te na garavas la.#Cap. 3.9, 10. Ioan 11.47.
17Ta, kaste na bufleol o ašundimos kadoa mai but ando norodo, te daravas le, thai te mothoas lengă kă dă akanara angle te na mai den duma khanikahkă ando Anau kadoa.”
18Thai pala so akharde le, mothodine lengă te na mai den duma ande či khă tipo čina či te mai sîkaven le manušen ando Anau le Isusohko.#Cap. 5.40.
19Orta phendimos, O Petro thai o Ioano phendine lengă: „Krisînin tume korkoŕo kana sî mai čeačio angloa Dell te ašunas mai but tumendar dă sar le Devllestar;#Cap. 5.29.
20kă ame naštisaras te na das duma pa so dikhleam thai so ašundeam.”#Cap. 1.8; 2.32; 22.15. 1Ioan 1.1, 3.
21Daradine le pale, thai mekle le te jeantar, kă či jeanenas sar te došaven le, anda e zan le norodosti; anda kă saoŕă slăvinas le Devlles anda so kărdilea sas.#Cap. 3.7, 8; 5.26. Mat. 21.26. Luka 20.6, 19; 22.2.
22Kă o manuši savesa kărdileasas kadea minunea le sastimasti, sas les mai mišto dă štarvardeši bărši.
O Petro thai o Ioano ka lengă.
23Pala so dea pe lengă drom, on găline ka lengă, thai phendine lengă sa so mothodesas lengă le raša le mai bară thai le phură.#Cap. 12.12.
24Kana ašundine on kadala butea, vazdine o glaso sa andekhthan karing o Dell, thai phendine: „Stăpînona Raia, kai kărdean o čerii, e phuw, e marea thai sa so sî ande lende!#2Thag. 19.15.
25Tu phendean andoa Sfînto Duxo, andoa mui amară daddehko le Davidohko, o robo Tiro: „Anda soste xan pe le neamurea, thai anda soste den godi le noroade butea xasarimahkă?#Ps. 2.1.
26Le thagar la phuweakă vazdinisai le, thai le raimata tide pe poa Rai thai poa Makhlo Lehko.”
27Ande čeačimaste, poa Robo Tiro o Sfînto, o Isus, saves Tu makhlean Les, tide pe ande četatea kadea o Irodo thai o Pilato andoa Ponto le neamurença thai le noroadença andoa Israelo,#Mat. 26.3. Luka 1.35; 4.18; 22.2; 23.1, 8. Ioan 10.36.
28kaste kărăn so mothodeasas mai anglal o vast Tiro thai Tiri kris.#Cap. 2.23; 3.18.
29Thai akana, Raia, dikh Ta ka lengă daraimata, de zor le roben Tirăn te vestin o Divano Tiro sa la zorasa,#Vers. 13, 31. Cap. 9.27; 13.46; 14.3; 19.8; 26.26; 28.31. Efes. 6.19.
30thai tinzosar Teo vast, kaste kărdeon pe sastimata, minuni thai sămnurea ando Anau le Robohko Tirăhko kolehko le Sfîntonohko, le Isusoshko.”#Vers. 27. Cap. 2.43.; 3.6, 16; 5.12.
31Pala so rudisai le on, isdraia o than kai sas tidine; sa pherdile Sfîntone Duxostar, thai vestinas o Divano le Devllehko barea zorasa.#Vers. 29. Cap. 2.2, 4; 16.26.
O tidimos thai o kamblimos le pateaimatorengo.
32O butimos kolengo kai pateaiesas, sas khă illo thai khă sufleto. Či iekh či phenelas kă le mandimata lehkă sî lehkă, ta sa sas saorăngă.#Cap. 2.44; 5.12. Rom. 15.5, 6. 2Kor. 13.11. Filip. 1.27; 2.2. 1Pet. 3.8.
33Le apostolea denas duma bute zorasa poa juvindimos le Raiehko le Isusohko. Thai khă baro xaro sas pa sa.#Cap. 1.8; 1.22; 2.47.
34Kă nas či iekh anda lende, kai te nigrăl khančimasa: sa kola kai sas le phuwea thai khăra, bitinenas le, anenas o potindimos le buteango bitindine,#Cap. 2.45.
35thai thonas les kal pînŕă le apostolengă: pala kodea xulavelas pe sakoiekhăhkă pala sar sas les buti.#Vers. 37. Cap. 2.45; 5.2; 6.1.
36O Iosif, dino anau le apostolendar i Barnaba, kadea, ande tălmăčirea, o šeau le alinohko, khă Levito, neamostar andoa Čipro,
37bitindea khă phuw kai sas les, andea le love, thai thodea le kal pînŕă le apostolengă.#Vers. 34, 35. Cap. 5.1, 2.
Currently Selected:
Kărdimata Le Apostolengă 4: KALD2020
Highlight
Share
Copy
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
