Kărdimata Le Apostolengă 2
2
O ulistimos le Sfîntone Duxohko.
1Ando des le Panvardešengo, sas sa tidine ande khă than.#Cap. 1.14; 20.16. Lev. 23.15. Deut. 16.9.
2Andakhdata avilo andoa čerii khă ašundimos sar o phurdimos kha bravalleko zurali, thai pherdea soa khăr kai bešenas on.#Cap. 4.31.
3Varesar šiba sar khă iag sas dikhline xulidindoi pe maškar lende, thai thode pe po iekh pe sakogodi anda lende.
4Thai sa pherdile Sfînto Duxo, thai line te den duma ande aver šiba, pala sar delas le o Duxo te den duma.#Cap. 1.5; 10.46; 19.6. Marko 16.17. 1Kor. 12.10, 20, 30; 13.1; 14.2, etc.
5Thai arakhadeonas pe atunčeara ando Ierusalimo Iudeia, manuši pativale anda sal neamurea kai sî tala o čerii.
6Kana ašundine o ašundimos kodoa, o butimos kodoa tidea pe thai aši'lo baŕuno; anda kă orsao ašunelas les dindoi duma ande lesti šib.
7Saoŕă lenas pe mirazo, thai mirinas pe, thai phenenas iekh ka aver: „Sa kadala kai den duma, nai Galilienea?#Cap. 1.11.
8Sar ta ašunas le dindoi duma sakoiekhăhko anda amende ande amari ši ande savi kărdileam?
9Le Parçea, le Mezea, le Elamiçea, le manuši andai Mesopotamia, Iudea, Kapadočia, Pont, Asia,
10Frigia, Pamfilia, Ejipt, le riga la Libiakă karing e Čirena, le gosti andai Roma, Iudeia or prozeliçea,
11Kretanea thai Arabea, ašunas le dindoi duma ande amară šiba le butea le mîndri le Devllehkă!”
12Saoŕă sas mirime, či jeanenas so te patean, thai phenenas iekh karing le kolaver: „So kamel te phenel kadea?”
13Ta aver asanas pehkă, thai phenenas: „Sî pherde mollnevi!”
14Atunči o Petro ušti'lo ande pînŕănde kolença le dešiekhănça, vazdea o mui, thai phendea: „Manuši Iudea thai tume sa kai bešen ando Ierusalimo, te jeanen e buti kadea, thai ašunen le divanuri mîŕă!
15Le manuši kadala nai mate, sar patean tume, kă sî numai o trito čeaso andoa des.#1Tes. 5.7.
16Ta kadea sî so sas phendino anda o prooroko o Ioel o:
17„Ande le des mai palal, phenel o Dell, šoraua andoa Duxo Muŕo pa orsao manuši; le tărnăxarea tumară thai le šeia prooročina, le tărne tumară avena le dičimata so avela, thai le phură tumară dikhăna sune!#Cap. 10.45; 21.9. Is. 44.3. Ezec. 11.19; 36.27. Ioel 2.28, 29. Zax. 12.10. Ioan 7.38.
18E, orta i pa le robea Mîŕă thai pa le roabe Mîŕă šoraua, ande le des kodola, andoa Duxo Muŕo, thai prooročina.#Cap. 21.4, 9, 10. 1Kor. 12.10, 28; 14.1, etc.
19Kăraua te dičion pe sămnuri opră ando čerii thai šukarimata pe phuw, rat, iag thai khă vârtejo thuwehko;#Ioel 2.30, 31.
20o kham parugleola pe ando tuneriko, o šonuto ando rat, anglal kaste avel o des le Raiehko, o des kodoa o baro thai o străfeaime.#Mat. 24.29. Marko 13.24. Luka 21.25.
21Kadeadar orkon akharăla o Anau le Raiehko, avela skăpime.#Rom. 10.13.
O divano le Petrohko.
22Manuši Israieliçea, ašunen le divanuri kadala! Le Isusos andoa Nazareto, manuši čeačimahko le Devllestar angla tumende anda le minunea, le sămnuri thai le butea pherde zor, kai kărdea le o Dell anda leste ande tumaro maškar, sar mišto jeanen;#Cap. 10.38. Ioan 3.2; 14.10, 11. Evr. 2.4.
23le Manušes kadales, dino andel vast tumară, pala e kris mothodii thai pala o godeamos mai anglal le Devllehko, tume mardean Les po trušul, thai mudardean Les andoa vast kolengo bilkrisako.#Cap. 3.18; 4.28; 5.30. Mat. 26.24. Luka 22.22; 24.44.
24Ta o Dell juvindisardea Les, pîtărdindoi Lehkă le phanglimata le mullimahkă, anda kă nas kărimasa te avel phanglo lestar.#Vers. 32. Cap. 3.15; 4.10; 10.40; 13.30, 34; 17.31. Rom. 4.24; 8.11. 1Kor. 6.14; 15.15. 2Kor. 4.14. Gal. 1.1. Efes. 1.20. Kol. 2.12. 1Tes. 1.10. Evr. 13.20. 1Pet. 1.24.
