Kărdimata Le Apostolengă 3
3
O sastearimos le bangăhko anda lehko kărdimos.
1O Petro thai o Ioan anklenas andekhthan koa Templo, sas koa čeaso le rudimahko: sas o čeaso le îniango.#Cap. 2.46. Ps. 55.17.
2Oče sas khă manuši bango dă kana kărdilo, kai sas andino thai thodino ande seal des koa udar le Templohko, dino anau „Šukhar”, kaste mangăl milatar kata kukola kai šonas pe ando Templo.#Cap. 14.8. Ioan 9.8.
3O manuši kadoa, kana dikhlea le Pătros thai le Ioanos kă kamenas te šon pe ando Templo, manglea lengă milatar.
4O Pătro, sar i o Ioano, dikhline orta pe leste, thai phende: „Dikh pe amende!”
5Thai o dikhlea lende limasa godi, thai ajukrălas te lel vareso lendar.
6Kadeadar o Petro phendea lehkă: „Rup thai sumnakai, nai ma; ta so sî ma, dau tu: „Ando Anau le Kristosohko andoa Nazareto, ušti thai phir!”#Cap. 4.10.
7Azbadea les le vastestar le čeačestar, thai vazdea les opră. Andakhdata zurai le lehkă sujbiçi thai lehkă čiokîia;
8anda khă xuteaimos sas ande pînŕănde, thai lea te phirăl. Šutea pe lença ando Templo, phirindoi, xutindoi, thai lăudindoi le Devlles.#Is. 35.6.
9Soa norodo dikhlea les phirindoi thai lăudindoi le Devlles.#Cap. 4.16, 21.
10Prinjeanenas les kă o sas kukoa kai bešelas koa udar „o Šukhar” le Templohko, kaste mangăl pomana, thai pherdile mirazo anda so kărdisas lehkă.#Ioan 9.8.
11Anda kă o nikrălas pe pala o Pătro thai o Ioano, soa norodo, mirazîme, prastaia lende koa pridvoro phendino le Solomonohko.#Cap. 5.12. Ioan 10.23.
O divano le Petrohko karing o norodo.
12O Pătro, kana dikhlea e buti kadea, lea o divano, thai phendea le norodohkă: „Manušale Israieliçea, anda soste mirazon tume anda e buti kadea? Sostar dikhăn le iakhănça orta pe amende, sar kana anda amari zor or andoa phiraimos amaro kărdeam kadale manušes te phirăl?
13O Dell le Avraamohko, le Isakohko thai le Iakovohko, o Dell amară daddengo, proslăvisardea Pehkă robos le Isusos, saves tume dean Les ando vast le Pilatohko; thai šudean tume Lestar angla leste, barem kă o sas godeasa te del Les drom.#Cap. 5.30. Mat. 27.2. Ioan 7.39; 12.16, 17; 1.
14Tume šudean tume Kolestar le Sfîntostar thai Bibezexalo, thai manglean te del pe tumengă khă mudarditorii.#Cap. 2.27; 4.27; 7.52; 13.28; 22.14. Ps. 16.10. Mat. 27.20. Marko 1.24; 15.11. Luka 1.35; 23.18, 20, 21. Ioan 18.40; 19.15.
15Mudardean le Raies la Čivavakărăs, saves o Dell juvindisardea Les andal mulle; ame sam le martorea Lehkă.#Cap. 2.24, 32.
16Andoa pateamos ando Anau le Isusohko, zureardea o Anau Lehko le manušes kadales, saves dikhăn les thai prinjeanen les, o pateaimos ande Leste dea le manušes kadalehkă khă sastearimos pherdo, sar dikhăn saoŕănça.#Cap. 4.10; 14.9. Mat. 9.22.
17Thai akana phralalelor, jeanau kă anda bijenglimatahko kărdean kadea, sar i tumară mai bară.#Cap. 13.27. Luka 23.34. Ioan 16.3. 1Kor. 2.8. 1Tim. 1.13.
18Ta o Dell pherdea kadea so phendeasas mai anglal andoa mui sa le prooročengo Pehkă: kă, kadea, o Kristoso Lehko kăsnila.#Cap. 26.22. Ps. 22. Is. 50.6; 53.5, etc. Dan. 9.26. Luka 24.44. 1Pet. 1.10, 11.
19Kadeadar kăin tume, thai ambolden tume koa Dell, anda kaste khosleol tumengă sa le bezexa, kaste avel kata o Rai le čiruri le lašimatahkă,#Cap. 2.38.
20thai te tradel Kukoles kai sas lašardino mai anglal anda tumende: le Isus Kristosos,
21saves o čerii trăbul te primil Les, ji kal čirurea le thodimahkă le nevimasa sa le buteangă: pa kadala čiruri dea duma o Dell andoa mui sa Pehkă sfinçăngo le proroočea anda o puraimos.#Cap. 1.11. Mat. 17.11. Luka 1.70.
22Ande čeačimaste, o Moise phendea amară daddengă: „O Rai, o Dell amaro, vazdela tumengă anda tumară phral khă prooroko sar mande; Lestar te ašunen ande sa so phenela tumengă.#Cap. 7.37. Deut. 18.15, 18, 19.
23Thai orkon či ašunela le Proorokostar kodolestar, avela xasardino biarakhaimahko andoa maškar le norodohko.”
24Ortasakadea sa le prooročea, kata o Samuelo thai le kolaver, kai avile pala leste, thai dine duma, phendine pal desa kadala.
25Tume san le šeave le prooročengă thai le phanglimahkă, kai kărdea les o Dell amară daddença, kana phendea le Avraamohkă: „Sa le neamurea la phuweakă avena dinedumadămišto ande tiri sămînça.#Cap. 2.39. Gen. 12.3; 18.18; 22.18; 26.4; 28.14. Rom. 9.4, 8; 15.8. Gal. 3.8, 26.
26O Dell, pala so vazdea Pehkă Robos le Isusos, tradea Les mai anglal tumengă, kaste deltumengădumadămišto, amboldindoi orsaves anda tumende kata le bibaxtalimata lehkă.”#Vers. 22. Cap. 13.32, 33, 46. Mat. 1.21; 10.5; 15.24. Luka 24.47.
Currently Selected:
Kărdimata Le Apostolengă 3: KALD2020
Highlight
Share
Copy
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
