Popular Bible Verses from Shitatiko 32

Share

Pe uya mulume wambile ngayi, “Lizina lyobe kukatumbiwa kami ngayi Yakobo lifwako, ndaba unalu ngunga na Nyambi kami unalu na bantu pe unapitakana, nohobene lizina lyobe likatumbiwa Ishalela.”

Pe uya mulume wambile ngayi, “Ndehe niyenga, ndaba mutena uli na kututika.” Ngoboni Yakobo wakumbwile ngayi, “Kukuleha nifwako ngayi uye hantu unantandalishi.”

Pe washalile kuyo ninkayendi. Niho kwezile mulume walikwatile nendi mu kapumpo kutwala ku kusha kwa mutena.

Niho Yakobo atumbile mbalila iyo ngayi Peniyelu, ndaba wambile ngayi, “Namono Nyambi lupala na lupala, kami nishili kuyoya.”

Oho uya mulume amonene ngayi kupitakana mu yiya ngunga wufwako walyatile Yakobo mu ntungi, pe ntungi yendi yashonkonokele mukatobola.

Wamwipwile ngayi, “Kati lizina lyobe obe yani?” Wakumbwile ngayi, “Ami Yakobo.”

Yakobo wambile ngayi, “Nikukunyepa ngayi untongweze kami nobe lizina lyobe.” Ngoboni wakumbwile ngayi, “Shumangani ukwipwila lizina lyami?” Niho atandalishile Yakobo.

Kaliha nafwanina kuwana eze nceshe na kwoloka oku nimwako unahololo kukwami ami mukamulimo wobe. Oho nazabukilenga Yondana nendele mabokoboko ndele tuhu muwana mu liboko, haya ninakuboka na tunzunga tubili.

Eshe nisho shuma hinga lelo bazukulya Ishalela babulanga kulya makana amu ntungi, ndaba aha ha makana niho alyatiwilile Yakobo.

Niho Yakobo walombelele ngayi, “Nyuvwe, obe Nyambi ya tate Abulahama na tate Ishaki. Obe Nyambi ya Ngula, wantongwezele ngayi, ‘Boka ku litunga lyobe naku bawushinda wobe, pe nikendesha shiwahe byuma nimwabyo kukwobe.’

Nikunyepa kukwobe ngayi undamwine kuli yaya Ishau, ndaba nili na bowa ngayi ukwiza mu kutulwisha na kulobesha nimwetu kumo na bakazami hamo na batwanuke.