1 Ilkorinto ENAITURUK
ENAITURUK
Ore empalai e dukuya e Paulo natisiraka Ilkorinto netisira awal inyamalaritin naatii atua ilairukok leina sirit naa ninye apa oiterua te Korinto. Ore apa ina kata, naa ore ina anasa e Korinto naa enkanasa kitok oo Lgiriki, naa ninye sii enkanasa kitok oo Roma o lkerenket le Akai. Aiyioloti apa ena anasa te siaai e biashara o lwuasa loo lkuaaki lenye, o mbaa naatii torrok e loloito o seremare oo nkitanyaanyukot oo nkaitin nemeishu naapaashipaasha.
Ore entoki naiturukie olkipaaret Paulo pee esir ena palai naa eoro e sirit, imbaa torrok e loloito te sirit o mbaa naaipirta emboita olee o eng'oruoi o enkiyama, imbaa naabatat enkirukoto o ramatie le sirit e Nkai o nkishoorot e Nkiyang'et Sinyati o empiunoto oo lootuata. Ore te nguton oo ndamunot o ltau, etuutua eneiko ilomon supati tenewal nena kikilikuanat.
Ore ematua e tomon ookuni, neitodol iyiook ajo ore enyorrata naa enkishorunoto naisul te pooki naishoo Enkai iltung'ana lenyena, naa ena matua naibala oleng tena buku pooki.
Iorot oo Matuan
Enkiterunoto oo lomon 1.1-9
Eoro tiatua esirit 1.10–4.21
Eloloito o enkishon o lmarei 5.1–7.40
Ilairukok o leme lairukok 8.1–11.1
Enkishon e sirit o eseremare 11.2–14.40
Empiunoto e Kristo o lairukok 15.1-58
Enkishooroto te nkaraki ilairukok ootii Yudea 16.1-4
Imbaa enkorrok e Paulo o enkikenoto embuku 16.5-24
Currently Selected:
1 Ilkorinto ENAITURUK: BIBLIAPRO
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2018