Iroma 16
16
Enkirorokino e Paulo
1Karrepaki intae enkanashe ang Fibi, enkaisiaayiani e sirit natii Kenkerea, 2nchere entang'amu to Laitoriani anaa enaishiaakino lelo sinyat, niretutu te mbae ake pooki nayieu te ntae, amu ninye nataa enkaretoni oo lkumok ebaiki ilatii nanu.
3 #
Iat 18.2
Eroroki Prisila o Akuila, naaisiaishote te nebo nanu tiatua Kristo Yesu, 4etipika ate batisho te nkaraki nanu, neme nanu ake oisho ninche enashe, keishorita sii ninche isirito pooki oo Loreren. 5Eroroki sii ina natii enkaji enye. Eroroki olanyor Epaeneto, laa ninye oitera aibelekenyakino Kristo te Asia. 6Eroroki Mariamu nataasishe oleng tiatua intae. 7Eroroki Androniko o Yunias, le mudong ang likiriamakinote eenata; iltung'ana ooibala lelo tiatua lkipaareta, ooitera apa ninche aairuk Kristo eitu airuk nanu. 8Eroroki Ampilato lanyor tiatua Olaitoriani. 9Eroroki Urbano, likisiaayia Kristo te nebo o lanyor Stakis. 10Eroroki Apelle, otonyorrayioki tiatua Kristo. Eroroki lelo lo lmarei le Aristobolo. 11Eroroki oltung'ani le mudong ang oji Herodion. Eroroki lootii atua Olaitoriani le nkaji e Nakirso. 12Eroroki nena aisiaayiak tiatua Olaitoriani, Trifana o Trifosa. Eroroki enanyor Persi, nataasishe oleng tiatua Olaitoriani. 13#Mk 15.21Eroroki Rufo, ogeluno tiatua Olaitoriani, o ng'otonye naa yieyio sii nanu. 14Eroroki Arinkristo o Flegon o Herme, Patroba o Herma, o lelo alashera ootii te nebo ninche. 15Eroroki Filologo o Yuliaa, Nerea o enkanashe enye, O Olimpa o lelo sinyat pooki ootii te nebo ninche. 16Erorokinoto te ng'ututata nasinya. Eiroroki intae isirito pooki e Kristo.
17Asai intae, ilalashera o nkanashera aainei, entodol ake lelo ooipiru enchankar o ngolikinot, earare ina kiteng'enare natuutakaki intae; entaapaash ninche. 18Amu ore ltung'ana laaijo lelo mme Olaitoriani lang Kristo eisiaaita ninche kake ng'uarrat enye maate, naa nkutukie eitamelon too rorei le nkisisa pee etumoki aatelej lelo oomaae. 19Amu ore hoo neyiolo iltung'ana aajo ining'ishosho ntae, o metaa kang'idare nanu ntae, kayieu ning'enunu aayiolou nena supati nemetii elejare, niyiolouu sii nena torrok; 20pee etum Enkai e seriani atasioki atupurda Sheitani tialo nkejek inyi. Metaa te nebo intae empiris o Laitoriani lang Yesu Kristo.
21 #
Iat 16.1
Eiroroki ntae Timoteo, laaisiritore te siaai; naa nejia etiu Lukio o Yason o Sosipater oora le mudong ang.
22Nanu Tertio, olaigeroni le na palai, oiroroki intae tiatua Olaitoriani.
23 #
Iat 19.29; 1 Ilkor 1.14; 2 Tim 4.20 Eiroroki sii ntae Gayo laa enkaji enye atii, o Erasto olashumani le nkanasa o lalashera lang Kuarto. 24[Metaa te nebo ntae empiris o Laitoriani lang Yesu Kristo, Eesai.]
Enkomono nabayie e nkisisa
25Metaa taata enkisisa ene Nkai, ilo oidim aitagolo ntae anaa enatejo te ilo rorei supat lo Laitoriani lalikioo, aimaki Yesu Kristo o enatiu embolunoto e ina naisudoro apa too lporori ootulusoitie apa moitie, 26netabolokoki taata. Ore tiatua ilkigerot le naibon, neitayioloki iloreren, te risioroto e nkitanapata e Nkai oo ntarasi pee eyau enkanyit e nkirukoto 27Metaa ene Nkai ang enkitoo ntarasi, tiatua Yesu Kristo. Eesai.
Currently Selected:
Iroma 16: BIBLIAPRO
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2018
