Iroma 15
15
Ilkulikae intishipa mme kewan
1Ore iyiook iloogol keishiaakino nikinap enchalan oo looshal, pee me ate kintiship. 2Enchoo pooki ng'ae eitiship ole latia enye too supati enyena, neitagol ninye. 3#Olk 69.9Amu eitu eitiship Kristo kewan; kake ore anaa enatisiraki aajo, “Ore imorot e lelo likimor iyie, nanu etuurokinote.” 4#1 Mak 12.9; 2 Mak 15.9Amu ore nena apa pooki naaigeroki te nena olong'i naaishari naa iyiook eigerokoki pee eutarieki, paa ore enkitashoto o enkikoo oo lkigerot nikitumie iyiook osiligi. 5Meishoo intae Enkai enkitashoto nauno o ene nkilejilej entobik to lning'o olikae o likae, olaaijo ole Yesu Kristo, 6pee itumutumu to ltau obo aaisisa Enkai nara menye lo Laitoriani lang Yesu Kristo.
Ilomon supati too loreren
7Entang'amu olikae olikae, naa enkuna anaa ina natang'amua intae Kristo, te nkaraki enkitoo e Nkai. 8Amu ajoki nanu intae etaa Kristo osinka le lelo oomurata pee eitoduaaya esipata e Nkai, netum aitabai enkisiligata naishoo apa iloo papa, 9#2 Sam 22.50; Olk 18.49o pee etum sii ninche Iloreren aaisisa Enkai te nkaraki olng'ur lenye. Anaa enatisiraki aajo;
“Ore te nkaraki ina kaaisis iyie tiatua Loreren,
naranyaki enkarna ino;”
10 #
Enkig 32.43
nenyaakaki sii ajo,
“Enting'idata Iloreren, te nebo o ltung'ana le Nkai;”
11 #
Olk 117.1
o sii, “Esisa Olaitoriani, Iloreren pooki;”
12 #
Isa 11.10
nenyaaka sii Isaya ajo,
“Kelotu entonai e Yese, ninye ilo oinyototo aitore Iloreren;
naa ninye eyooki Iloreren aaisilig.”
13Meiputaki intae Enkai osiligi o enchipai pooki o eseriani tiatua enkirukoto, paa ore te ngolon e Nkiyang'et Sinyati nebul nedooyo osiligi linyi.
Esipata naigerishore Paulo te mpijan
14Atonyorrayie nanu openy intae, ilalashera o nkanashera aainei, nchere kebore intae esupatisho, nebore intae eng'eno pooki naa indimidimi aatuutai olikae o likae. 15Kake etii nkuti baa naigeroko intae te mpijan pee aitadamu intae te nkaraki empiris naaishoo Enkai 16mataa olaisiaayiani le Kristo Yesu too Loreren naas esiaai o lapolosani lo rorei supat le Nkai, pee eaku Iloreren olasar ong'amunoyu, oitukuoki te Nkiyang'et Sinyati. 17Ore naa tiatua Kristo Yesu, kaata esipata nawuasare esiaai ai te Nkai. 18Amu maitieu aimaki ae toki neme ina nataasa Kristo te nanu pee etum Iloreren aatoning ninye, to rorei o too nkiaasin, 19te ngolon oo nkitoduaat o too ne nking'asia e ngolon e Nkiyang'et Sinyati, metaa ore ebaiki Yerusalem o metamanai alo Ilirikum, atolikioyie tukul ororei supat le Kristo. 20Naitaa eyieunoto natii oltau elikioroto o rorei supat, neme te nene wuejitin neeidipaki aaipoto Kristo, pee meaku olkitamanyunoto le likae tung'ani alotu ashet. 21#Isa 52.15Kake ore anaa enatisiraki;
“Keyooki aadol lelo leitu ae kata elikini ninye,
neyooki ajing'aa lelo leitu ae kata ening ninye.”
Erreten e Paulo pee elo abaiki Roma
22 #
Irm 1.13
Te nkaraki ena pee aaibooyioki nkatitin kumok eitu alotu abaiki intae. 23Kake ore taata, amu meekure aata dikae wueji naisiaaishore te kulo kirinen, naa larin kumok ayieu ake nalotu abaiki intae, 24kaisilig ajo kalotu adol intae agiroo alo Spein, nikintobiraa sii intae teina lototo ai, atang'asa ashipakino aparanare intae te nkiti rishata. 25#1 Ilkor 16.1-4Ore te na kata ake, etiu nejia, kalo Yerusalem ayaki lelo sinyat eretoto. 26Amu etishipakinote Makedonia o Akaia esotore te nkaraki lelo sinyat aisinak ootii Yerusalem; 27#1 Ilkor 9.11netishipate ninche eas ina, neibala ajo keetayie ninche esile, amu amaa te naa keetuo Loreren aang'arie ninche enkirukoto e nkiyang'et, neishiaakino sii ninche neret aaisiaai lelo too masaa e mayianata. 28Ore naa pee aidip ena, naitabaiki ninche kuna naatasotuoki, nalotu aimaa intae aloito Spein; 29nayiolo ajo ore pee alotu enitii intae naa kalotu te mborei e mayianata e Kristo.
30Asai naa intae ilalashera o nkanashera aainei, to Laitoriani lang Yesu Kristo o te nyorrata e Nkiyang'et, entonyok te nebo nanu te nkomono niomonono Enkai kiomonokiki nanu, 31pee aarishieki lelo lemeiruk ootii atua Yudea, neaku sii esiaai ai naisiaai lelo sinyat te Yerusalem enang'amu te lelo sinyat 32pee te neyieu Enkai nayooki alotu enitii te ng'ida naitumurru aparan intae. 33Metaa Enkai e seriani te nebo intae pooki. Eesai.
Currently Selected:
Iroma 15: BIBLIAPRO
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2018
