JAMES 2
2
Hlaihdanhnak Nai Mah Ih
1U le naute, songlawihnak Bawipa, kin Bawipa Jesuh Khrih sangtu ning imanin zaikom inkhai hlaihdanhnak nai mah ih. 2Santehhnak ah mi pakhat tu sui kutruk le hnikpon pha ngaingai thawn ning pumkhawm hmunah kawi ai mifarah pa tu hnikpon her sengkhai thawn kawi ve i. 3Ciatihin hnikpon pha ngai a siltu pa tu ning in uar deuh ce manin, “Hemi tohkham pha ber ah to tu,” ti i si; ikhalselai mifarah pa tu, “Khiata ah ding tu,” ihlahle i ke hiang suat vumah to tu,” ti le i sikhaw, 4ningmah lakah hlaihdanhnak nai ai thinlung pha lo vuman thukhanhnak bawn i si.
5I ithnak u le naute, ngai tucuk ih. Pathian in laipua vum mifarahte heh sanghnak lamah milian cang tuhin le amah a ittute hnenah a thukhamhnak Ukhnak cotu tuhin ril ilo im? 6Ikhalselai ning incen mifarahte nautat i si. Aisu i ning zohsuamtu le thureltute hmaiah ning duktu dekdo heh? Miliante i, ilo im? 7Pathian in ning hnenah ning pehnak hming pha a relsiattu khai anite ilo im?#2:7 Ning hnenah i pehnak hming pha tihnak tu tinim fangin Jesuh hmingin a nimturel hiamhnak i.
8Lai Thianghlim songai a umhnak, “Na innhnen heh nangmah na it dun bangin it tu,” #Sua 19:18 tihnak Pathian Ukhnak ai dan heh hlun ben lesikhaw a dikmi bawn isi. 9Ikhalselai a pualam ah hmuhhnak in mi hlaihdan lesikhaw na sual i. Dan in dan baltu ah na hmu i 10Cen aisu khai thupehnak pakhat bal lekhaw thupehnak veksen in a baltu i. 11Zaimantifangin, “Kangkawm sualhnak bawn mah,” a titu in, “Mi rek mah,” #Luat 20:13, 14; Danp 5:18 ti i. Kangkawm sualhnak na bawn lo inkhai mi rek lesikhaw dan baltu isi. 12Ciamanin luathnak kin petu dan ai thukhan tuhhnak bangin ning pongdan le ning thil bawndan bangin bawn tu ih. 13Mi hnenah ninghiohnak a nai lomi heh Pathian in a thu a khan fangin a vumah ninghiohnak nai tuh ve lo i; ikhalselai thukhanhnak heh ninghiohnak in neh i.
Sanghnak Le Bawnhnak
14U le naute, mi pakhatkhat in sanghnak nai ing ti khalselai a bawnhnak in larruai hlah lekhaw zai phathnem i? Ciami sanghnak in o thil tuh im? 15Kin Khristian unaute lakah pasal ituseh nupang ituseh hnikpon le aih tuh nai loin um bang selai, 16ciamite hnenah, “Pathian in hmuifu ning pe tuseh. Lum niu in um tu ilai rong pha niu in ai tu ih,” tiin ning tihnak tu ziang hnempui i? 17Ciatih bangin sanghnak ahkhai i; bawnhnak tel hlah lekhaw sanghnak tu a thi i.
18Ikhalselai mi hrekkhat in, “Mi pakhat in sanghnak nai ai a dang pakhat in bawnhnak nai i,” ti tlang tuh i. I thu sawnhnak tu, “Bawnhnak um lo ai sanghnak lek a naimi i hmuh tulai kai in i bawnhnak in i sanghnak na hmuh tuh ing,” tihnak i. 19Pathian pakhat lek um i, ti sang ilo i sim? Pha i. Khuasiate inrin Pathian pakhat um i ti sang ve ai a kih in hlawng tlang biakbo i. 20Ruathnak nai lo pawl! Bawnhnak um hlah lekhaw sanghnak heh santlai lo i, ti hmu ning hiam awm? 21Akontih in kin pu Abraham tu Pathian thawn rualremhnak co i cang ta? A fapa Isaac puleng vumah Pathian hnenah hibawlhnak hrangah pe ai ciami a bawnhnak manin rualremhnak co ilo im?#Sem 22:1-14 22Ciami heh ling lo i sim? a sanghnak le a bawnhnak feh tlang i. A bawnhnak manin a sanghnak semkhim i. 23Cen Lai Thianghlim in. “Abraham in Pathian sang ai ciami a sanghnak thawmin Pathian in midikcang ah cosang i,” a tihnak khim i. Ciamanin Abraham tu, “Pathian ai rual,” tiin ko i.#Sem 15:6; 2San 20:7; Isa 41:8 24Hetih imanin minung tu sanghnak lekin ilo in a bawnhnak manin Pathian thawn rualremhnak co i ti ling i si.
25Hlotlau nu Rahab thula ahkhai ciatih thotho i. Micultu Israel mite phatak niu in a tuamhlawm hnuaah lampui dang in tlansuak thil tuhin bawm i; ciatih bangin a bawn manin Pathian thawn rualremhnak co i.#Jos 2:1-21
26Ciatih imanin ruangpum heh rauhla loin tu a thi bangin sanghnak khai bawnhnak loin tu thi ve i.
Currently Selected:
JAMES 2: RZB
Highlight
Share
Copy
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
