1 Ilkorinto 1

1Paulo eing'uaa ena palai, oloipotoki te yieunoto e Nkai metaa olkipaaret le Kristo Yesu, neing'uaa sii olalashe lang Sostene. 2#Iat 18.1Aigeroki esirit e Nkai natii Korinto. Etegeluaki intae tiatua Kristo Yesu neipoti intae entaa ltung'ana le Nkai te nebo lelo pooki ootii pooki wueji ooipot enkarna o Laitoriani lang Yesu Kristo, ilo Aitoriani lenye naa olalang. 3Enoto empiris o eseriani naing'uaa Enkai Papa lang o Laitoriani lang Yesu Kristo.

Imayianat naatii atua Kristo

4Ashukoki oshi ake Enkai ai enashe te nkaraki intae. Ashukoki ninye enashe te mpiris enye naishooki intae tiatua Kristo Yesu, 5amu ore te pooki oitoi itaa intae karsisi too mpukunot pooki o te ng'eno pooki o enkarriyiano oo nkirorot 6amu ore shakenisho ang te Kristo neitadedeyieki tiatua intae. 7Neaku eitu eng'oriki intae enkishorunoto e nkiyang'et hoo nabo, ianyitata embolunoto o Laitoriani lang Yesu Kristo. 8Ninye ake sii oitasheyie intae o metabaiki enkiting'oto miatata entorrono naiguanareki te intae teina olong o Laitoriani lang Yesu Kristo. 9Keisiligayu Enkai, naa enchula enye eipotokoki intae te nebo ilo Inoti lenye, Yesu Kristo Olaitoriani lang.

Eoro tiatua esirit

10Asai intae ilalashera laainei, te nkarna o Laitoriani lang Yesu Kristo; entoning'oto pooki, emincho ejing eoro atua intae, kake enchoo errinyokini intae oltau obo o eyieunoto nabo. 11Amu aatolikioki imbaa inyi, ilalashera laainei iltung'ana oing'uaa enkaji e Kloe nchere ketii enchankar atua intae. 12#Iat 18.24Naa inji etiu: ejo obo linyi, “Kara nanu ole Paulo,” nejo likae, “Kara nanu ole Apolos,” nejo likae, “Kara nanu ole Kefa,” nejo likae, “Kara nanu ole Kristo.” 13Ketoore Kristo? Ei Paulo apa etashoki te nkaraki intae? Ei te nkarna e Paulo eibatisaki intae? 14#Iat 18.8; Iat 19.29; Irm 16.23Kajo ashe amu maata nanu lkulinyi laibatisa leme Krispo o Gayo, 15pee mejo ake likae eji te nkarna ai eibatisaki intae. 16#1 Ilkor 16.15Aibatisa sii enkaji e Stefana; ore metii lelo majo kaata likae laibatisa nanu. 17Eitu aairriwaa Kristo maibatisa, kake pee alikioo lelo Omon Supati naitelelek enkutuk pee ening'unoyu meoruni ake osalaba le Kristo engolon enye.

Kristo engolon naa ninye eng'eno e Nkai

18Ore ina likioroto o salaba naa emodai te lelo ootii enkoitoi nalo mutata, kake ore iyiook ilootii enkoitoi e njeunoto naa ninye engolon e Nkai. 19#Isa 29.14Amu ejo ilkigerot,

“Kaitarruoo nanu eyiolounoto oo lang'eni,

naiwuang'ie eng'eno e lelo ng'eni.”

20 # Yoab 12.17; Isa 19.12; 33.18; Isa 44.25 Koree ilo tung'ani ng'en? Koree ilo asirani. Koree eolaiguanani le na kata? Keitu eitomod Enkai eng'eno ena kop? 21#Eng'e 13.1-9Amu ore Enkai te ng'eno enye nagut neitu eisho iltung'ana metayiolo ninye te ng'eno enye. Kake etonyorra Enkai aitajeu lelo ooiruk ninye to rrekie le ilo rorei likilikioo ojo lelo ng'eni emodai te ninche.

22Olmonekie eikilikuanu Ilyahudi neing'oru Ilyunani eng'eno, 23kake Kristo otashoki kilikioo iyiook, otaa ninye errorroto too Lyahudi neaku emodai too Loreren; 24kake ore te lelo ooipotoki, aa Ilyahudi aashu aa Ilyunani, Kristo ninye ora engolon e Nkai naa eng'eno e Nkai. 25Amu ng'en emodai e Nkai alang eng'eno o ltung'ani, negol enchalan e Nkai alang engolon o ltung'ani.

26Entadamu enkipototo inyi, ilalashera laainei. Mme kumok ilkulinyi oora apa ng'eni anaa naajo iltung'ana, neme kumok iloogol; neme kumok iloo lmarei kituaak; 27kake etegelua Enkai nena naamoda te nkop pee eitukurru nena naagol, negelu lelo oojo enkop emoda pee eitukurru lelo oogol. 28Etegelua Enkai lelo lemejo enkop keeta tipat nemenari sii, o lelo lemeetae apa pee etum aitaa pesho nena naatae, 29pee metumi oltung'ani hoo owuasa te dukuya Enkai. 30Te nkaraki easata enye pee itii intae atua Kristo Yesu oitaa Enkai te iyiook eng'eno o esupatisho o esinyatisho o elakunoto. 31Ore #Yer 9.24naa anaa enajo lkigerot, “Ore ake oloyieu neng'ida nchoo eng'idare Olaitoriani.”

Currently Selected:

1 Ilkorinto 1: BIBLIAPRO

Highlight

Copy