SEKARIA 4
4
Luk Sinier Ratnan Kukud Dawan
1Melaikat luk pangeh nepebala negku iné' negku sekua' teh, idi nengalat negku, ayu-ayuneh ui rudap. 2Idi ieh nengitun negku, kebalaneh, “Anunké luk sirenmu?”
Idi kebalaku, “Aceh kukud dawan luk ratnan amas. Idi pa luun inan aceh bigan luk inan umau, idi tudu' lapung. 3#Lin 11.4 Idi anid-anid lapung ineh inan tudu' su luk inan iring kukud dawan ineh.” 4Idi ui nemutuh melaikat ineh mada' ilungneh.
5Idi kebalaneh, “Naké iko kali'?”
Idi ui nengor balaneh, “Na!”
Jani' Allah Kuan Serubabel
6 #
Esr 5.2
‘Melaikat ineh nengecuk negku maré ni Serubabel bala ini luk ratnan Tuhan: “Baken ratnan lalud baweh, idi baken ratnan tuehmu sebuleng, iamo' ratnan RohKu, ieh ineh miak mangun. 7Idéké iko, O pegkung luk rayeh? Do' iko mangun ku raked pa kiung Serubabel. Iko miak mudut Ruma' Allah baruh idi kareb iko ngerareng batuneh luk kekiped, lun mula' miak ngitang, ‘Do' Allah luk mekatu ngeperuan ruma' ini!’ ”
8Inan teh aceh bala Tuhan negku. 9KebalaNeh, “Serubabel nengimun mudut Ruma' Allah, idi ieh miak mangeh neneh. Idi kareb amung ini mangun, pupuKu miak kali' idi Ui luk nengecuk namu amé' nedeh. 10#Lin 5.6 Ideh mesusa' niat ngaceku sesuut mo' luk inau'deh. Iamo' ideh miak mawang niat kareb ideh nier ni Serubabel luk nguit nedeh mudut Ruma' Allah ineh.”
Ilung Luk Sinier Ratnan Kukud Dawan Linio#4.10Ayat 10b—14 ngelio ratnan luk sinier nabi bang ayat 2–3.
Kebala melaikat negku, “Tudu' lapung ineh, ieh ineh tudu' mateh Tuhan luk nier aput-aput tana'.”
11 #
Lin 11.4
Idi kebalaku neneh, “Anunké ilung dueh kayuh saitun luk pekop iring kukud dawan ineh? 12Idi anunké ilung dueh angat saitun luk iring dueh turuk luk ratnan amas luk mangun ku dalan umau saitun?”
13Idi kebalaneh negku, “Na kali'mu?”
Kebalaku, “Na!”
14Idi kebala melaikat ineh, “Ieh ineh dueh burur lemulun luk pinili' idi inumau Allah luk tuped pa kiung Tuhan luk ngimet aput tana'.”
Currently Selected:
SEKARIA 4: BLD
Highlight
Share
Copy
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.
