Tindinoowo 11
11
Haala nafaa gollirde ciinal
1Neldaa nyaamdu maa dow maayo,
sabo si juutii neeɓii fu a hewtowan barke majjum.
2Peccaa jawdi maaɗa,
njeɗaa yimɓe njeɗɗo naa njeetato
sabo a anndaa bonanda garoowo dow leydi.
3Si duule ɓawlinii fu,
ƴuwoonde toɓan dow leydi.
Si lekki saamii to ki huccitii fu,
wo toon ki heddotoo,
nde wo soɓɓiire, nde wo horɗoore.
4Ndaaroowo henndu aawataa,
ndaaroowo duule du taƴataa.
5No a anndiraa to henndu fonndii noon,
maa du, no ɓinngel mawnirta ley reedu innum,
noon du walaa no anndirtaa golle Laamɗo taguɗo huunde fuu oon.
6Si weetii fu aawaa aawre maa,
si hiirii du taa ŋottin juuɗe maa,
sabo a anndaa ndiye woni puɗoori,
ndii ɗo naa ndii to,
naa yalla ndi fuu ndi wooɗan.
Haala wuurdude no haaniri
7Jayngol na muuyni,
gite du na ceyoroo yi'ude naange.
8No duuɓi neɗɗo poti ɗuuɗude fu,
weltoo haddi majji fuu,
de taa yeggita nyalaaɗe nimre ɗeen du na keewi,
ko waroyta ɗuum kaa fuu wo ɓolum.
9Hey jokolle, mbeltoɗaa ley njokollaaku maaɗa fuu,
njokkaa ko weli ɓernde maa
e ko gite maa nji'i na njiɗi fuu,
ammaa taa njeggitaa
Laamɗo kiitotooɗo oon ƴamoyte ko ngaɗuɗaa fuu.
10Taa mettinaa ɓernde maa,
taa tampinaa terɗe maa,
sabo njokollaaku e semmbe muuɗum fuu wo ɓolum tan.
Currently Selected:
Tindinoowo 11: FBF
Highlight
Share
Copy
Want to have your highlights saved across all your devices? Sign up or sign in
© SIM International 2012, 2022
