MAWOOKIONYI 36
36
Oshari lo Esau
(1Mbo 1:34-37)
1Ilu nyilo oshari lo Esau, (nyio Edomu). 2 Esau naleduo wana wa waka wa Kanaani, wakawa waka wake; Ada, mana o Eloni, Mhiti, na Oholibama mana o Ana, mana o Sibeoni, Mhivi, 3 na Basemati mana o Isumaeli, manomae o Nebayoti. 4Ada kawonyia Esau mana nyi Elifasi; Basemati kafee Reueli. 5Oholibama kafee Yeushi, na Yalamu na Kora. Iwo nyiwo wana wa Esau alewonyio kulya orukenyi lo Kanaani.
6Esau kaira waka wake, na wana wake, na wana wake wa kika, na wandu wose wa kanyi koke, mmbe tsake, na shuma shake shose, na masaa hake hose, alehawada kulya orukenyi lo Kanaani kahenda mṟasa orukenyi lui kuleshe na manomae Yakobo. 7Kyamba masaa hawo hawefoi walaidime ikaa handu hamu, manya kulawewode oruka losamia hamu na shuma shawo, kipfa shiwefoi mnu.
8Esau kakaa fumvuhu lya Seiri; Esau nyio ndee o Edomu 9Ishi nyisho shishari sha Esau, ndee o Edomu fumvuhu lya Seiri. 10Iha nyiho marina ha wana wa Esau; Elifasi mana o Ada mka o Esau. Reueli mana o Basemati mka o Esau. 11Wana wa Elifasi, nyi Temani, na Omari, na Sefo, na Gatamu, na Kenazi 12Timna nawei lyakawi o Elifasi, mana o Esau; nao kawonyia Elifasi Amaleki. Iwo nyiwo wana wa Ada mka o Esau.
13Na iwa nyi wana wa Reueli: Nahati, na Zera, na Shama, na Miza. Iwa wawei wana wa Basemati, mka o Esau. 14Iwa nyi wana wa Oholibama mana o Ana mana o Zibeon mka o Esau alefea Esau: Yeushu Yalaamu na Kora.
15Iwa nyiwo wanene wa shishari shiwukie ko Esau; Elifasi mana mmbee o Esau; nao kafee Temani, Omari, Sefo, na Kenazi, 16Kora, Gatamu, na Amaleki. Orio umu owo nawie mnene o kishari kyake. Iwo wose nyi wana wa Elifasi wawekekaa Edomu wawukie ko Ada, ai mka o Esau.
17Na iwa nyi wana wa Reueli, mana o Esau; Nahati, Zera, Shama, na Miza. Orio umu owo nawei mnene o kishari kyake. Iwa wose nyi wana Reueli wawekekaa Edomu wawukie ko Basemati mka o Esau.
18Na iwa nyi wana wa Oholibama, mka o Esau; Yeushi, Yalamu, na Kora. Orio umu owo nawei mnene o Kishari kyake. Iwa wose wawei wana wa Oholibama, mana o Ana, mka o Esau.
19Iwo nyi wana wa Esau, elaho nyi Edomu. Orio umu owo nawei mnene o kishari kyake.
Oshari lo Seiri
(1Mbo 1:38-42)
20Iwa nyi wana wa Seiri, Mhori, wenyi wa oruka lulya; Lotani, na Shobali, na Sibeoni, na Ana, 21na Dishoni, na Eseri, na Dishani; Orio umu owo nawei mnene o kishari kyake kiidi kya Wahori, wa oshari lo Seiri, kiidi kya oruka lo Edomu.
22Na wana wa Lotani, nyi Hori, na Hemamu; na mshiki o Lotani nyi Timna. 23Na iwa nyi wana wa Shobali, Alvani, na Manahathi, na Ebali na Shefo, na Onamu. 24Na iwa nyi wana wa Sibeoni, Aya na Ana; nyi Ana ulya alewona soka tsa mringa fo modo kulya nuka, kiheri awei ilisa nzoi tsa ndee Sibeoni. 25Na iwa nyi wana wa Ana, Dishoni, na Oholibama, mana o Ana. 26Na iwa nyi wana wa Dishoni; Hemdani, na Eshbani na Ithrani na Kerani. 27Na iwa nyi wana wa Eseri; Bilhani, na Zaawani, na Akani. 28Na iwa nyi wana wa Dishani, Usi na Arani.
29Iwa nyiwo wanene wa Wahori: Lotani, Shobali, Sibeoni, Ana, 30Dishoni, Eseri, na Dishani. Iwo nyiwo wadume wawukie ko Wahori, koorio umu owo nawei mnene o kishari kyake kiidi kya oruka lo Seiri.
Wamangi wa oruka lo Edomu
(1Mbo 1:43-54)
31Iwa nyiwo wamangi walechilia oruka lo Edomu, kulamecheopfo mangi ose ko wana wa Israeli. 32Bela o Beori alechilia kulya Edomu, na rina lya mṟi foke nyi Dinhaba. 33Bela kapfa, kukowada Yobabu mana o Zera, o Bosra, handu hake. 34Yobabu kapfa, kukowada Hushamu, o Oruka lo Watemani, handu hake. 35Hushamu kapfa, kukowada Hadadi o Bedadi handu hake, nao nyio alekapa Midiani kulya nuka ya Moabu, na rina lya mṟi foke nyi Avithi. 36Hadadi kapfa, kukowada Samla o Masreka handu, hake. 37Samla kapfa na Shauli o Rehobothi, fui kufui na meda, fo Efrate kawada handu hake. 38Shauli kapfa kukowada Baal-hanani, mana o Akbori handu hake. 39Baal-hanani kapfa mana o Akbori, Hadadi kawada handu hake; na rina lya mṟi foke nyi Pau; na rina lya mka oke nyi Mehetabeli, mana o Matredi, mana o Mezahabu.
40Iho nyiho marina ha wanene wa wandu wawukie ko Esau, chandu mbaṟi tsawo tsii, na handu hawo, kui marina hawo: Timna, Alva, Yethethi, 41Oholibama, Ela, Pinoni, 42Kenazi, Temani, Mibsari, 43Magdieli, na Iramu. Iha nyiho marina ha wanene wa shishari shiwukie ko Edomu ai Esau ndee oke. Iwa wai wasende kui shihongo shawo na njoruka tsilya waleinengo.
Currently Selected:
MAWOOKIONYI 36: KIM2
Highlight
Share
Copy

Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
Free Reading Plans and Devotionals related to MAWOOKIONYI 36

Genesis Explained Part 3 | Wrestling With God

Pioneer: Taking New Ground Together, Part 6

NIV Once-A-Day Bible for Women