25Kă o Davido phenel pa Leste: „Man sasma orkana le Raies angla mande, anda kă O sî ande čeačirig mîŕî, kaste na perau.#Ps. 16.8.
26Anda kodea, bukuril pe muŕo illo, thai vesălil pe mîŕî šib, orta i o stato xodinil mangă ando patiaimos:
27kă či mekăsa muŕo dii ando Than le mullengo, thai či mekăsa ka o Sfînto Tiro te dikhăl o ternimos.
28Kărdean mangă prinjeande le droma la čivavakă, thai pherăsa Ma baxtalimasa la stareasa Tireasa dă akana.”
29Sode pa o barorašai o Davido, te avel ma meklino, phralalelor, te phenau tumengă bi došako kă mullo thai sas praxome; thai lehko mormînto sî ando maškar amaro ji ando des dă adesara.#Cap. 13.36. 1Thag. 2.10.
30Anda kă o Davido sas prooroko, thai jeanelas kă o Dell šinadeasas lehkă solaxaimasa kă vazdela iekh anda lehkă avimata po skamin lehko le raimahko,#2Sam. 7.12, 13. Ps. 132.11. Luka 1.32, 69. Rom. 1.3. 2Tim. 2.8.
31poa juvindimos le Kristosohko prooročisardea thai dea duma o, kana phendea kă o sufleto lehko či avela meklino ando Than le mullengo, thai o stato lehko či dikhăla o ternimos.#Cap. 13.35. Ps. 16.10.
32O Dell ušteadea kadale Isusos, thai ame sea sam le martorea Lehkă.#Vers. 24. Cap. 1.8.
33Thai akana, ăkhdata so vazdinisai'lo ande čeačirig le Devllesti, thai lea kata o Dadd o šinaimos le Sfîntone Duxohko, šordea so dikhăn thai ašunen.#Cap. 1.4; 5.31; 10.45. Ioan 14.26; 15.26; 16.7, 13. Efes. 4.8. Filip. 2.9. Evr. 10.12.
34Kă o Davido či ankăsto ando čerii, ta o korkoŕo phenel: „O Rai phendea mîŕă Raiehkă: „Beši ande čeačirig Mîŕî,#Ps. 110.1. Mat. 22.44. 1Kor. 15.25. Efes. 1.20. Evr. 1.13.
35ji kana thoua le dušmaien Tirăn tala Te pînŕă.”
36Te jeanenkadea mišto, soa khăr le Israelohko, kă o Dell kărdea Rai thai o Kristoso kadale Isusos, kai mardean Les tume po trušul.”#Cap. 5.31.
Le anglal kristianurea.
37Pala so ašundine kadala divanuri, on ašile pusade ando illo, thai phendine le Petrohkă thai le kolavră apostolengă: „Pralale, so trăbul te kăras?”#Cap. 9.6; 16.30. Zax. 12.10. Luka 3.10.
38„Kăin tume”, phendea lengă o Petro, „thai sakogodi anda tumende te avel boldo ando Anau le Isus Kristosohko, karing o iertimos le bezexăngo tumarăngo; pala kodea lena e pativ le Sfîntone Duxosti.#Cap. 3.19. Luka 24.47.
39Kă o šinaimos kadoa sî anda tumende, anda tumară šeave, thai anda sa kola kai sî dur akana, ande sode dă baro dindimos akharăla le o Rai, o Dell amaro.”#Cap. 3.25; 10.45; 11.15, 18; 14.27; 15.3, 8, 14. Ioel 2.28. Efes. 2.13, 17.
40Thai, bute avră divanurença, phenelas, delas lengă duma, thai phenelas: „Skăpin tume andoa maškar kadale neamohko bezexalo.”
41Kola kai line o dinoduma lehko, sas bolde; thai ando des kodoa, koa dindimos le jenengo andine pe paše trin mii sufletea.
42On bešenas ando sîkaimos le apostolengo, ando phanglimos le phralengo, ando phadimos le manŕăhko, thai andel rudimata.#Vers. 46. Cap. 1.14. Rom. 12.12. Efes. 6.18. Kol. 4.2. Evr. 10.25.
43Sakogodi sas pherdo dar, thai andal apostolea kărănas pe minunea thai sămnuri.#Cap. 4.33; 5.12. Marko 16.17.
44Sa kola kai pateanas, sas saoŕă andekhthan, thai sas le sa saoŕăn dă sa.#Cap. 4.32, 34.
45Bitinenas pehkă phuwea thai pehkă mandimata, thai le love xulavenas le maškar sa, pala sar trăbulas saoŕăs.#Is. 58.7.
46Sa sas andekhthan biavimahko kata o Templo ande sako des, phagănas o manŕo khără, thai lenas o xabe, baxtalimasa thai ujimasa andoa illo.#Cap. 1.14; 5.42; 20.7. Luka 24.53.
47On lăudinas le Devlles, thai sas dikhline lašimasa angloa soa norodo. Thai o Rai tholas ande sako des ande lengo dindimos kolen kai sas skăpime.#Cap. 4.33; 5.14; 11.24. Luka 2.52. Rom. 14.18.
Currently Selected:
Kărdimata Le Apostolengă 2: KALD2020
Highlight
Share
Copy
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
