ROMUDENƆ 13

Mìnatɛna bùsu gbãnadenɔnɛ

1Gbɛ̃ sĩnda pínki mì natɛ bùsu gbãnadenɔnɛ, zaakũ iko ke kun Luda lɛ́ sariro. Luda mɛ́ à gbãnade kũ ò kunnɔ dìtɛ ń pínki. 2Abire yãi gbɛ̃ kũ à bò gbãnade yã kpɛ, ade bò Luda yãditɛna kpɛmɛ. Gbɛ̃ kũ à bò ń kpɛnɔ ń zĩda dà yãmmɛ. 3Adi kɛ yãmanakɛrinɔ mɛ́ òdi vĩna kɛ kpatablerinɔnɛro, sé yãvãnikɛrinɔ. Tó ń ye gbãnadenɔ vĩna danyĩro, ǹ yã mana kɛ, ani n sáabu kpá. 4Gbãnade bi Luda zĩkɛriimɛ n aafia yãi. Tó n yã vãni kɛ̀ sɔ̃, ǹ vĩna kɛnɛ, zaakũ à fɛ̃nɛda lokona pãnlo. Luda zĩkɛriimɛ, àdi fĩna bonɛ yãvãnikɛriia. 5Abire yãi à mana à mì natɛńnɛ. Adi kɛ wɛ́tãmmana yãi adonlo, á laasun yãimɛ dɔ. 6Abire yãin adì bɛ'ɔgɔ kpá dɔ, zaakũ gbãnadenɔ bi Luda zĩkɛrinɔmɛ, òtɛn zĩ pì kɛnɛmɛ. 7À baadi fĩna bońnɛ pínki. À bɛ'ɔgɔ kpá a sìriia, à á laganɔ takada sí dɔ. À mì natɛ gbɛ̃ kũ à de à mì natɛnɛɛnɛ. À gbɛ̃ kũ à de à a yã da yã da.#Mat 22:21

Gɔrɔ kà kãni, ògɔ̃ yekɔ̃i

8Àsun gbɛ̃ke fĩna sɛ́ro, sé yekɔ̃ina fĩna baasiro. Gbɛ̃ kũ à ye a gbɛ̃dakei, Luda doka pɛ̀kɛrɛamɛ. 9Ò pì, ǹsun zina kɛro, ǹsun gbɛ̃ dɛro, ǹsun kpãni oro, ǹsun gbɛ̃ pɔ́ ni dɛro.#Bon 20:13-17 Yã pìnɔ kũ yãditɛna pãnde kũ ò kunnɔ pínki kú yã dí gũmmɛ, ò pì: Ǹgɔ̃ ye n gbɛ̃dakei lán n zĩda wɛ̃̀ndii bà. 10Yenyĩ dì tó gbɛ̃ yã vãni kɛ̀ a gbɛ̃dakenɛro. Yenyĩmɛ Luda doka papana ũ.

11À kɛ lɛ, zaakũ á gɔrɔ kũ ó kúa díkĩna dɔ̃. Á vuna in gɔrɔ kà, zaakũ ó surabanaa kà kãni tera de gɔrɔ kũ o Yesu náani kɛ̀la. 12Gu sì à kà zã̀, gudɔnaa kà kãni. Ò mì kɛ̃ gusira yãnɔa ò gupura gɔ̃kɛbɔnɔ sɛ́tɛ. 13Ògɔ̃ kú ó dɔ̀rɔɔa fãnantɛ̃ gbɛ̃nɔ ũ fayasari kɔ̃kɔ̃ kũ wɛ̃dɛnaaoo sari pãpãkɛna kũ wé'isariyãoo sari, lɛ́kpakɔ̃a kũ zãnguoo sari. 14À Dikiri Yesu Kirisi yãzɛ sɛ́. Àsun tó á dà zĩ doárɛ arɛ à a nidɛna kɛro.

Currently Selected:

ROMUDENƆ 13: BB2005

Highlight

Copy