SEKARIA 13
13
1Kebala Tuhan luk Melalud, “Kareb ineh aceh turuk miak kabin kuan inul Daud, idi lun Yerusalim, pad ideh miak baruin ratnan amung sala'deh, idi ratnan sembayang inan akang. 2Kareb ineh Ui miak nala' ngadan amung akang luk bang bawang ineh, pad ideh na miak teruayen peh. Idi teh Ui miak nala' nabi luk mebalih, pad lemulun na pian sembayang inan akang. 3Idi kudeng seburur nabi luk mebalih mada' luk nekali'neh, idi taman-tinanneh sebuleng miak pebala, ‘Petulu iko pitayen, ngaceku iko mebalih dengan ngadan Tuhan. Idi taman-tinanneh miak nebpek neneh kudeng ieh mada' luk mebalih. 4Kareb ineh seburur nabi pana' nateh luk medita' niat ratnan luk sinierneh. Idi na lun pian ngayung ku ayung nabi idi siayu mepad kudeng nabi. 5Iamo' ieh pian pebala, ‘Baken ui nabi. Ui ini lun tebawang. Ui pangeh nenganau' lati' ruked ulunku.’ 6Idi kudeng seburur ngitun neneh, kebalaneh, ‘Nurat ngudehké luk luun ruukmu ineh?’ Idi ieh miak ngor balaneh, ‘Ui nurat déi' ruma' rurumku.’ ”
Allah Ngecuk Ngaté Nelun Luk Matar DumbaNeh
7 #
Mat 26.31; Mrk 14.27 Kebala Tuhan luk Melalud, “Tumui, O pelapet, idi ngaté nelun luk matar dumbaKu! Ngaté neneh, idi dumba-dumba ineh miak uen matad. Ui miak munu' pupuKu, 8idi aput-aput tana' dueh babpat ratnan teluh babpat lemulun miak pitayen. 9Idi Ui miak nutun babpat luk ketecan ineh, idi ngeligan nedeh, mepad kudeng pirak luk uen ngeligan ku apui. Ui miak nutun nedeh mepad kudeng amas luk tetunin ku apui. Ideh miak sembayang mutuh rat Negku, idi Ui miak ngua' sembayangdeh. Idi Ui miak pebala, ‘Ini pupuKu.’ Idi ideh miak ngamo Negku ini Allahdeh.”
Currently Selected:
SEKARIA 13: BLD
Highlight
Share
Copy
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.
