Joani 17

1Yesu chanahoshiyi mwenimu, hakufumbula mesu kwiwulu, hakwila nindi, Tata, mpinji yinashi ki dehi. Lemesha Mwaneyi, kulonda Mwana akulemesheyi. 2Chiwunamwinki wanta hadi antu ejima, kulonda ejima wunamwinki ayinki wumi wahaya nyaka. 3Wumi wahaya nyaka woweniwu, wakukwiluka eyi Nzambi walala wumu hohu, niYesu Kristu watemesheli. 4Ami nakulemeshi hamaseki, namanishi dehi mudimu wanyinkeli kwila. 5Ichi dinu, eyi Tata, anlemesheli kumu naneyi aweni nakulema kunadiŋi naku hadiŋi mpata yamunu mwishina yichidi kanda.

6Namwekeshi ijina deyi kudi antu wanyinkeli mukachi kawakwampata yamunu mwishina; adiŋi eyeyi, yeyi wanyinkeluwu, niwena anahembi mazu eyi. 7Ichi dinu aneluki dehi nawu yuma yejima yiwunanyinki yinafumi kudeyi; 8muloŋa mazu wanyinkeli ami nayinki wena; nlwena anayitambuli; aneluki chalala nawu ami nafumini kudeyi, anetiyi nawu yeyi wantemesheli. 9Ami nukuyilombela wena; hinukulombela akwampata yamunu mwishinaku, chiŋa wowu antu wunanyinki, muloŋa wena hiyantu eyi. 10Yuma yamami yejima yeyeyi, niyeyi diyi yamami; ninami hinukulemena mudi wena. 11Hinukwikala nawa cheŋi mumpata yamunu mwishinaku, ilaŋa awa adi mumpata yamunu mwishina; ami hinukwinza kudeyi. Eyi Tata Wajila, yihembi mwijina deyi awa wunanyinki, kulonda ekali wumu neyi chitwekaletu. 12Chinadiŋi nawu, nayihembeli awa wunanyinki mwijina deyi. Nayihembi; kwosi niwumu nakisikuku, chiŋa yowu mukwakunoŋa, kulonda mukanda wajila wulumbuluki. 13Ichi dinu hinukwinza kudeyi. Hinukuhosha mwenimu hinichidi mumpata yamunu mwishina, kulonda muzaŋalu wami wuwanini mudi wena. 14Ami nayinki mazu eyi; akwampata yamunu mwishina anayiheli nanichi chanabuluwu kwikala ampata yamunu mwishina, neyi chineli ami nawa hinidi wampata yamunu mwishinaku. 15Hinalombi nami wuyifumishi mumpata yamunu mwishinaku, ilaŋa nami wuyihembi kudi watama. 16Wena hiyampata yamunu mwishinaku, neyi chineli nami hinidi wampata yamunu mwishinaku. 17Yŋiliki munsaŋu yalala. Mazu eyi hinsaŋu yalala. 18Chiwantemeshelami mumpata yamunu mwishina, dichi chinayitemeshi niwena mumpata yamunu mwishina. 19Ami hinukudiŋilikilawu wena, kulonda awenawu akekali ajila munsaŋu yalala.

20Hinukukumina dakuyilombela wena hohuku; ilaŋa nukulombela niwena akunkuhwelela namazu awu; 21kulonda wejima wawu akekali wumu, neyi chiwekala eyi Tata mudami ninami mudeyi; kulonda niwena akekali mudetu, kulonda akwampata yamunu mwishina aketiyi nawu yeyi wantemesheli. 22Ni kulema kuwunanyinki nayinki wena, kulonda akekali wumu neyi chitwekaletu wumu. 23Ami mudi wena nineyi mudami, kulonda chakwikalawu wumu hohu eli alala chikupu, kulonda akwampataya munu mwishina akeluki nawu yeyi wantemesheli; akeluki nawu wayikeŋeli neyi chiwankeŋelami. 24Tata, nakeŋi nami antu wunanyinki akekali chimu nanami kunakekalami, kulonda akabanjilaŋa lubanji lwakulema kwami kuwunanyinki, nanochu chiwankeŋeli helili chikuku champata yamunu mwishina chichidi kanda. 25Eyi Tata waloŋa, antu ampata yamunu mwishina hiyakwilukiluku, ilaŋa ami nakwilukili; ninawa aneluki nawu yeyi wantemesheli. 26Nayileji ijina deyi kulonda adiluki, namba kayilejadu nawa kulonda akadiluki; kulonda kukeŋa kuwankeŋeli nachu kwakekali mudi wena ninami nakekali mudi wena.

Currently Selected:

Joani 17: MW62

Highlight

Copy