Popular Bible Verses from Luka 5

Share

Kaha omu akumishile kuhanjika, alwezele Shimona ngwenyi, Swenyesa kwakukunama, futenu moji enu mukwate vaishi.

Kaha Shimona amukumbulwile ngwenyi, Ove Mwata, tunakilikita ufuku wosena chakuzeneka kukwata; oloze halizu lyove, nangufuta. Omu valingile ngocho, vakuchikililemo vaishi vavavulu chikuma, kaha moji avo apwile nakupulika.

Kaha hakumuungilila ngocho, hakiko afuminengako nakuya mupambo nakulomba.

Kangwejile nakusanyika vaka-kwolokako, shina vaka-shili vakunyuke hashili nakwalumuka mumuchima.

Oloze omu Shimona Petulu achimwene, alimbilile kumahinji aYesu nakwamba ngwenyi, Fuma kuli ami Ove Mwata, mwomwo ngumuka-shili.

Kaha Yesu avakumbulwile ngwenyi, Vavakangule kaveshi kutonda chimbukeko, shina vaze váli nakuviza kaha.

Kaha omu vakokelele mato avo kutunda, vasezele vyosena mbwa nakumukavangiza.

Shimbu apwile Yesu mulimbo limwe lyakembwe, kwejile lunga wambumba mujimba wosena. Omu amwene Yesu, alimbilile chameso-hamavu nakumulembelela ngwenyi, Ove Mwata, nge unasake, nauhasa kungutomesa. Kaha Yesu olwele livoko nakumukwata, himwamba ngwenyi, Ngunasake vene, toma. Hahaze vene mbumba yamufumine.

Chipwe amukanjile, mazu akumuvuluka atanjile chikuma kwosena, kaha mazavu amanene akungulukilenga mangana amwivwilile, nakuvahindula kumisongo yavo.