Shitatiko 32

Yakobo ukuliwahishila kuliwana na Ishau

1Yakobo, aha ayilenga ha nzila yendi, mangeloyi a Nyambi alihanganine nendi. 2Oho Yakobo abamonene wambile ngayi, “Bano bakanzita ba Nyambi.” Nohobene watumbile lizina lya mbalila iyo ngayi Mahanayima.

3Niho Yakobo atumine miluwe kuli yayiyendi Ishau mu litunga lya Sheya elye lyatumbiwile kami ngayi Endoma. 4Wabatongwezele ngayi, “Kashimikenu kuli hekulyami Ishau ngayi, ami mukamulimo wobe Yakobo wakwombatala, nekalilenga na Lambani pe niho nehalile ha kuboka kukuma na ku shikati shino. 5Nahete zingombe na bambongolo na matanga a bambelele na bampongo na bandungo babalume naba babambuyama. Nili na kukutumina lizu hekulyami, mu kulumbeza ngayi unyakeko.”

6Oho bamiluwe babokele kuli Yakobo, bambile ngayi, “Twayile kuli yayiyobe Ishau, kami uli mu nzila kwiza mu ku kushimbawila. Ukwiza na balume myanda yinaa.” 7Yakobo watinine shikuma na kulikekula, watapulwile bantu aba ekalile nabo na matanga a bambelele bendi na bampongo na zingombe na makamela mu tunzunga tubili. 8Wahanganikile ngayi, “Ndi Ishau ukwiza na kulwisha kanzunga kakutatika, bamina kampe ba kutwesha kupanza.”

9Niho Yakobo walombelele ngayi, “Nyuvwe, obe Nyambi ya tate Abulahama na tate Ishaki. Obe Nyambi ya Ngula, wantongwezele ngayi, ‘Boka ku litunga lyobe naku bawushinda wobe, pe nikendesha shiwahe byuma nimwabyo kukwobe.’ 10Kaliha nafwanina kuwana eze nceshe na kwoloka oku nimwako unahololo kukwami ami mukamulimo wobe. Oho nazabukilenga Yondana nendele mabokoboko ndele tuhu muwana mu liboko, haya ninakuboka na tunzunga tubili. 11Nikunyepa kukwobe ngayi undamwine kuli yaya Ishau, ndaba nili na bowa ngayi ukwiza mu kutulwisha na kulobesha nimwetu kumo na bakazami hamo na batwanuke. 12#Shit 22:17. Ngoboni obe wambile ngayi, ‘Mwa shikuma nikakwendeshela shiwahe byuma byobe nimwabyo, kami nika kupanika bazukulu babengi shikuma bakubula kutwesheka kulabiwa. Bakenga babengi ngonehe lihekelela lya ku liwate.’ ”

13Nohobene walanganine uyo wushiku. Oho kwashile, Yakobo wahatile bimuna ku matanga wendi ba kupanika yayiyendi Ishau. 14Bampongo ba bankaziwa ba myanda yibili na babikungwe makumi abili na bambelele ba bankaziwa myanda yibili na babikungwe makumi abili, 15na makamela akuyamwisha makumi ahatu na bana babo na zingombe za bitole makumi anaa na zingombe na bankunzi likumi ba bambongolo. 16Wapanikile litanga na litanga ku umo na umo ha bakamilimo bendi ngayi bawalame, pe wambile kukwabo ngayi, “Twaminenu kumbili yami na ku shiya mwanya mukati ka litanga na litanga.” 17Walayile mukamulimo wakutatika ngayi, “Oho yaya Ishau akamihangana na kumipula ngayi, ‘Kati hekulyenu yani? Mu kuya kuti? Yani waheta aba bimuna bali kumbili yenu?’ 18Uku fwanina kukumbula ngayi, ‘Binengi bya mukamulimo wobe Yakobo ou ulinakwiza munyima yetu.’ ” Pe yinengi ntupu yikwiza kuli hekulyendi Ishau. 19Kami walayile mukamulimo wendi wawubili na wawuhatu nohobene naku nimwabo bakonkelenga matanga ngayi, “Ebye nibyo mu ku fwanina kwamba kuli Ishau oho mu kumuhangana. 20Mu ku fwanina kwamba ngayi, ‘Ingoi, mukamulimo wobe Yakobo uli munyima yetu.’ ” Yakobo wahanganikile ngayi, “Kampe nikamutekenyesha na bishemo ebye bikuya kumbili yami, oho tukaliwana kampe ukanyatila.” 21Bishemo byayilengaho kumbili yendi, pe walanganine wushiku uyo mu munkungwa.

Yakobo ukulikwata mu kapumpo na lingeloyi ku Peniweli

22Wa wuya wushiku bene Yakobo wakatukile, washimbile bakazendi babili na bandungo ba bakazendi babili na bana bendi balikumi na umo, pe wazabukile Mushinzi wa Yamboki ha mwaba. 23Oho abazabwishile, niho kami azabwishile nimwabyo biya ahetele. 24#Hosh 12:3-4. Pe washalile kuyo ninkayendi.

Niho kwezile mulume walikwatile nendi mu kapumpo kutwala ku kusha kwa mutena. 25Oho uya mulume amonene ngayi kupitakana mu yiya ngunga wufwako walyatile Yakobo mu ntungi, pe ntungi yendi yashonkonokele mukatobola. 26Pe uya mulume wambile ngayi, “Ndehe niyenga, ndaba mutena uli na kututika.”

Ngoboni Yakobo wakumbwile ngayi, “Kukuleha nifwako ngayi uye hantu unantandalishi.” 27Wamwipwile ngayi, “Kati lizina lyobe obe yani?” Wakumbwile ngayi, “Ami Yakobo.”

28 # Shit 35:10. Pe uya mulume wambile ngayi, “Lizina lyobe kukatumbiwa kami ngayi Yakobo lifwako, ndaba unalu ngunga na Nyambi kami unalu na bantu pe unapitakana, nohobene lizina lyobe likatumbiwa Ishalela.”#32:28 Ishalela: Lizina elye likutontolola ngayi, “Nyambi walwanga.”

29 # Bak 13:17-18. Yakobo wambile ngayi, “Nikukunyepa ngayi untongweze kami nobe lizina lyobe.” Ngoboni wakumbwile ngayi, “Shumangani ukwipwila lizina lyami?” Niho atandalishile Yakobo.

30Niho Yakobo atumbile mbalila iyo ngayi Peniyelu,#32:30 Peniyelu: Lizina likuyuvwanika na lizu lya mu Shihebelu likwamba ngayi “Lupala lwa Nyambi.” ndaba wambile ngayi, “Namono Nyambi lupala na lupala, kami nishili kuyoya.” 31Yakobo wakatukile ha kututika kwa mutena kufuma ku Penuwele, kami washunkutilenga ndaba ya ntungi yendi. 32Eshe nisho shuma hinga lelo bazukulya Ishalela babulanga kulya makana amu ntungi, ndaba aha ha makana niho alyatiwilile Yakobo.

Currently Selected:

Shitatiko 32: LLK

Highlight

Copy