Luka 5

Yesu mwasanyika tumbaji vakavanga

(Mat 4:18-22; Mako 1:16-20)

1Chasolokele, omu Yesu emanyine kungenge yachijiva chaNgenesaleta #Yowa 1:40-42; 21:1-19lizavu lyamushindakanyine hakusaka kwivwa lizu lyaKalunga,

2kaha amwene mato avali akusulika kungenge yachijiva, oloze vaka-kuta ishi vafuminemo, vapwile nakukosa moji.

3 # Mat 13:1-2; Mako 4:1 Omu engilile muwato umwe, uze waShimona, amulwezele aushinjikile kukachi chachindende. Kaha atwamine muze muwato nakunangula aze mazavu.

4Kaha omu akumishile kuhanjika, alwezele Shimona ngwenyi, Swenyesa kwakukunama, #Yowa 21:3-6futenu moji enu mukwate vaishi.

5Kaha Shimona amukumbulwile ngwenyi, Ove #8:24, 45; 9:33, 49; 17:13Mwata, tunakilikita ufuku wosena chakuzeneka kukwata; oloze halizu lyove, nangufuta.

6Omu valingile ngocho, vakuchikililemo vaishi vavavulu chikuma, kaha moji avo apwile nakupulika.

7Vanyachilile vaka-vuwa yavo vapwile muwato ukwavo veze nakuvakafwako. Vejile kaha vazalishile mato osena avali, ngocho aputukile kuvomba.

8Oloze omu Shimona Petulu achimwene, alimbilile kumahinji aYesu nakwamba ngwenyi, Fuma kuli ami Ove Mwata, mwomwo ngumuka-shili.

9Mwomwo naikiye navaze vosena apwile navo muwato valikomokelele chikuma hakuvula chavaishi vakwachile —

10navaka-vuwa yaShimona nawa, vaYakova naYowano, vana vaZevete, valikomokelele. Kaha Yesu ambile Shimona ngwenyi, #Mat 14:27Kanda wivwa womako, kufuma kulelo naufutanga#5:10 Nge ngwavo, Yesu mwavalingisa kupwa vaka-kwambulula mujimbu wamwaza. vatu.

11Kaha omu vakokelele mato avo kutunda, #5:28; Mat 4:20, 22; Mako 1:18-20vasezele vyosena mbwa nakumukavangiza.

Yesu mwatomesa muka-mbumba

(Mat 8:1-4; Mako 1:40-45)

12Shimbu apwile Yesu mulimbo limwe lyakembwe, kwejile lunga wambumba mujimba wosena. Omu amwene Yesu, alimbilile chameso-hamavu nakumulembelela ngwenyi, Ove Mwata, nge unasake, nauhasa kungutomesa.

13Kaha Yesu olwele livoko nakumukwata, himwamba ngwenyi, Ngunasake vene, toma. Hahaze vene mbumba yamufumine.

14Kaha amukanjile azeneke kulwezako numba umwe, oloze ngwenyi, Yako #Levi 13:49; 14:2-32ukalisolole kuli kapilishitu, ukahane wana wahakukutomesa mwaya Jishimbi, ngana muze ámilwezele Mose, chikapwe unjiho kuli vakiko.

15Chipwe amukanjile, #4:14, 37; Mat 9:26mazu akumuvuluka atanjile chikuma kwosena, kaha mazavu amanene akungulukilenga mangana amwivwilile, nakuvahindula kumisongo yavo.

16Kaha hakumuungilila ngocho, hakiko afuminengako nakuya mupambo #3:2; 6:12; 9:18, 28; 11:1; Mat 14:23; Mako 1:35nakulomba.

Yesu mwahindula muka-kalepa

(Mat 9:1-8; Mako 2:1-12)

17Likumbi limwe hamakumbi aze ápwile Yesu nakunangula, kwatwamine navaFwaliseu navaka-kunangula Jishimbi, vakufuma kulimbo hilimbo lyamuNgalileya namuYuleya nakuYelusalema. #6:19; 8:46; Mako 5:30Nangolo jaMWATA jakuka misongo kujapwile.

18Kaha kukasumuka, malunga vamwe vambachile muka-kalepa hamusela, vali nakutonda vamwingise nakumutumbika kumeso aYesu.

