1 KƆRINTIDENƆ 8

Sa'opɔble

1Sa'opɔble yã musu, ó dɔ̃ kũ ó pínki ó dɔ̃na vĩ. Dɔ̃na sɔ̃, à sɛna lei vĩ, yenyĩ mɛ́ à karana vĩ. 2Tó gbɛ̃ tɛn da á yã dɔ̃, adi dɔ̃ lákũ à kũ̀ à dɔ̃ nà gĩaro. 3Tó gbɛ̃ ye Ludai, Luda a dɔ̃. 4Tɔ̀, sa'opɔblena yã musu ó dɔ̃ kũ tãna bi pɔ́kemɛ andunia gũnlo, zaakũ Luda mɛ̀n do kunnan ó dɔ̃. 5Bee tó pɔ́ kũ òdi pińnɛ tãnanɔn kú musu kũ zĩtɛo, akũ dakenɔ kĩnaa tãnanɔn dimmɛ, dikirinɔn dimmɛ, 6ó kĩnaa Luda mɛ̀n domɛ, àkũmɛ ó De ũ, kũ pɔ́ sĩnda pínki bò a kĩnaa, akũsɔ̃ ó kun a yãi. Dikiri mɛ̀n domɛ dɔ, àkũmɛ Yesu Kirisi ũ, kũ pɔ́ sĩnda pínki kɛ̀, akũsɔ̃ ó kun a gãi.

7Ama gbɛ̃ sĩnda pínki dɔ̃ lɛro. Gbɛ̃kenɔ kɔ̃ dɔ̃̀ kũ tãna yão ari tera, akũ òdi pɔ́ kũ òtɛni ble dítɛ sa'opɔble ũ, ò yãke dɔ̃kɔ̃nɛro, akũ ń laasun kú zɛ́a doro. 8Pɔ́ble mɛ́ ani ó na Ludairo. Tó ódi blero, kĩananlo. Tó o blè, karanaanlo. 9À laakari kɛ á kunna zĩdadenɔ ũi, de ásun kɛ gɛ̃̀siki ũ gbɛ̃ kũ ludanaanikɛnaa kĩ̀aḿmanɔnɛro. 10Mɔkɔ̃n kũ ń dɔ̃na vĩ, tó gbɛ̃ kũ à yãke dɔ̃kɔ̃nɛro n e, ntɛn pɔ́ ble tãna kuru, ani a gba swɛ̃̀ɛ à sa'opɔ ble seroo? 11Tó n kɛ̀ lɛ, n dɔ̃na n gbɛ̃dake kũ ludanaanikɛna kĩana kũ Kirisi gà a yãi kàkatɛn gwe. 12Tó a durunna kɛ̀ á Yesude dakenɔnɛ a gbɛ̃ kũ à yãke dɔ̃kɔ̃nɛro karii kɛ̀n gwe, akũsɔ̃ Kirisin a durunna kɛ̀nɛ. 13Abire yãi tó ma nɔ̀bɔsona mɛ́ ani tó ma Yesude dake fu, mani só ziki doro, de ma Yesude dake sún furo yãi.

Currently Selected:

1 KƆRINTIDENƆ 8: BB2005

Highlight

Copy