PUDUT 36

Inul Esau

(1 In 1.34–37)

1Idi ini inul Esau, luk titen Edom. 2#Pud 26.34 Esau nengaweh decur-decur lun Kanaani, ieh ineh Ada, anak Elun lun Hiti, idi Aholibama anak Ana, luk anak Sibion lun Hiwi ineh, 3#Pud 28.9 idi Basemat anak Ismail, ieh ineh kinanak decur Nebayot. 4Idi Ada nenganak Elipas. Basemat nenganak Ruel. 5Idi Aholibama nenganak Yus, Yelam, idi Kora. Idi ini amung anak deléi Esau luk tinganak déi' tana' Kanaan.

6Idi Esau nenguit amung awanneh, anakneh luk deléi idi decur, dengan amung uang tetek ruma'neh, idi amung luk ilapneh déi' tana' Kanaan. Idi ieh iné' bang bawang luk mado ratnan Yakub, kinanakneh ineh. 7Ngaceku aya'deh ineh pelaba ula', pad ideh na miak pamung. 8Idi Esau netudo déi' luun pegkung-pegkung Edom.

9Idi ini inul Esau luk tepun lun Edom luk déi' luun pegkung-pegkung Edom. 10-13Elipas ineh anak deléi Ada, awan Esau. Elipas inan limeh anak deléi: ieh ineh Teman, Umar, Sepo, Getam, idi Kenas. Idi ratnan apidneh luk baken, ieh ineh Timna, Elipas inan aceh anak deléi teh, ieh ineh Amalek.

Idi Basemat awan Esau inan aceh anak deléi, ieh ineh Ruel. Ruel inan apat anak: ieh ineh Nahat, Sera, Sama, idi Misa.

14Awan Esau luk ngadan neh Oholibama, ieh ineh anak Ana idi mupun Sibion, ieh nenganak teluh anak delei: Yus, Yelam idi Kora.

15Ini luk nangun ku lun rayeh inul Esau: Elifas, anak rayeh Esau, ieh ineh tepun inul-inul pupu luk setecuneh: Teman, Umar, Sefo, Kenas, Kora, Getam, idi Amalek. 16Amung deh ini inul Ada, awan Esau.

17Ruel, anak Esau, ieh ineh tepun pupu-pupu luk setecuneh: Nahat, Sera, Sama, idi Misa. Amung deh ineh inul Basmat, awan Esau.

18Pupu-pupu luk setecuneh neh ieh ineh inul Esau ratnan awanneh luk ngadan neh Oholibama anak Ana: Yus, Yelam, idi Kora. 19Amung pupu ineh inul Esau.

20-21Idi lun luk pun-pun tudo bang bawang Edom, bibpat tuda'-tuda' pupu luk kali' ngadan tepundeh macing ku inul Sir, lun Horiti: ieh ineh Lutan, Sobal, Sibion, Ana, Disun, Eser, idi Disan.

22Idi Lutan ineh tepun inul Hori idi Heman (Lutan inan kinanak decur luk ngadan Timna.)

23Sobal ineh tepun inul Aluan, Manahot, Ebal, Sepo, idi Onam.

24Sibion inan dueh anak, ieh ineh Aya idi Ana. Idi Ana ineh luk nekali' tuda'-tuda' bued abpa' luk melau' déi' su luk ali-ali, kareb ieh nengasa' amung-amung keladai Sibion tamanneh ineh. 25-26Idi Ana ineh taman Disun luk tepun inul Hemdan, Esban, Itran, idi Keran. Idi Ana inan anak decur luk ngadan Aholibama.

27Idi Eser ineh tepun inul Bilhan, Sawan, idi Akan.

28Idi Disan ineh tepun inul Us idi Aran.

29-30Idi ini inul Horiti bang bawang Edom: Lutan, Sobal, Sibion, Ana, Disun, Eser, idi Disan.

Raca'-Raca' Edom

(1 In 1.43–54)

31-39Idi ini raca'-raca' luk nengimet bawang Edom maya' kiuk inuldeh, kareb nateh inan raca' Israil:

Bela Bior, rat Dinaba

Yobab Sera, rat Besra

Husam, rat babpat lun Teman

Hadad Bidad, rat Awit (ieh nengelaya' nelun Midian kareb pebunu' déi' bawang Moab)

Samala, rat Masreka

Saul, rat Rehobat luk tangeb Abpa'

Baal Hana, anak Akbor

Hadar, rat Pau (awanneh ineh Metabel, anak Matred idi mupun Mesahab)

40-43Idi Esau ineh tepun amung pengulu ini: Timna, Alua, Yetet, Aholibama, Ela, Pinon, Kenas, Teman, Mibsar, Magdil, idi Iram. Idi bawang su luk inandeh tudo titen ku ngadan anid-anid pengulu ineh.

Currently Selected:

PUDUT 36: BLD

Highlight

Copy