Popular Bible Verses from JAMES 1

Share

U le naute, ning hnenah cuhnak harsa a phunphun a hleng fangin mi bawngpha i ing tiin ruat dun tu ih; zaimantifangin ning sanghnak in ciabang cuhnak harsa a neh fangin tuar benhnak hleng i, ti ling i si.

Ningmah lakah fimhnak a hlawhsam mi um le i sikhaw Pathian hnenah ngen tu ilai Pathian in pe tuh i. Zaimantifangin aisu hnen ahkhai Pathian in siang ngai le ninghiohnak thawn pe i.

I ithnak u le naute, he thu heh hih tu ngio ih: aisusu khai linghnak lam ahcen zualrang tu ilai pong tuh le thinrawhnak lam ahcen hnuakfual tu ih.

Hlawhsamhnak zaikhai um loin a semkhim le a puitling ning cang thil tuhin a tawp tian a tuar bentu tuh zuam tu ih.

A thu kin za fangin tawk zo i ti menma in ningmah veve zawl dun mah ih. Ning zahnak heh bawnsuak tum tu ih.

Cuhnak harsa tuar napui kho ngai in a dingbentu heh mihmuifu i. Zaimantifangin cuhnak a neh ben manin Pathian in amah a ittute caah a thukhamciahnak nunhnak sui lukhuk ngah tuh i.

A phami le a semkhimmi lehsawng hmuahhmuah heh vancung in a hlenghnak i. Vancung tleuhnak a bawntu Pathian hnenin a hlenghnak i. A samhnak thilte tu thleng dun napui Pathian tu thleng awng lo i; can her khalselai Pathian hnenah cenin khuathim um awng lo i.

A za ian za ai a bawnsuak lotu heh hlalang ah a hmel sikduntu bang i. Amah in hlalang ah a hmel sik dun ai a ihnak cekci in hmu i. Fel ngai in sik dun hnuaah feh ai cammalak ah a hmel zaibang i ti ling nawn lo i.

Pathian kin Pa in a taktak le a thiangmi biahnak ai a ruathnak tu: farah rimsu le hmaitongte harsahnak le amahte tuarhnak ah phatak niu in kilkhawl le laivum sualhnak songah niatdunruai tuh loin mah veve kilkhawlhnak khiah i.

Ciabangtluk cuhnak tu mi in tawk fangin, “Pathian in i cu i,” tiin aisu inkhai ti maseh. Zaimantifangin Pathian heh sualhnak in cu thil lo ai amah khai aisu inkhai cu lo i. Ikhalselai minung tu sualsohnak a tawk fangin amah ai taksa hiamhnak in zawl ai thang bangin awk de i.

A farahmi Khristian unau pakhatkhat Pathian ai bawmhnak manin nainung in a um fangin a lungawi tuseh.