19Oloze omu vahonene kwakumwingishila mwomwo walize lizavu lyavatu, vanyinyine #Mat 24:17helu yazuvo nakumuzezumuna hamusela wenyi kumeso aYesu mulihanya vámbandumwine mateya.

20Kaha hakumona kufwelela chavo, ambile ngwenyi, Ove mutu, #7:48-49milonga yove yashili vanakukonekelayo.

21Kaha vaka-kusoneka navaFwaliseu vaputukile kulihwojola ngwavo, Iya Ou ali nakusaula Kalunga? Iya mwahasa kukonekela vatu milonga yavo yashili? Shina Kalunga kaha.

22Hakutachikiza vishinganyeka vyavo, Yesu avahulishile ngwenyi, Mwomwo ika muli nakulihwojola mumichima yenu?

23Chachashi chikuma chilihi, kwamba ngwami, Milonga yove yashili vanakukonekelayo, nyi ngwami, Katuka utambuke?

24Oloze mangana mutachikize ngwenu Mwanamutu ali nangolo jakukonekela vatu milonga yavo yashili hamavu — himwamba uze muka-kalepa ngwenyi, Nangukwamba ngwami, Katuka, mbata musela wove, yako kuzuvo yove.

25Kaha hahaze vene akatukile kumeso avo nakumbata uze musela ásavalileho nakuya kuzuvo yenyi, oku ali nakwalisa Kalunga haupahu wenyi.

26Kaha vosena valikomokelele chikuma, valishile Kalunga haupahu wenyi nakumukomoka, kaha vambile ngwavo, Lelo tunamono vyakukomwesa!

Yesu mwasanyika Levi

(Mat 9:9-13; Mako 2:13-17)

27Kufuma aha, Yesu alovokele, kaha amwene muka-kutelesa, lijina lyenyi Levi, natwame kwakutelesela. Kaha amwambile ngwenyi, Ngukavangizenga.

28 # 5:11 Kaha asezele vyosena, akatukile nakumukavangizanga.

29Jino Levi alingililile Yesu chiwanyino chachinene muzuvo yenyi, kaha kwapwile lizavu lyalinene lyavaka-kutelesa, naveka nawa vasendavalile navo kumesa.

30Kaha #15:1-2vaFwaliseu navaka-kusoneka javo vatatwokesele tumbaji twenyi ngwavo, Mwomwo ika mweji kulilanga hamwe nakunwa navaka-kutelesa navaka-shili?

31Kaha Yesu avakumbulwile ngwenyi, Vavakangule kaveshi kutonda chimbukeko, shina vaze váli nakuviza kaha.

32 # 1 Chim 1:15 Kangwejile nakusanyika vaka-kwolokako, shina vaka-shili vakunyuke hashili nakwalumuka mumuchima.

Vyavihya navyamwaka kavyalinungako

(Mat 9:14-17; Mako 2:18-22)

33Kaha vamwambile ngwavo, #7:18; 11:1; Yowa 3:25-26Tumbaji twaYowano veji kulitwaminanga kulya kakavulu nakulombanga, kaha mukiko valinga natumbaji twavaFwaliseu nawa, oloze vayove valya nakunwa kaha.

34Kaha Yesu avambile ngwenyi, Kumana munahase kulweza masepa jamwenya-mwenga valitwamine kulya shimbu mwenya-mwenga achili navo numba?

35Oloze nakukeza #9:22; 17:22; Mat 9:15; Mako 2:20makumbi omu mwenya-mwenga navakavatambulayo, numbanyi hamakumbi aze vakalitwamine kulya.

36Avatelelele nawa chishimo ngwenyi, Naumwe wauchi mwapula lihina kuchikovelo chachihya nakuchitongela hachikovelo chamwaka. Nge mwalinga ngocho, kaha napulu tuhu chikovelo chachihya, chize chikamba chachihya kacheshi kulita nachize chikovelo chamwakako.

37Kaha naumwe wauchi mwalongela vinyo yayihya mujituku jamwaka jamalambu. Nge mwalinga ngocho, vinyo yayihya nayituva jize jituku nakumwangala, najituku nawa najilyenyeka.

38Oloze vinyo yayihya kuvanga vayilongele mujituku jajihya.

39Kaha naumwe wauchi nanu lyehi vinyo yamwaka, mwasaka yayihya, mwomwo mwamba ngwenyi, Yamwaka yinawahe chikuma.

Currently Selected:

Luka 5: LUE

Highlight

Copy