Shitatiko 33
33
Yakobo ukuliwana na Ishau
1Yakobo wamonene Ishau heza hamo na bantu bendi myanda yinaa, nohobene watapulwile batwanuke mukati ka Leya na Lakele na bandungo ba bakazendi babili. 2Watwamikile bakazendi babili bakwinginina kumbili na bana babo, niho Leya na bana bendi munyima yabo, pe Lakele na Yoshefwa nibo bengile bamamaninino. 3Yakobo wayile kumbili yabo na kulamba hanci bikati mutanu na bibili hantu oho akumine hahepi na yayiyendi. 4Ngoboni Ishau wetukilileko na kumushimbawila, wamubumbatilile pe wamuzupezele. Pe balilile. 5Oho Ishau atilaminine wamonene bambuyama na batwanuke wepwile ngayi, “Bayani aba bantu uli nabo?” Yakobo wakumbwile ngayi, “Aba, hekulu, banengi bana aba Nyambi anapaniki mukamulimo wobe mu nceshe zendi.” 6Niho bandungo ba bakazendi bezile kwakwipi na bana babo na kulamba. 7Niho Leya na bana bendi bezile. Ku mamaninino Lakele na Yoshefwa bezile na kulamba.
8Ishau wepwile ngayi, “Haya ukutontolola bishini na uya muhoko wamina nalihangana nawo?” Yakobo wakumbwile ngayi, “Mwanga unyakeko, hekulyami.”
9Ngoboni Ishau wambile ngayi, “Nili nabyo binankonkana mukonzo wami, tenteka ebye ulinabyo.”
10Yakobo wambile ngayi, “Byo hekulu, ndi unanyakako, pe tambula bishemo byami ebye napana. Haya namono lupala lwobe kami unantambulu shiwahe, kukwami shinengi ngo namono lupala lwa Nyambi. 11Hekulu tambula bishemo ebye nakuletele. Nyambi wakanyuvwililenga nceshe na kumpanika nimwabyo ebye nashinganga.” Wazaminine na kumukandamika hantu noho atambwile.
12Niho Ishau ambile ngayi, “Tukatukenu, haya tuyenunga ha mukala wetu. Ami nikatwamina kumbili yenu.”
13Ngoboni Yakobo wakumbwile ngayi, “Hekulyami, obe ukulimuka ngayi batwanuke ba kupopa, kami niku fwanina kuhanganika bambelele na zingombe na bana babo. Kami ndi tukazendesha shibi mutena umo, matanga nimwawo pe akafwa. 14Hekulyami twamina kumbili yami, pe nika kukonka shashishe shashishe, ngo omu nikutweshela na bimuna na batwanuke pe nika kuwana mu litunga lya Sheya mu Endoma.”
15Pe Ishau wambile ngayi, “Shashiwahe boni nishiye bantu bami bamo kukwobe.” Ngoboni Yakobo wakumbwile ngayi, “Osho ku shingiwa shifwako, nikushinga tuhu ngayi hekulu unyakeko.” 16Nohobene Ishau wabokele wawuya mutena ku Endoma. 17Ngoboni Yakobo wayile ku Shukota oku alizikilile litala na bishawashawa bya bimuna bendi. Osho nisho shuma batumbilile mwanya uya ngayi Shukota.#33:17 Shukota: Lizina elye likutontolola ngayi minkungwa.
18Yakobo wakumine shiwahe ku lukena lwa Shekemu mu litunga lya Kenaani ha kuboka kwendi kufuma ku Meshopotamiya. Wazikile munkungwa wendi hahepi na lukena.
19 #
Yosh 24:32; Yowa 4:5. Walandile mbalila iyo kuli bazukulya Hamole, tata Shekemu na mwanda umo wa muwayawaya wa shiliva. 20Wazikileko kaala ka mamanya kakulemeshela Nyambi pe washitumbile ngayi Elohe, Nyambi wa Ishalela.
Currently Selected:
Shitatiko 33: LLK
Highlight
Share
Copy
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.
