Luka 6

Yesu Apwa Mwata waSambata

(Mat 12:1-8; Mako 2:23-28)

1HaSambata yimwe, omu apwile nakupulasana mumande atiliku, tumbaji twenyi #Lush 23:25vaheleleko mitwe yatiliku, vayifwenyene mumavoko avo nakulya.

2Oloze vaFwaliseu vamuhulishile ngwavo, Mwomwo ika muli nakulinga echi vajilika kulinga haSambata?

3Kaha Yesu avakumbulwile ngwenyi, Kumana kamwatanga #1 Samw 21:1-6muze alingile Ndavichi, omu evwile zala, naikiye navaze apwile navoko, tahi,

4omu engilile muzuvo yaKalunga nakumbata #Levi 24:5-9jize mbolo jakutumbika kumeso aKalunga nakulya, nakuhanako nawa vaze apwile navo, echi mwaya Jishimbi kavetavisa kala mutu kuchilingako, shina vapilishitu kaha — kamwachivwako tahi?

5Kaha avambile ngwenyi, Mwanamutu apwa Mwata waSambata.

Mutu walivoko lyakusoseka

(Mat 12:9-14; Mako 3:1-6)

6HaSambata yikwavo, Yesu engilile musunangonga#6:6 Tala ha4:16. kaha apwile nakunangula. Mwapwile lunga wakusoseka livoko lyachilyo.

7Kaha vaka-kusoneka navaFwaliseu vamulavilijile vamone nge mwamuhindula haSambata, mangana vamuwanyine mulonga.

8Oloze #Mat 9:4atachikijile vishinganyeka vyavo, kaha ambile uze lunga wakusoseka livoko ngwenyi, Katuka, imana mukachi. Kaha akatukile nakwimana.

9Kaha Yesu avambile ngwenyi, Nangumihulisa, Choloka mwaya Jishimbi kulinga mwamwaza haSambata tahi, nyi kulinga mwamupi; kulwila mwono tahi, nyi kujiha?

10Omu atalile vosena chelele ndo, amwambile ngwenyi, Olola livoko lyove. Alingilemo, kaha livoko lyenyi lyapwile cheka lyalambwe.

11Oloze vakwachile matoto, kaha valivwasanyine vawane mwakumulingila Yesu.

Yesu mwasakula vaposetolo likumi navavali (12)

(Mat 10:1-4; Mako 3:13-19)

12Chasolokele hamakumbi aze, ayile kupili #3:21; 5:16; 9:18, 28; 11:1nakulomba, kaha achesele nakulomba kuli Kalunga.

13Kaha omu kwachele, #Vili 1:13asanyikile tumbaji twenyi nakusakulaho likumi navavali (12) nakuvaluka ngwenyi vaposetolo#6:13 Nge ngwenyi, Ava ngwatuma nakungwimanyinako..

14 Vakiko ava: Shimona, uze #Yowa 1:42alukile ngwenyi Petulu, nandumbwenyi Andelei, Yakova naYowano, Fwilipu naMbala-Tolomeu,

15Mateu naTomase, Yakova mwanaAlefweu, naShimona uze vavulukilenga ngwavo Zelote#6:15 Nge ngwavo, Ou afwila chikuma vyaKalunga.,

16Yuta mwanaYakova, naYuta Isakalyote, uze alumukile kupwa muka-kumuhana kumavoko avaka-kole.

Yesu mwahindula liyongomena

(Mat 4:23-25)

17Kaha ashikumukile navo nakwimana hakusalama, hohamwe nalizavu lyalinene lyatumbaji twenyi vakwavo naliyongomena lyalinene lyavatu vafumine kuYuleya kwosena, nakuYelusalema, navaze vakungenge yakalungalwiji kuTule naShitone,

18vejile nakumwivwilila nakuvahindula nawa kumisongo yavo. Kaha vaze vayanjishilenga kuli vashipilitu vaunyengwe, vavahindwile.

19Kaha lizavu lyosena lyafwililenga kumunangika mavoko, mwomwo #5:17muli Ikiye mwafuminenga ngolo jávahindwile vosena.

Kutokwa nakuvindama

(Mat 5:1-12)

20Kaha andwile meso nakutala tumbaji twenyi, himwamba ngwenyi,

Mwatokwa enu mwásuvala kumeso aKalunga, mwomwo wangana waKalunga wapwa wayenu.

21Mwatokwa enu muli nakwivwa zala oholili, mwomwo navakamikuchisa.

Mwatokwa enu muli nakulila oholili, mwomwo namukasehelela.

22 # 1 Pet 4:14 Mwatokwa chipwe tuhu vatu navamihunga, #Yowa 9:22; 16:2navamikana, navamitoleka nakupihisa majina enu hali Mwanamutu!

23Kawahililenu halikumbi lize nakutumbwojoka, mwomwo talenu, muli nawana waulemu wakumisakwilila mwilu, mwomwo mukiko vakakuluka javo valingile kuli vaze vapolofweto.

24Oloze #6:24-26; 10:13-15; 11:38-52; 17:1; 21:23; 22:22luvinda lwenu enu #Yako 5:1-5muli naluheto, mwomwo #16:25; Mat 6:2vanamivendejeka lyehi.

25Luvinda lwenu enu munekuta oholili, mwomwo namukevwa zala.

Luvinda lwenu enu muli nakusehelela oholili, mwomwo namukalishona nakulila.

26Luvinda lwenu omu navamisangejeka vatu vosena, mwomwo mukiko valingile vakakuluka javo kuli #Mat 7:15vaze valyongelele upolofweto.

