JAMES 1
1
1Pathian le Bawipa Jesuh Khrih ai cengfa kaimah James in laipua vum khuahacang ah a piakmi Pathian ai minungte phun hlaihnih#1:1 A piakmi Pathian ai minung phun hlaihnih tihnak tu Israel miphun hlaihnih aiawhtu ‘Khristian a piak mite,’ tica i tiin sanghnak um i. ning hnenah laikuat in hnuk ning sat ing.#Mat 13:55; Mar 6:3; Nal 15:13; Gal 1:19
Sanghnak le Fimhnak
2U le naute, ning hnenah cuhnak harsa a phunphun a hleng fangin mi bawngpha i ing tiin ruat dun tu ih; 3zaimantifangin ning sanghnak in ciabang cuhnak harsa a neh fangin tuar benhnak hleng i, ti ling i si. 4Hlawhsamhnak zaikhai um loin a semkhim le a puitling ning cang thil tuhin a tawp tian a tuar bentu tuh zuam tu ih. 5Ningmah lakah fimhnak a hlawhsam mi um le i sikhaw Pathian hnenah ngen tu ilai Pathian in pe tuh i. Zaimantifangin aisu hnen ahkhai Pathian in siang ngai le ninghiohnak thawn pe i. 6Ikhalselai ciatihin a ngen fangin thinlung aicanhnak um loniu in ngen tuhai ngah tuh rori ing tiin ngen tuseh. Thinlung aicanhnak a naitu heh hlivua in nuamhmuncang ah a hmuthnak tifingriat tilep bang i. 7-8Ciabang minung heh a thin kho lo ai a khancat ben lo manin Bawipa hnenin zaikhai ngah tuh ring maseh.
Farah Le Lianhnak
9A farahmi Khristian unau pakhatkhat Pathian ai bawmhnak manin nainung in a um fangin a lungawi tuseh. 10Cen milian Khristian unau heh mifarah cang leh lekhaw lungawi tu thotho seh. Zaimantifangin miliante tu hampalak papar bangin ria tuh i.#Isa 40:6-7 11Ni suak ai papar kung heh nisa in em i; papar tu voi sualso ai a mawihnak ziam i. Ciatih bangin miliante tu hnaihnok roh ai naper tlang laitak ah pairal tuh i.
Cuhnak le Sualforhhnak
12Cuhnak harsa tuar napui kho ngai in a dingbentu heh mihmuifu i. Zaimantifangin cuhnak a neh ben manin Pathian in amah a ittute caah a thukhamciahnak nunhnak sui lukhuk ngah tuh i. 13Ciabangtluk cuhnak tu mi in tawk fangin, “Pathian in i cu i,” tiin aisu inkhai ti maseh. Zaimantifangin Pathian heh sualhnak in cu thil lo ai amah khai aisu inkhai cu lo i. 14Ikhalselai minung tu sualsohnak a tawk fangin amah ai taksa hiamhnak in zawl ai thang bangin awk de i. 15Taksa hiamhnak in fa bangin a paihnak le a tehnak khiah sual i; cen sualhnak tu khang ai a thai a thai fangin thihhnak suakruai i.
16I ithnak u le nau, ruat sual pang mah ih. 17A phami le a semkhimmi lehsawng hmuahhmuah heh vancung in a hlenghnak i. Vancung tleuhnak a bawntu Pathian hnenin a hlenghnak i. A samhnak thilte tu thleng dun napui Pathian tu thleng awng lo i; can her khalselai Pathian hnenah cenin khuathim um awng lo i. 18Amah ai lungkhimhnak in semsuahhnak ising ai kinmah semsuahhnak ah thutak ponkam hmang i. Hetih imanin a samhnak thil hmuahhmuah lakah kinte tu thai hmasaber ising.
Linghnak Le Bawnhnak
19I ithnak u le naute, he thu heh hih tu ngio ih: aisusu khai linghnak lam ahcen zualrang tu ilai pong tuh le thinrawhnak lam ahcen hnuakfual tu ih. 20Minung ai thinrawhnak in Pathian ai tumtekhnak dikcang heh hlehsuah thil lo i. 21Ciamanin ningdulkul le a rimmi ziaza pha lo hmuahhmuah heh lon tusek ih. Pathian hnenah ap dun tu ilai thinlung songai khumciahnak ning rauhla othaitu thu heh kho ngai in awh tu ih.
22A thu kin za fangin tawk zo i ti menma in ningmah veve zawl dun mah ih. Ning zahnak heh bawnsuak tum tu ih. 23A za ian za ai a bawnsuak lotu heh hlalang ah a hmel sikduntu bang i. Amah in hlalang ah a hmel sik dun ai a ihnak cekci in hmu i. 24Fel ngai in sik dun hnuaah feh ai cammalak ah a hmel zaibang i ti ling nawn lo i. 25Ikhalselai mi luatruaitu, semkhimmi dan heh fel ngai in a siktu ṭio heh a ling menma le a haitu ilo in a bawnsuaktu i; ciatihin a bawnsuak manin Pathian in hmuifu pe tuh i.
26Biahnak lakah zuam ngai ing a titu um aw i sim? Ning hmurka uk ben hlah le i sikhaw ning sanghnak vumah ning zuamhnak heh santlai lo i ai ningmah veve a zawlduntu i si. 27Pathian kin Pa in a taktak le a thiangmi biahnak ai a ruathnak tu: farah rimsu le hmaitongte harsahnak le amahte tuarhnak ah phatak niu in kilkhawl le laivum sualhnak songah niatdunruai tuh loin mah veve kilkhawlhnak khiah i.
Currently Selected:
JAMES 1: RZB
Highlight
Share
Copy
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.