Zangenunga vaka-kole jenu

(Mat 5:38-48)

27 # 6:27-30; Loma 12:17; 1 Koli 6:7 Oloze enu muli nakwivwilila, nangumilweza ngwami, Zangenunga vaka-kole jenu, lingenunga mwamwenemwene kuli vaze vamihunga,

28kisulenunga vaze navamyangula, nakulombela vaze veji kumiyanjisanga.

29Ou mwakuveta mbanda kulikili, muhane nalikwavo nawa, kaha ou mwakutambula chikovelo chove chachisuku chahelu, kanda naumukanyisa nawa chikovelo chove chachisuku chamukachiko.

30Mutu himutu ou mwakulomba muhane, kaha ou mwakutambula vikumba vyove kanda umukalavyoko.

31 # Mat 7:12 Kaha muze mwasáka ngwenu vakwenu vamilingilemo, lingenu mwomumwe kuli vakiko.

32 # Mat 5:44-48 Nge namuzanga vaze vamizanga, namuwanyinaho ika? Mwomwo chipwe vaka-shili vazanga vaze vavazanga.

33Kaha nge namulinga mwamwaza kuli vaze veji kumilinganga mwamwaza, namuwanyinaho ika? Mwomwo vaka-shili nawa veji kulinganga mwomumwe.

34Kaha nge namukongwesa vaze munafwelela ngwenu navamihilwishila, namuwanyinaho ika? Mwomwo vaka-shili nawa veji kukongwesanga vaka-shili vakwavo nakuvahilwishila josena.

35Shikaho zangenunga vaka-kole jenu, lingenunga mwamwaza, kaha kongwesenunga chakuzeneka kutalilila kumihilwishila, kaha mawana akumisakwilila naakapwa amalemu, kaha #Mat 5:9namupwanga muvana #1:32vayOu alitulaho, mwomwo atwama nalikoji hali vaze vazeneka kusakwilila, navaze vavapi.

36Shikaho pwenunga muvaka-kutetela ngana omu apwa Senu Muka-kutetela.

Vangila kulishishika ove ivene

(Mat 7:1-5)

37 # Loma 2:1 Kanda muwanyinanga vakwenu milongako, kuchina nayenu nawa navakamiwanyina milonga. Kanda namuhananga vakwenu milongako, kuchina nayenu nawa navakamihana milonga. Konekelenunga vakwenu, kaha nayenu nawa navakamikonekela.

38Hanenunga vakwenu, kaha nayenu navakamihana chesekelo chakutamo, chakujinda, chakunyukumuna, chakuzala nakuwulumuka, navakachitumbika #Samu 79:12; Isa 65:6-7; Yele 32:18hamahinji enu. Mwomwo #Mako 4:24; Yako 2:13chesekelo mwéji kwesekelanga vakwenu chikiko navakamyesekelaho nayenu.

39Avatelele nawa chishimo ngwenyi, #Mat 15:4Kapuputa mwahasa kutetekela mukwavo kapuputa numba? Kumana kaveshi kuholokela vosena vavali muwinako?

40 # Mat 10:24 Kambaji kahambakana muka-kumunangulako, oloze mutu himutu nánanguka lyehi kanawa, mwapwa nge muka-kumunangula.

41Unamono ngachilihi kachiswaswa kali haliso lyandumbwove, oloze mwalachi uli haliso lyove ove ivene kawauhaka muchimako.

42Nauhasa ngachilihi kwamba ndumbwove ngwove, Ove ndumbwami, ngwitavise ngukufumise kachiswaswa kali haliso lyove, shimbunyi mwalachi uli haliso lyove kawauhaka muchimako? Ove muka-kulyongela kwoloka, vangila kufumisa mwalachi uli haliso lyove, numbanyi uhase kumona kanawa, ufumise kachiswaswa kali haliso lyandumbwove.

Mutondo navautachikijila kumihako yawo

(Mat 7:15-20)

43 # 6:43-45; Mat 12:33-35; Yako 3:11-12 Mwomwo kakweshi mutondo wamwaza wema mihako yayipiko, kaha nawa, kakweshi mutondo waupi wema mihako yamwazako.

44Mwomwo mutondo himutondo vautachikijila kumihako yawo. Mwomwo jikuyu kavajihela kumingongako, chipwe mihako yavinyo kavayihela kuchikwatako.

45Mutu wamwenemwene eji kusololanga vyamwaza vyamuchisete chamwenemwene chamuchima wenyi, kaha mutu wamupi eji kusololanga vyavipi vyamuchisete chachipi chamuchima wenyi. Mwomwo ovyo vyazalilila mumuchima vikiko ahanjika mutu mukanwa kenyi.

Vihela vivali

(Mat 7:24-27)

46Mwomwo ika #Mat 7:21; Mala 1:6mweji kunguvulukilanga ngwenu, Ove Mwata, ove Mwata, oloze evi ngwámilweza kamwavilingako?

47 # 6:47-49; Yako 1:22-25 Mutu himutu mweza kuli Ami, kaha himwevwa mazu ami nakuwalinganga, nangumilweza omu napu:

48Napu nge mutu átungile zuvo, afulile nakukunamisa, nakutungila hachihela chalilolwa. Kaha omu lyafumikile livaji, muta walivetele hazuvo yize, oloze kawahashile kuyinyikisako, mwomwo vayitungile kanawa.

49Oloze ou mwevwa mazu nakuzeneka kulingangamo, napu nge mutu átungile zuvo hamavu hakuzeneka chihela chakukola. Omu muta walivetele hayikiko, hahaze vene yashiukile, kaha yize zuvo yalyenyekele chikuma.

Currently Selected:

Luka 6: LUE

Highlight

Copy